KEJADIAN 2
2
1Neno tunan ma pah pinan nok in nesan In mepu natis ma namno'u kun onane. 2Uisneno nasopu nani In mepu anbi neno hitu, onane te In nasnas. 3Es nane te In anfe nani tetus neu neno hitu nane ma In anbeti nani neno le nane, natuin anbi neno nane Uisneno In nasnas leka In nasopu nalali In mepu. 4aUisneno anfatan ma anmepu neno tunan ma pah pinan nok in nesan onane.
Etu Eden
Leka Uisneno anmepu neno tunan ma pah pinan, 5kan mu'i fa fini le natol ma kan mu'i fa luet anbi pah pinan, natuin Uisneno fe ka nasanut fa tuaf he nati' anmepu nain le nane. 6Mes oe nasum na'ko pinan ma napeteb pah anfunam natef.
7Nalali te Uisneno naiti afu ma nabuab anfani atoni mese, ma antao snasaf amonit neu in, nao natuin in panan; es nane te atoni le nane anmoni.
8Nalali onane te Uisneno anmo'e nani etu mese anbi Eden, anbi neno saet, ma In antao nani atoni le In anmepu nalali nane. 9Uisneno namonib ale hau amasat, le nafua fuan alekot. Anbi etu in atnanan, In namonib hau le neki honis, ma hau le anfe hinet neu alekot ma amle'ut.
10Noe mese ansai na'ko Eden ma napet etu nane; ma anbi etu le nane in kotin noe nane anbation soluf ai sekif ha. 11Le ahunut in kanan Pison; noe nane ansai anfun natef pah Hawila. 12Anbi bale nane anmu'i mnatu nesaf, ma hau fomeni le ka napeni fa anbi bale bian, ma fatu aklima. 13Noe nono nua in kanan Gihon; in oe ansai anfun natef pah Kus. 14Noe le nono tenu in kanan Tigris in ansai anbi pah Asyur in aon bian neno saen. Ma noe le nono ha in kanan Efrat.
15Nalali onane te Uisneno antao atoni nane anbi etu Eden he nati' anmepu ma anpanat etu le nane. 16Uisneno namolok neu atoni nane nak, “Na'ko hau-hau le anbi etu le i in nanan sin fuan nabe'i ho muah, 17mes neu hau le anfe hine neu alekot ma amle'ut in fuan kaisa ho muahan; kalu ho muah in fuan, namneo of ho mate anbi neno le nane amsa.”
18Oke te Uisneno Uisneno nak, “Ka naleko fa leka atoni nane anmoni anmes. Of Au mo'e ani biaf ai benuf mese le natai nokan hen tuntaku in.” 19Es nane te In naiti afu kle'o ma anmo'e ale mu'it anbi meto ma kolo anbi neno atnanan. Uisneno neki sin nem neu atoni le nane he nati' in ankiso ma kanaf sa' es of in hen fe nani neu mu'it-mu'it le nane. Le i kanaf le anfatan nani neu mu'it anbi meto ma anbi neno atnanan es nok es. 20Atoni le nane antek nani ale mu'it anbi meto ma anbi neno atnanan onane. Mes anbi sin atnanan kan mu'i fa esle' he natai ma anfani biaf ai benuf hen tuntaku in.
21Oke te Uisneno anmo'e atoni nane antup anfin, ma anbi in tupas le nane, Uisneno napoitan bnapa mese na'ko atoni nane in aon, ma an obe nafani in balan neki nesa. 22Uisneno anmo'e nani bife mese na'ko nui bnapa nane, ma In neki nem neu atoni nane. 23Ma atoni nane namolok nak,
“Namneo lo in, tuaf le namnes nok kau –
nuif na'ko au nuif, ma nesa na'ko au nesa.
Au ukanab in bife, natuin naiti in na'ko atoni.”
24Nok lasi nane te atoni of nasaitan in amaf ma in ainaf, ma nabua nok in fenai, oke te sin nua sin anfani mese.
25Atoni ma bife nane sin aonmonas kun, mes sin ka natenab fa lasi mae es nok es.
Избрани в момента:
KEJADIAN 2: AOZ
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте