Joel 3
3
1 1 (4.1) Keten llin llan, ne Xanllon,
guna ke wayak wen ke Judán, na Jerusalén'na,
2 2(4.2) Watup wachaya yoyte be'nn ka' sjalla latj yell-liw ka' yela,
na wazaren ake' nada' rach yell-liw ke Josafat,
na gana' guna yel korchis ke ake' dan ben akre yell kia Israelen.
Le beslas ake' be'nn Israel ka' raw doxhente yell-li'on,
na bla ake' latj yell-liw kian.
3 3 (4.3) Beslas ake' yell kian, na ba'baj ake' suert, nench'na bwia ake' noxhan waganren len,
na beet ake' bidao biew, na rente bidao nor ake',
na bayullna ben ake' gaxht mellen
wew ake' zu, na rente nor ree ake'.
Xanllon benee yel korchis ke latj yell-liw ka' yela
4 4 (4.4) ¿Bixhan llenere kia Tiro, Sidón na Filistea? ¿Llenere wazire nada' wzon? ¿Llenere wchixhjre nada' raten? Axha ye to sete guna' re' dan llayal si'ren. 5 5 (4.5) Re' branle ya plat kia, na ya cha'on nzi oro, na rente da zak, na basa'ren lo yodao keren. 6 6 (4.6) Zit kwis bachere be'nn Judá ka', na yoyte be'nn yell ke Jerusalén'na, na betre le ake', nench'na ben ake' xchin be'nn griegos ka'. 7 7 (4.7) Axha nada' wabaja le ake' latj gan betre le aken, na nada' guna ke walleyrawre, kan benere le aken. 8 8 (4.8) Gota' xhi'nnre bi biew ka', na bi nor ka' raw be'nn Judíos ka', na le ake' got ake' le akbe raw be'nn sabeos ka', be'nn zajzu yell zit, nada' Xanle ba bnia ka'.
9 9 (4.9) Le chixhjwe dani latj yell-liw ka' yela.
Le wayon xhirall kwinle
nench'na chejre raw wdilen. Lewtane' waka ya kere ka'.
Le waze xnid ke gan chejre raw wdilen yoyte re' be'nn waka ya.
10 10 (4.10) Le gunchaw xchinlasre ka', da ka' llazllanrenlen,
nench'na wayaken ya da chejrenle raw wdil,
Na be'nnen bi ndiprallen ne': Nada' naka be'nn war.
11 11 (4.11) Yoyte re' be'nn sjalla latj yell-liw wrill ka',
lewelalldo, leda nench'na wadup wallayllo latj ni.
Na rente be'nn nexhjrallen wayake to be'nn war kwis.
12 12 (4.12) Legun xnid yoytere sjalla latj yell-li'on,
na lewadup rach ke Josafaten,
le gana' gun Xanllon yel korchis
ke yoyte be'nn ka sjalla latj yell-liw wrill ka'.
13 13 (4.13) Le kanake llebrazen nak ake' be'nn maren,
lewzoy ake' ke llzoye trigo da ba biech,
le ba bllin lla gak wrapen,
lewchochj ake' ke llchochje'e uvas,
le banak ake' ke zu da ba nak snia.
14 14 (4.14) Be'nn zan kwis ba badup ballay rach gan nzi babachuyralla,
le baze gawchoch lla ke Xanllon.
15 15 (4.15) Willen rente be'on wayaken xchul
na berj ka' wniten yel llaktit ken.
16 16 (4.16) To llchonch kanaken llne' Xanllon,
ya' Sión dan zu Jerusalén'na,
yeban na yell-li'on, llxhiz aken.
Axha Xanllon nake'e to da wkoej
ke be'nn Israel ka', be'nn ka' nak yell ke'e.
Dazegak da nbaraz ke Judán
17 17 (4.17) Na re' wazakere nadan naka Xanle Dios,
zoa gan nzi Sión, ya' xhirall kian,
na Jerusalén'na gaken to yell xhen da nak xhirall,
chras nullno be'nn zit ka' gak wadlan len.
18 18 (4.18) Ket llin lla'na, zu ke uvan rente lechen gaten ke llat nis raw rum ka', na raw ya' ka',
na yeo ka' sjade Judán yajlaw nis gat aken.
Na yoda'on llojen nis,
na len chiren raw rach gan nzi Sitim.
19 19 (4.19) Egipto na rente Edomen,
wayak aken latj dach yu bill,
le bet ake' be'nn ka' sjalla latj yell-liw ke Judán,
na dan brarj ake' xchen be'nn bi nap dol.
20-21 20-21 (4.20-21) Nada' wazia wzon ke yel guten ben aken. Na bi wazixhena ke be'nn ka' nap dolen.
Axha Judán na Jerusalén'na, kwen kwenze cha aken be'nn,
na nada', Xanle, sua ya' Sión'na.
Избрани в момента:
Joel 3: ZPUPAT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте