Eyɔɔ 15

Yeso ga kpe mbè na azɔd vana éŋwaʼa

1Yeso gâ kpe, “Mmɛ na azɔd vana mɔmbwo, Àtɛ ngu mwɔ angwa ene eke wɛ. 2Engɔ wa gɔ̀ŋɔ atɔ azɔd yɛ a mwɔ ekwa ngu ne ma kla enta bo ngɛ à wàʼa. Engɔ wa klɔ̀dɔ̀ atɔ azɔd angɔ yɛ a ma kla enta ngɛ é le kpe e kla enta akɛkɛ. 3Mbɔn à shi pɛ nyɛ̀rɛ̀ zèʼe ene abwa yɛ mmɛ à shi tee endɔn ngɛ. 4Mbɔn mwɔ ene ebwa ŋwaʼ nè mmɛ, shi mmɛ gɛrɛ mwɔ ene ebwa ŋwaʼ nè mbɔn. Tsɛ̀ʼ etɔ azɔd deʼ e ma kla enta ene egha mɔ yɛ a ne me gli ekwa azɔd ngɛ bo. Éngɛ mbɔn ke né kla enta wɛ mbɔn ne mwɔ ene ega ŋwaʼ nè mmɛ ngɛ bo. 5Mmɛ na azɔd, mbɔn mwɔ atɔ azɔd. Abɔ byɛ e mwɔ nè mmɛ ngɛ, mmɛ gɛrɛ we mwɔ nè angɔ, e ba ngo kla enta azɔd akɛkɛ, mbɔʼnga mbɔn ke né le ebwa deʼ ene egha ndzɔn bo. 6Mala gho deʼ ne tsɔmɔ ene ebwa ŋwaʼ nè mmɛ bo, shi engɔ ne mwɔ na etɔ azɔd wɛ a shi zɔmɔ, e ne le ebwa deʼ é fwɛʼ anyi bo nɔ. E ba shùru atɔ azɔd zɔnɔ è twɔrɔ. 7Mala mbɔn tye nè mmɛ, ega ngu gɛrɛ tye nè mbɔn, shi mbɔn ba ngo le ala yɛ mbɔn ma biiri ngɛ. 8Ewunɔ wa ndɛʼ eghɔ ebe àtɛ ngu. Mala mbɔn kla enta akɛkɛ, shi mbɔn na bɔ bɛɛrɛ abwa mbu éŋwaʼa. 9Mmɛ we doʼo angɔn na aŋu àtɛ ngu gɛrɛ me doʼo angu ngɛ. Éngɛ mbɔn tye ene edoʼ ndza. 10Mala mbɔn shi etsɛrɛ ndza shi mbɔn ba ngo tyè ene edoʼ ndza, nkirinkin aŋu mmɛ à shi etsɛrɛ àtɛ ngu gɛ̀rɛ̀ shi tye ene edoʼ nè engɔ ngɛ. 11Mmɛ à shi tòʼro abwa zɔnɔ endɔn mbɔʼtye egɛnɛ ndza mwɔ nè mbɔn shi mbɔn gɛrɛ gɛnɛ angɔn mɛ̀ɛrɛ̀. 12Etɛʼɛ ndza ne ga kpe, doʼ ghongwa ngwɛ na aŋu mmɛ me doʼo awɛ ngɛ. 13Tsɛ̀ʼ edoʼ deʼ e me fɔɔ ezɔnɔ bo, kpe ebe gho deʼ é ndɛʼ ato mɔ egha esɔrɔ mɔ. 14Mala mbɔn shi etsɛrɛ ndza, shi mbɔn na asɔrɔ ndza. 15Mmɛ ke ma wa zɔʼrɔ angɔn kpe àdzob bo, mbɔʼnga àdzob ke nɛɛ ebwa wɛ gho kɛ̀ mɔ ma fwɛʼ ngɛ bo. Bɛʼngɛ mmɛ zɔʼrɔ angɔn kpe asɔrɔ, mbɔʼnga mmɛ shi tee abwa gimkpaʼ yɛ mmɛ à bɛɛrɛ ebe àtɛ ngu ngɛ endɔn. 16Ke mwɔ mbɔn à chi angu bo, bɛʼngɛ na mmɛ à chidi angɔn. Mmɛ à chidi angɔn kpe mbɔn ngɔɔ kla enta. Enta byɛ e ma ngo tsɔmɔ akyɛ gimkpaʼ ngɛ, mbɔʼtye ala yɛ mbɔn ma biiri ene ekumu ngu ngɛ, àtɛ wa ndɛʼ endɔn. 17Etsɛrɛ ndza ne ga kpe mbɔn doʼ egho wɛ.

Bɔ efwɔ ese â na gwè bɔ bɛɛrɛ abwa

18Mala bɔ efwɔ ese ma gwè angɔn, mbɔn nɛɛ efwɔ ńtara ntsɔn kpe angɔ à shi dye gwè angu. 19Mala mbɔn mwɔ nè bɔ efwɔ ese, shi e ba ngo doʼ angɔn na bɔ àmɔ̀ nɔ. Mbɔn ke bli ene egha bɔ efwɔ ese bo, bɛʼngɛ mmɛ a shi pwɔ̀nɔ angɔn chidi efwɔ ese, ne ǹji yɛ ese ma gwè angɔn ngɛ. 20Mbɔn zhuŋu ebwa wɛ mmɛ à ga endɔn kpe ‘Bɔ afwɛʼ ke ma fɔɔ gho kɛ̀ amɔ bo’ ngɛ. Mala angɔ à nyii angu, shi e gɛrɛ ba ngo nyii angɔn. Mala angɔ à zo ega ngu, shi e gɛrɛ ba ngo zo angɔn. 21Angɔ ba ngo le abwa zɔnɔ akwa ndzɔn mbɔʼ mmɛ, mbɔʼnga angɔ ke nɛɛ egho wɛ à tɔmɔ angu ngɛ bo. 22Mala mmɛ à ne shi zeʼe ga ebe angɔ bo, shi angɔ à ke le ebwa bɔɔbɔɔ bo. Bɛʼngɛ enjitsɔ, angɔ ke le ebwa deʼ é ga mbɔʼ ebwa bɔɔbɔɔ àmɔ̀ bo. 23Egho wɛ ma gwè angu ngɛ, nkirinkin wa gwè àtɛ ngu. 24Mala mmɛ a ne shi le ebwa zodo zodo deʼ, wɛ gho tsɛrɛ à ne shi abwaʼ angɔ bo ngɛ, shi angɔ ke ma ngo gò esɛʼ bo. Bɛʼngɛ enjitsɔ, angɔ ke le ebwa deʼ é ga mbɔʼ abwa bɔɔbɔɔ àmɔ̀ bo. Angɔ à shi zɔ abwa gimkpaʼ yɛ mmɛ à le ngɛ, bɛʼngɛ angɔ à dama gwè angu mane àtɛ ngu. 25Bɛʼngɛ ewunɔ né le ebwa wɛ efwɔ aŋwɛʼrɛ etsɛrɛ ngɛ gli éŋwaʼa kpe ‘Angɔ à na gwè angu ebli, tɔrɔ enji.’ ”

Efwɛʼ azhwɛɛrɛ pɛ

26Èndzobo chɛ ǹkpède yɛ mmɛ ma ngo sàa endɔn, nyɛ̀rɛ̀ zèʼe ebe àtɛ ngu, yɛ mwɔ azhwɛɛrɛ pɛ, yɛ a ma ga éŋwaʼa ngɛ, ma ngo zeʼe ngɛ, engɔ wa ngo bɛrɛ antsɛ mbɔʼ mmɛ. 27Mbɔn mbwo ba ngo bɛrɛ antsɛ ena gɛrɛ, mbɔʼnga mbɔn à ne mwɔ nè mmɛ nyɛ̀rɛ̀ zèʼe ene eklada.

Избрани в момента:

Eyɔɔ 15: nbt

Маркирай стих

Споделяне

Копиране

Искате ли вашите акценти да бъдат запазени на всички ваши устройства? Регистрирайте се или влезте

Научете повече за Aŋwɛʼrɛ Ebuumu Fe Nè Ngwe

Eyɔɔ 15

Популярни библейски стихове от
Eyɔɔ 15

Библия:

Ngwo

Версия: Aŋwɛʼrɛ Ebuumu Fe Nè Ngwe - nbt

Eyɔɔ 15

Eyɔɔ 15

Популярни библейски стихове от Eyɔɔ 15

Библия:

Ngwo

Версия: Aŋwɛʼrɛ Ebuumu Fe Nè Ngwe - nbt

Eyɔɔ 15

Популярни библейски стихове от
Eyɔɔ 15