Лого на YouVersion
Иконка за търсене

Oseas 11

11
Diozen nlliere yell wednay ke'en
1Kan ne' nak Israelen bidao, nada' blliere;
le'en, nake xhi'nna, bayaxhe gan nzi Egipton.
2Axha kan zubia llayaxhe,
yezikre babiye'e kwitan.
Yell kian llute bayix nench'na lloerawe loe lsak ka',
na dllia ake' llen yar raw loe lsak ka'.
3Lakse ka nada' broera yell ke Efraín'na garen chaje'e,
na broera le'e koe nez.
Axha le aken bi bayakbe akre ke nadan llapa le ake'.
4Konen yel nllie kian
bayaxha le ake' kwitan,
bzia le aken kwit xa'ya
kakse bidao ne' llwalle'e,
nench'na bia da bdaw ake',
5na le aken bi wen akre wazeren ake' nada'.
Kelen'na de wabi ake' Egipton,
na be'nn Asiria ka' wnebia le ake'.
6Wdilen wlleyin yell xhen ke aken,
na wlleyiten ze'e war ka',
wlleyiten le ake', xtole xbab xhinj ke aken.
7Axha yell kian ba bachuyrall ake' wsanlall ake' nada',
lakse llusia ake', nutno llakren le ake'.
8¿Gakre gak wsana rwe', Efraín?
¿Gakre gak wsanlalla rwe', Israel?
¿Wakrize wlleyia rwe' kan blleyia yell xhen ke Admá,
o cha guna ko'o kan bena konen Seboím'na?
Raxhdaoan lljaleren,
llayachrallen rwe'.
9Bi guna ko'o kan nak yel llaklla kian:
bill wlleyia Efraín'na dayubre,
le nada' naka Dios, bi naka be'nn nache
Nada' naka be'nn Xhirall zurena rwe' txhen,
na bi ne' yeda wlleyia rwe'.
10Le aken naw ake' Xanllon,
na leꞌen gusie'e ke to bell yix.
Gusie'e, na beꞌnn ke'e ka'
to xhistit ake' yed ake' be'nn ka' sjalla gan llayo willen.
11Ke ba zajzu xhir wayed ake', to xhistit ake' wallach ake' yell Egipton,
wallach ake' yell Asirian ka prum ake',
na guna nench'na yella ake' lo yo' rill aken dayubre.
Nada' Xanle, ba bnia ka'.
Da maren de raw yell ke Diozen
12 12 (12.1) Efraín'na ziyeteze ziye'e nada',
na Israelen du tiemp ziye'e nada',
Judán ba babiye'e kwit Diozen,
na ba llunliralle'e loe lsak ka'.

Избрани в момента:

Oseas 11: ZPUPAT

Маркирай стих

Споделяне

Копиране

None

Искате ли вашите акценти да бъдат запазени на всички ваши устройства? Регистрирайте се или влезте