Omochakano 5
5
Ororeeria rwa Adamu
1 #
Omoch 1:27,28 Oyo noro omoroberio bw’ororeeria rw’Adamu. Ekero keria Nyasae atongete Mwanyabaanto, akabaroisia ase omogwekano oye omonyene. 2#Mat 19:4; Mar 10:6Ere akabatonga omosacha na omokungu, akabasesenia, akabaroka Mwanyabaanto. 3Ekero Adamu konya amenyire emiaka rigana erimo na emerongo etato (130), akaba ise bw’omwana omomura omobwekaine, ore ekieni kiaye ere omonyene, akamoroka Seti. 4Magega y’okoiborwa gwa Seti, Adamu akagenderera komenya goika emiaka ende amagana atano na atato (800), erio akaba ise bw’abana baabande, abamura na abaiseke. 5Ase oboamo Adamu nigo amenyete, emiaka amagana kianda, na emerongo etato (930), erio agakwa.
6Ekero Seti konya amenyire emiaka rigana erimo, na etano (105), akaibora Enosu. 7Magega y’okoiborwa kwa Enosu, Seti akamenya naende emiaka ende amagana atano na atato, na etano na ebere (807), akaba ise bw’abana bande, abamura na abaiseke. 8Ase oboamo, Seti nigo akoorete emiaka amagana kianda, na ikomi na ebere (912), erio agakwa.
9Ekero Enosu amenyire emiaka emerongo kianda (90), akaba ise Kainani. 10Magega y’okoiborwa gwa Kainani, Enosu nigo amenyete emiaka amagana atano na atato, na ikomi na etano (815), akaba ise bw’abana bande, abamura na abaiseke. 11Ase oboamo, Enosu nigo akoorete emiaka amagana kianda, na etano (905), erio agakwa.
12Ekero Kainani konya emenyire emiaka emerongo etano na ebere, (70), akaibora Mahalaleli. 13Magega y’okoiborwa kwa Mahalaleli, Kainani nigo amenyete emiaka amagana atano na atato, na emerongo ene (840), akaba ise bw’abana bande, abamura na abaiseke. 14Ase oboamo, Kainani nigo amenyete emiaka amagana kianda, na ikomi (910), erio agakwa.
15Ekero Mahalaleli emenyire emiaka emerongo etano nomo, na etano (65), akaibora Yaredi. 16Magega y’okoiborwa kwa Yaredi, Mahalaleli nigo amenyete emiaka amagana atano na atato, na emerongo etato (830), akaba ise bw’abana bande, abamura na abaiseke. 17Ase oboamo, Mahalaleli nigo amenyete emiaka amagana atano na atato, na emerongo kianda, na etano (895), erio agakwa.
18Ekero Yaredi amenyire emiaka rigana erimo, na emerongo etano nomo, na ebere (162), akaibora Enoku. 19Magega y’okoiborwa kwa Enoku, Yaredi nigo amenyete emiaka amagana atano na atato (800), akaba ise bw’abana bande, abamura na abaiseke. 20Ase oboamo, Yaredi nigo amenyete emiaka amagana kianda, na emerongo etano nomo, na ebere (962), erio agakwa.
21Ekero Enoku amenyire emiaka emerongo etano nomo, na etano (65), akaibora Metusela. 22Magega y’okoiborwa kwa Metusela, Enoku akaba ogotaara amo na Nyasae ase emiaka amagana atato (300), erio akaba ise bw’abana bande, abamura na abaiseke. 23Ase oboamo, Enoku akamenya nemiaka amagana atato, na emerongo etano nomo, ne etano (365), 24#Abaibr 11:5; Yuda 1:14akaba ogotaara amo na Nyasae. Erio tachikororekana naende, ekiagera Nyasae nigo amoirete.
25Ekero Metusela amenyire emiaka rigana erimo, na emerongo etano na etato, na etano na ebere (187), akaibora Lameki. 26Magega y’okoiborwa kwa Lameki, Metusela nigo amenyete emiaka amagana atano na abere, na emerongo etano na etato, na ebere, (782), akaba ise bw’abana bande, abamura na abaiseke. 27Ase oboamo, Metusela nigo akoorete emiaka amagana kianda, na emerongo etano nomo, na kianda (969), erio agakwa.
28Ekero Lameki amenyire emiaka rigana erimo na emerongo etano na etato, na ebere (182), akaba ise omwana omomura, 29akamoroka Nuhu#5:29 Nuhu: engencho yaye: okoremigwa (1 Amg 1:5-23) agateeba: “Oyo nere oratoremie intwe ase emeremo yaito, na obokong’u bwaito, ase riroba eri Omonene aragereretie.” 30Magega y’okoiborwa kwa Nuhu, Lameki akamenya emiaka amagana atano, na emerongo kianda, na etano (595), akaba ise bw’abana bande, abamura na abaiseke. 31Ase oboamo, Lameki akamenya emiaka amagana atano na abere, na emerongo etano na ebere, na etano na ebere (777), erio agakwa.
32Ekero Nuhu amenyire emiaka amagana atano (500), akaba ise bw’abana abamura, nabwo Shemu, na Hamu, na Yafeti.
Избрани в момента:
Omochakano 5: EKGE
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
©Bible Society of Kenya, 2021