Eyɔɔ 14

Yeso na aghɛʼnji é ngɔ̀ɔ ebe àtɛ

1Yeso gâ ebe angɔ kpe, “Mbɔn ke sa nyii angɔn, tsɛddɛ ńtara ntsɔn bo. Mbɔn le ebɛrɛ ene Ngwe gɛ̀rɛ̀ le ebɛrɛ ene mmɛ. 2Eto ndɔ be ghɛʼɛ efwɔ ndɔ àtɛ ngu. À ne me éngɛ bo, shi mmɛ à ke ga kpe mmɛ ngɔɔ é ndèerè afwɔ endɔn bo. 3Éngɛ mala mmɛ ngɔɔ ndeere afwɔ endɔn, shi mmɛ wa zeʼe é nu angɔn kpe mbɔn mwɔ nè mmɛ afwɔ yɛ mmɛ mwɔ ngɛ. 4Mbɔn be nɛɛ aghɛʼnji ene afwɔ yɛ mmɛ ma ngɔɔ ngɛ?” 5Tɔmas ga ebe engɔ kpe, “Masakɛ, mbyɛɛ ke nɛɛ afwɔ yɛ ngwo ma ngɔɔ ngɛ bo. Mbyɛɛ ba da nɛ̀ɛ aghɛʼnji yɛ ngɛ ene?” 6Yeso gíì kpe, “Mmɛ na aghɛʼnji, mwɔ éŋwaʼa gɛ̀rɛ̀ mwɔ etyê. Gho deʼ ke né ngɔ̀ɔ ebe àtɛ dye tɔrɔ é fɔɔ ena bo. 7Mala mbɔn me nɛɛ angu anchwɔnchwɔ, shi mbɔn gɛrɛ ba nɛɛ àtɛ ngu anchwɔnchwɔ. Enyɛrɛ enjitsɔ sa ngɔɔ embè, mbɔn shi nɛɛ engɔ gɛ̀rɛ̀ shi zɔ engɔ.” 8Firiboʼ gâ kpe, “Masakɛ, ngà tee àtɛ endyɛɛ shi e wa ngo koʼo endyɛɛ.” 9Éngɛ Yeso gíì kpe, “Firiboʼ, mmɛ shi tsɔmɔ nè ngwo ene endzobo dɔɔdɔɔ, ngwo à dà bli shi nɛɛ angu bo? Egho wɛ è shi zɔ angu ngɛ, shi zɔ àtɛ. Ngwo na da sa ga kpe tee àtɛ endɔn ngɛ ene? 10Mbɔn ke bɛrɛ kpe mmɛ we mwɔ nè àtɛ, àtɛ gɛrɛ mwɔ nè mmɛ bo? Abwa yɛ mmɛ ma ga endɔn ngɛ, mmɛ ke ma ga ene ekama ndza bo. Éngɛ na àtɛ wɛ mwɔ nè mmɛ ngɛ, a ma fwɛʼ afwɛʼ mɔ. 11Mbɔn bɛrɛ ebwa wɛ mmɛ ma ga ngɛ kpe mmɛ we mwɔ nè àtɛ, àtɛ gɛrɛ mwɔ nè mmɛ. Kà mbɔn bɛrɛ nyɛ̀rɛ̀ zèʼe ene abwa yɛ mbɔn me zɔ mmɛ ma fwɛʼ ngɛ.” 12Yeso ga kpe, “Mmɛ na ga éŋwaʼa endɔn kpe, egho wɛ me bɛrɛ ene mmɛ ngɛ, wa ngo le abwa yɛ mmɛ à shi le ngɛ. Angɔ gɛrɛ ba ngo fwɛʼ abwa yɛ a me kama fɔɔ azɔnɔ ngɛ, mbɔʼnga mmɛ wa ngɔ̀ɔ abwaʼ àtɛ. 13Mmɛ wa le ebwa wɛ mbɔn ma biiri ena ene ekumu ngu ngɛ mbɔʼtye, e ndɛʼ eghɔ ebe àtɛ nyɛ̀rɛ̀ zèʼe achim ŋwɔ. 14Éngɛ mbɔn be né biiri ka mwɔ ebwa we ene ekumu ngu, mmɛ wa le endɔn.”

