KEJADIAN 9
9
Allahn Nuh fam sali imbibag ane
1 #
Kej 1:28
Ari ibareg Allahn Nuh umalikisi men inineyap enepmin ulug hiyag isaruk lit, ”Hit famen ap anggolo endebuhubonen kinang aru keleg uhup. 2Lebe ruruk angge kinangma werehon men pohol ke larukon menen hit fahet enekol toho welamuhup. It obog toho hit hininggikmu welamuhup. 3Kinangman wilip atuk angge naruk lamuhup ulug Anden og hisarikik hag toho ketiya lebe ruruk angge arimano oho naruk lamuhuben hiyag hisaruk lahi. 4#Im 7:26-27, 17:10-14, 19:26; Ul 12:16, 23, 15:23We mep fam himengge werehen lebe ruruk angge mebet angge naruk lamuhup fug. 5Ap men wam mene pisanggo menen ap eke watuk halug Anden ayeg waroho unusuhuk. 6#Kej 1:26; Kel 20:13Anden ap An nahuhe wirim toho wal eneptikik angge re ap san ap eke ware fusuhu halug at ino oho ap winonen wabuhup.
7 #
Kej 1:28
Hit famen ap anggolo endebuhubon kinang atogman atogma keleg toho welamuhup,” ibag.
8Ari ibareg Allahn Nuh umalikisi men nin hiyag isaruk lit, 9”Ketiya hat men humalikisiyen endebuhubon men 10lebe ruruk angge kinangma werehonet pohol ke larukonet hit ambiyeg kou ino famen wilip ahebon hunubam sali embeminon tu: 11Mun angge man angge sat werehon obog toho nin ik fam unusuhuk fug ulug sali tu emberuk lahi. Ik humon yenggeltil laharuk lit kinang aru nin eke siyahap tuhu fug. 12Anden hit men lebe ruruk angge arimano men hunubam sali emberuk lahiyon tu mondabi weregman eneg napeleg aruhu fug. Sali emberuk lahiyon tu fahet tem toho peruk lamuhuben enehangge 13An nasehen aru kaliye ahikal hag toho hina fam emberuk lahi. 14Anden hinan pohol hililip turuk li nasehen aru inam atuk halug 15Anden mun angge man angge sat werehon arimano ik fam unusuhuk fug ulug sali emberuk lahiyon tu fam wenggel haruk laruhuk. 16Kaliye ahikal inam atukmu Anden yet haruk lit hit men lebe ruruk angge kinangma werehon obog toho hunubam sali eleg am fug tehon emberuk lahiyon aru fahet noluk toho welaruhuk. 17Anden mun angge man angge sat werehon unubam sali emberuk lahiyon tu fahet tem toho peruk lamuhuben enehangge kaliye ahikal aru emberuk lahi,” ibag.
Nuh umalikisi men fahet ibag ane
18Nuh umalikisi kou ino famen wilip atfahon itano ununuk Sem, Yafet, Ham wilip atfag. Ham amloho Kanaan welatfag. 19Nuh umalikisi hinahan itano ap kinangmon obog toho unumbasi atfag.
20Nuh ino yabuk wituk ahun wereg lit anggur yabuk wituk ane aren ak tibag. 21Anggur yabuk wituk lit misihim sambil Nuh ino anggur ahaluwe olokon nibareg nenek turuk latfag. Nenek turuk lit asum wan teg latfahon nonggoloho hik isibareg abiye ibam o saboma nohoruk latfag. 22Hun ino abiye nohorukmu Kanaan ikni Ham inowen yet hibareg ori piren unubam hiyag isa libag. 23Hiyag isa libagma Sem men Yafet men itanowen sum eke wibareg unumaloma tuhuloho walug ninikni abiye weregma yet hahuk tohon ulug enembol han o ino kibareg inikni sum ino fam hililip tibibag. 24Hililip tibibagma welatfareg Nuh ino indi yuwag atfagma in atuk lit Ham inowen nubam tuk fug ane tehek ulug indi anggar atfagma 25ele uruk lit,
”Numbusag Kanaan siyag amag!
At ori enemingmingangge toron welamag!
26Namloho Sem Ikni Allah wel turuk lamuhup!
Kanaan ino Sem amingmingangge welaruhu.
27Allahn Yafet angginang hili yat toho hiyag uruhumu#Ibrani enele fam Yafet unuk ari men hili yat toho emberuk uruk ane men ambi reg.
aren ondohowonen endebuhubon arimano Sem umalikisi men ambiyeg welamuhup.
Kanaan ino Yafet amingmingangge aruhu,” ibag.
28-29Ik humon yenggeltil lahibag liyen mo ilig am wirig am turukmen teng nuwalen 350 atfagma Nuh ino mondabi sabal 950 tahun atfareg war atfag.
Избрани в момента:
KEJADIAN 9: YLI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
@ LAI 2018