ମାଥିଉ ପାରିଚାଏ
ପାରିଚାଏ
ୟୀଶୁ ଖ୍ରୀଷ୍ଟ୍ଆଃ ଜୀଦାନ୍କେ ଉଦୁବେତାନ୍ ନାୱା ନିୟାମ୍ରାଃ ଉପୁନିୟା#୧:୦ ଚାଇର୍ ପୁଥିକଏତେ ମାଥିଉ ଅଲାକାଦ୍ ସୁକୁକାଜି ହବାଅଃତାନା ମିଆଁଦ୍ । ଏନ୍ ସବେନ୍ ପୁଥିକକେ ୟୀଶୁ ଖ୍ରୀଷ୍ଟ୍ଆଃ “ସୁକୁକାଜି” କାଜିୟଃତାନା । ୟୀଶୁଆଃ ଗନଏଃ ତାୟମ୍ତେ ଏନ୍ ସୁକୁକାଜିକେ ମାଥିଉ, ମାର୍କ, ଲୁକ, ଆଡଃ ଯୋହାନ୍ ତିକୁ ଅଲାକାଦାଃକ । ମାଥିଉ ଅଲାକାଦ୍ ସୁକୁକାଜିରାଃ ଅନଲ୍ ଦିପିଲି କା ସାରିୟଃରେୟ, ବାଇବାଲ୍ ପାଣ୍ଡିତ୍କ କାଜିୟାଃକ ଯେ, ନେଆଁଁ ଖ୍ରୀଷ୍ଟ୍ଆଃ ଜାନାମ୍ ତାୟମ୍ ୬୦ କରେ ଅଲାକାନ୍ ତାଇକେନା । ନେଆଁଁରାଃ ଅନଲ୍ ଠାୟାଦ୍ କା ସାରିୟଃତାନ୍ରେୟ, ଚିମିନ୍କ ପାଲେଷ୍ଟାଇନ୍ ଦିଶୁମ୍ରାଃ ଯୀରୁଶାଲେମ୍ ନାଗାର୍ରେ ଅଲାକାନା ମେନ୍ତେକ ବିଶ୍ୱାସାଃ ।
ନେ ପୁଥିରାଃ ଅନଲ୍ନିଃ ମାଥିଉ ତାନିଃ, ୟୀଶୁ ଇନିଃକେ ଆୟାଃ ଚେଲା ବାଇୟଃ ନାଙ୍ଗ୍ କେଡ଼ା ସିଦାରେ ଇନିଃ ମାଲ୍ହାରମ୍ ତାଇକେନାଏ । ଇନିଃ ଲେବୀ ମେନ୍ତେୟ ସାରିୟଃ ତାଇକେନାଏ । ମାଥିଉ ଗେଲ୍ବାର୍#୧:୦ ବାରାଝାନ୍ ପ୍ରେରିତ୍କଏତେ ମିହୁଡ଼୍ ତାଇକେନାଏ ଆଡଃ ଇନିଃ ବିଶେଷ୍କେଦ୍ତେ ଯିହୁଦୀ ହଡ଼କଆଃ ନାଗେନ୍ତେ ନେ ସୁକୁକାଜି ଅଲାକାଦାଏ । ଅକ୍ନାଃଚି ଆୟାଃ ଅନଲ୍ରେ ମାରି ନିୟାମ୍ ଧାରାମ୍ପୁଥିରାଃ ଆପିହିସିଠୁ ବାଚାନ୍, ନେ ମାଥିଉ ପୁଥିରେ ଉଦୁବଃତାନା । ୟୀଶୁ ଖ୍ରୀଷ୍ଟ୍ ଚାଏ ମାସି ପାର୍ମେଶ୍ୱାର୍ଆଃ ସାଲାକାନ୍ ବାଞ୍ଚାଅନିଃ ଆଡଃ ରାଜା ତାନିଃ । ଅକଏୟାଃ ହିନିଜୁଃ ବିଷାଏରେ ମାରି ନିୟାମ୍ରାଃ ଧାରାମ୍ପୁଥିରେ ଆୟାର୍କାଜି#୧:୦ ସିଦାରେ ହବାଃଅତେୟାଃ କାଜିକାନ୍ ତାଇକେନା, ଏନା ମାଥିଉ ପୁରାଃତେ ଉଦୁବ୍ ନାଙ୍ଗ୍ ସାନାଙ୍ଗ୍ ତାଇକେନାଏ । ଯିହୁଦୀକ ମାସିକେ ଆକଆଃ ରାଇଜ୍ରାଃ ରାଜା ହବାଅଃଆଏ ମେନ୍ତେ ଆସ୍ରାକାଦ୍ ତାଇକେନାକ । ମାଥିଉ, ପାର୍ମେଶ୍ୱାର୍ଆଃ ରାଇଜ୍କେ, ଆତ୍ମିକ୍ରେୟାଃ ରାଇଜ୍ ତାନାଃ, ଅତେଦିଶୁମ୍ରାଃ ରାଇଜ୍ ନାହାଁଲାଃ ମେନ୍ତେ କାଜିକାଦା । ମାଥିଉ ଆୟାଃ ଅନଲ୍ରେ ପାର୍ମେଶ୍ୱାର୍ଆଃ ରାଇଜ୍ ବିଷାଏରେ ପୁରାଃତେ ଉଦୁବ୍ ନାଙ୍ଗ୍ ସାନାଙ୍ଗ୍କାଦାଏ ।
ମାଥିଉ ଅଲାକାଦ୍ ସୁକୁକାଜି ନାୱା ନିୟାମ୍ରାଃ ପାହିଲା ପୁଥି ନାଗେନ୍ତେ ପୁରାଃ ବୁଗିନ୍ ତାନାଃ, ଚିୟାଃଚି ମାରି ନିୟାମ୍ରାଃ ବାଚାନ୍କ ପୁରାଃତେ ଉଦ୍ବାକାନା । ନେ ପୁଥି, ମାରି ଆଡଃ ନାୱା ନିୟାମ୍ ବାରାନାଃକେ ମେସାଃଏ । ବାଇବାଲ୍ ପାଣ୍ଡିତ୍କହଁ କାଜିୟାଃକ, ମାଥିଉ ଆୟାଃ ଅନଲ୍ରେ ମୁଶା ନାବୀରାଃ ଆନ୍ଚୁ ଲେକା ସେସେନ୍ ନାଙ୍ଗ୍ ସାନାଙ୍ଗ୍କାଦାଏ, ଅକ୍ନାଃଚି ମାରି ନିୟାମ୍ରାଃ ପାହିଲା ମଣେୟାଁ#୧:୦ ପାଞ୍ଚ୍ଠୁ ପୁଥି ତାନାଃ । ୟୀଶୁଆଃ ବୁରୁ ଚେତାନ୍ରେୟାଃ ଇନିତୁ ୫–୭ ଆଧ୍ୟାୟକେ ପାର୍ମେଶ୍ୱାର୍, ମୁଶା ନାବୀକେ ଏମାକାଇ ଆନ୍ଚୁଲଃ ହଗି ଜକାଃଏ ୨ କିଲିକଆଃ ୧୯:୩–୨୩:୨୧ ।
ପୁଥି ଭିତାର୍ରେ ତାଇକାନ୍ କାଜି
୧. ୟୀଶୁ ଖ୍ରୀଷ୍ଟ୍ଆଃ ଜାନାମ୍ ଆଡଃ ସେୱାକାମିରାଃ ଏନେଟେଦ୍ । ୧–୪
୨. ୟୀଶୁ ଖ୍ରୀଷ୍ଟ୍ଆଃ ସେୱାକାମି ଆଡଃ ଇନିତୁ । ୫–୨୫
୩. ୟୀଶୁ ଖ୍ରୀଷ୍ଟ୍ଆଃ ଗନଏଃ ଆଡଃ ଜୀଉବିନିରିଦ୍ । ୨୬–୨୮
Избрани в момента:
ମାଥିଉ ପାରିଚାଏ: NTRuu20
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
The New Testament in Munda Language © The Word for the World International and Munda Believers Assembly, SDCU, Sambalpur, Odisha. 2020