Yeso tɔ̧ɔrɔ é sàa azhwɛɛrɛ pɛ

15Mala mbɔn me doʼo angu, mbɔn shi atsɛrɛ ndza. 16Mmɛ wa gà ebe àtɛ è ndɛʼ ǹkpède wɛ è ma sa kpèdè angɔn mwɔ nè mbɔn akyɛ gimkpaʼ ngɛ. 17Ǹkpède zɔnɔ na azhwɛɛrɛ pɛ éŋwaʼa. Ese de ke nɛɛ engɔ bo, mbɔʼnga e de ke ma zɔ engɔ bo gɛrɛ ne me nɛɛ engɔ bo. Bɛʼngɛ mbɔn be nɛɛ engɔ mbɔʼnga engɔ na tsɔmɔ nè mbɔn gɛ̀rɛ̀ ma ngo mwɔ nè mbɔn. 18“Èndzobo chɛ mmɛ ma ngɔɔ ngɛ, mmɛ ke ma ngo shi angɔn na bwɔti nɔ bo. Mmɛ wa ngo zeʼ abwaʼ ndzɔn. 19Ene antiri endzobo deʼ nɔ, ese ke ma wu zɔ angu ekyɛ tsɛrɛ bo, bɛʼngɛ mbɔn ba zɔ angu mbɔʼnga mala mmɛ mwɔ ekɔʼɔ, shi mbɔn gɛrɛ ba ngo mwɔ àkɔʼɔ. 20Efwɔ anji yɛ mbɔn ba ngo nɛɛ kpe mmɛ we nɛɛ àtɛ ngu. Mbɔn mwɔ nè mmɛ, mmɛ gɛrɛ mwɔ nè mbɔn. 21Éngɛ egho wɛ me le ebɛrɛ ene atsɛrɛ ndza ma shi ngɛ, ne engɔ wɛ me doʼo angu ngɛ. Engɔ wɛ me doʼo angu ngɛ, àtɛ ngu gɛrɛ wa doʼo engɔ, mmɛ mɔ gɛrɛ doʼo engɔ gɛ̀rɛ̀ tee angu ebe engɔ.” 22Éngɛ Judas wɛ à ne ma Judas Iskariyɔd bo ngɛ ga kpe, “Masakɛ ayɛ me le ngwo ma ke é tee awɛ me endyɛɛ ne mwɔ ebe ese gimkpaʼ bo?” 23Yeso gíì kpe, “Egho wɛ me doʼo angu ngɛ, wa kìrì abwa yɛ mmɛ ma tee ngɛ. Àtɛ ngu wa doʼo engɔ, mbyɛɛ gɛrɛ zeʼe mwɔ nè engɔ. 24Egho wɛ ne me doʼo angu bo ngɛ, ke ma zo abwa yɛ mmɛ ma tee ngɛ bo. Abwa zɔnɔ mbɔn ma zo nɔ ke ma andza bo. A ne zeʼe ebe àtɛ wɛ me saa angu ngɛ. 25Éngɛ abwa zɔnɔ gimkpaʼ mmɛ shi ga aŋu mmɛ bli nè mbɔn nɔ. 26Bɛʼngɛ ǹkpède yɛ mwɔ azhwɛɛrɛ pɛ, wɛ àtɛ ma ngo sàa ene ekumu ngu ngɛ, wa ngo tee abwa gimkpaʼ endɔn gɛ̀rɛ̀ zhuŋu angɔn ene abwa gimkpaʼ yɛ mmɛ à shi ga endɔn ngɛ. 27M̀bwarambwad, mmɛ shi nè mbɔn. M̀bwarambwad ndza mmɛ ndɛʼ endɔn. Mmɛ ke ma ndɛʼ endɔn na aŋu ese ma ndɛʼ ngɛ bo. Mbɔn ke sa nyii ńtara ntsɔn bo. Mbɔn gɛrɛ ke sa bumu bo.” 28Éngɛ Yeso fɔɔ embè ga kpe, “Mbɔn à zo mmɛ ga kpe mmɛ wa nyɛn ngɔɔ gɛ̀rɛ̀ wu zeʼe achim abwaʼ ndzɔn. Mala mbɔn me doʼo angu shi mbɔn be koʼro ma gɛnɛ angɔn kpe mmɛ wa ngɔɔ abwaʼ àtɛ, mbɔʼnga àtɛ we fɔɔ angu. 29Mmɛ shi tòʼro abwa zɔnɔ gimkpaʼ endɔn enjitsɔ, mbɔʼtye èndzobo chɛ a gimkpaʼ ma gli ngɛ, mbɔn bɛrɛ kpe mmɛ à ga. 30Mmɛ ke ma wu ga abwa tsɛrɛ akɛkɛ endɔn bo, mbɔʼnga ŋwɔ ǹtɔʼ efwɔ ese zɔnɔ a sa zeʼe. Engɔ ke le ekama deʼ edɔm ndza bo. 31Engɔ na zeʼe mbɔʼtye bɔ efwɔ ese me né bɛrɛ kpe mmɛ we doʼo àtɛ gɛ̀rɛ̀ ma fwɛʼ tye me ebwa wɛ àtɛ à shi tsɛrɛ ena ngɛ. Mbɔn zeʼe enjitsɔ shi ntsɔ nyɛnnɛ ene afwɔ zɔnɔ.”

Избрани в момента:

Eyɔɔ 14: nbt

Маркирай стих

Споделяне

Копиране

Искате ли вашите акценти да бъдат запазени на всички ваши устройства? Регистрирайте се или влезте

Научете повече за Aŋwɛʼrɛ Ebuumu Fe Nè Ngwe

Eyɔɔ 14

Популярни библейски стихове от
Eyɔɔ 14

Библия:

Ngwo

Версия: Aŋwɛʼrɛ Ebuumu Fe Nè Ngwe - nbt

Eyɔɔ 14

Eyɔɔ 14

Популярни библейски стихове от Eyɔɔ 14

Библия:

Ngwo

Версия: Aŋwɛʼrɛ Ebuumu Fe Nè Ngwe - nbt

Eyɔɔ 14

Популярни библейски стихове от
Eyɔɔ 14