Jonás 3
3
Beꞌnn kaꞌ llaꞌa yell Níniven bayat akre
1Xanllon bne'e Jonázen da wllope ras, na gulle'e leꞌe: 2Bzullaꞌa biejdo yell xhen ke Níniven, na bdixjwe ke dan wzenla rwen.
3-4Jonázen blloje'e zejdoeꞌe, na zajze'e Níniven, lljaneꞌe kan ba gull Xanllon leꞌe na. Níniven naken to yell xhen, llunen kaꞌ du chonn lla nench'na gumbiallon. Jonázen broe nez zaje'e gan nzi Níniven, na do lla broe nez, na llusieꞌe ne: Ye choa lla Níniven kweyin.
5Na beꞌnn kaꞌ sjalla yell xhen ke Níniven, na yoyte beꞌnn braw, na beꞌnn binak beꞌnn braw, biajle ake' ke Diozen, bzoa ake' diꞌll gun ake' was, na guk ake' rall zeche, nench'na llroen ke llayat akre. 6Na ke bllin diꞌll ki, lloa nay beꞌnnen llnebia Níniven, lekse kaꞌ bzolleꞌe gan llieꞌe llnebien, na bakeꞌe rall lsake kaꞌ sjanaken, na gukeꞌe rall da nak zech, na bllexate raw yu, na boazjeꞌe de yichj rawen. 7Na beꞌnn wnebian, na beꞌnn kaꞌ nechj kwiten, bdixjwe akre doxhente yell xhen'na, na bnee ake': Ni tich, beꞌnn nach, bi yej gawe'e, na ni tich bayix, ke xhiꞌr, ke bell, bi wello da gaw akba, ni bi wello nis yej akba. 8Na yoyte re' llayal gakre rall zeche, na wroen cha dalin zuyachre, na le walwill Diozen du yichj durallre, na le wayate ke daxhinj kaꞌ llunren. 9Na narachk chetkarize Diozen wacheꞌe kan llune xhbaben, na wayak xhenleꞌe, ke nake dan llrukeꞌen, nench'na bi kweyiꞌllo.
10Na Diozen breꞌre kan llun beꞌnn Nínive kaꞌ, le bill naw ake' llun ake' da xhinjen, na bayune xbab bill wlleyie'e le ake', kan ba bdixjweren.
Избрани в момента:
Jonás 3: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте