LOUKAS 22
22
Ka jingïasylla pyrshah ïa U Jisu
(Mat. 26:1-5,14-16; Mrk. 14:1-2,10-11; Ïoan. 11:45-53)
1 #
Eks. 12:1-27; Mat. 26:2-5; Mrk. 14:1-2; Ïoan. 11:47-53. Te Ka Jingkhawai Niam U Kpu Bakhlem Thiat ka la jan, ïa kaba khot “Ka Niam Ka Jinglait”. 2Te ki rangbah lyngdoh bad ki nongthoh, ki la ïawad dong kumno ba kin ïoh ban pynïap noh ïa u; naba ki la ïasheptieng ïa u paidlang.
3Ynda kumta, u Soitan u la leit bsut hapoh u Judas ïa uba la sin “Iskariot”, uba long uwei na ki khat-ar ngut. 4Te haba u la leit noh, u la ïasylla bad kita ki rangbah lyngdoh bad kita ki kapten#22:4 kapten: Ha ki kitab ka Testament Barim la don da ka kyntien kaptan., da kaba kumno un ïoh ai noh ïa U ha ki. 5#Mat. 26:14-16; Mrk. 14:10-11; Ïoan. 13:2.Te ki la ïakmen, bad ki la ïakut ban ai sbai ha u. 6U ruh u la kohnguh, bad u la wad dong kaba bit ïa ka ban ai noh ïa U ha ki ha ka bymdon u paidbah.
U Jisu u pynkhreh ban bam ïa Ka Niam Ka Jinglait
(Mat. 26:17-25; Mrk. 14:12-21; Ïoan. 13:21-30)
7 #
Mat. 26:17-19; Mrk. 14:12-16. #
Eks. 12:18-20; Deu. 16:5-8. Ynda kumta, la jia kata ka sngi U Kpu Bakhlem Thiat, ha kaba la dei ban kñia ïa Ka Niam Ka Jinglait. 8#Ki Kam. 3:1; Luk. 19:29.Te U la phah ïa u Petros bad ïa u Ïoannis, U da ong, “To khie leit ïakhreh ïa ngi ïa Ka Niam Ka Jinglait, ba ngin ïoh ïabam.” 9Te ki la kylli ïa U, “Hangno me mon ba ngin ïakhreh?” 10U la ïathuh te ha ki, “Ha khmih, ynda phi la rung ha kato ka shnong, u briew un ïakynduh bad phi, uba bah shi kum#22:10 kum: U Khra ne u khiew ne u phiang. ka um: phin bud ïa u sha kata ka ïing sha kaba u rung, 11bad phin ong ha u trai kata ka ïing, ‘U Nonghikai u kylli ïa me, Hangno kata ka kamra ha kaba ngan ïoh bam ïa Ka Niam Ka Jinglait lem bad ki synran jong nga?’ 12U te un pyni ha phi ïa ka kamra haneng kaba khraw kaba la don ka jingbuh jingsat: hangta phin ïakhreh.” 13Kumta, ki la ïaleit, bad ki la shem kumba U la lah ong ha ki: bad ki la ïakhreh ïa kata Ka Niam Ka Jinglait.
14 #
Mat. 26:20; Mrk. 14:17; Ïoan. 13:17. Ynda kata ka por te ka la jia, U la shong shaniah, bad kita ki apostol lem bad U.
Ka Jingkhawai U Trai
(Mat. 26:26-30; Mrk. 14:22-26; 1 Kor. 11:23-25)
15 #
Luk. 12:49-50. U la ong te ha ki, “Nga la kwah shikatdei eh ban bam ïa kane Ka Niam Ka Jinglait lem bad phi, katba ngam pat shah, 16#Luk. 14:15.naba nga ong ha phi, ba ngan ym bam shuh na kane, tad ynda yn pyndep ïa ka ha ka hima U Blei.” 17#Mat. 26:27; Mrk. 14:23; 1 Kor. 10:16.Te u la shim ïa ka khuri, bad haba u la lah nguh de, u la ong, “To shim ïa kane bad to ïasam hi paralok; 18#Mat. 26:29; Mrk. 14:25.naba nga ong ha phi, ba ngan ym dih shuh na u soh u dieng Waiñ, tad ynda kata ka hima jong U Blei kan da wan.” 19#Mat. 26:26; Mrk. 14:22; 1 Kor. 10:16; 11:23-26; Luk. 9:16.U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.” 20#Jer. 31:31-34; Eks. 24:6-8.Kumjuh ruh ïa kata ka khuri, hadien kaba bam ja miet, U da ong, “Kane ka khuri ka long kata Ka Jutang Ka Bathymmai da ka snam jong nga, ïa kaba yn sa theh noh na ka bynta jong phi: 21#Mat. 26:21-24; Mrk. 14:18-21; Salm. 41:9; Ïoan. 13:21-30.pleng ha khmih, ka kti ka jong uta uba die noh ïa nga, ka don lem bad nga halor kane ka miej: 22#Salm. 41:9.te shisha U Khun u briew u leit noh, kumba la thmu lypa; hynrei, kordit ïa uta u briew da uba yn die noh ïa u!” 23Ynda kumta, ki la sdang ban ïakylli paralok hi, hato dei uwei na ki u ban sa leh ïa kane.
Ka jingïasaid shaphang ka jinglong khraw
24 #
Mat. 18:1; Mrk. 9:34; Luk. 9:46. Te ka la mih ruh ka jingïasaid hapdeng jong ki, ïano na ki yn ñiew uba kham khraw. 25#Mat. 20:25-28; Mrk. 10:42-45; Ïoan. 13:3-16.U la ong te ha ki, “Ki syiem jong ki Jentil ki leh trai khlieh ïa ki, bad ïa kita kiba don bor halor jong ki la khot ‘Nongkambha’. 26#Mat. 23:11; Mrk. 9:35; Luk. 9:48.Hynrei, phi, phin ym long kumta; hynrei, uta uba kham khraw hapdeng jong phi, ai ba un long kum uba kham poh; bad uta uba synshar, kum uta uba shakri. 27#Ïoan. 13:12-15.Naba uno uba kham khraw, uta uba shong bam lane uta uba shakri? ym dei uta uba shong bam? hynrei, nga, nga long hapdeng jong phi kum uta uba shakri.
28 #
Mat. 19:28; Luk. 4:13; Heb. 2:18; 4:15. “Phi long kita te kiba la ïaisah lem bad nga ha ki jingtynjuh jong nga. 29#Mrk. 14:24; Heb. 9:20.Nga te nga kular skhem ha phi ïa ka hima, kumba U Kpa jong nga u la ai ha nga, 30#Mat. 19:28; Mrk. 10:37; Jpw. 3:21; 20:4.ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”
U Jisu u ïathuhlypa ba u Petros un len noh ïa U
(Mat. 26:31-35; Mrk. 14:27-31; Ïoan. 13:36-38)
31 #
Job. 1:6-12; Amo. 9:9. U Trai u la ong ruh, “Ko Simon, Simon, ha khmih u Soitan u la pan ban ïoh ïa phi, ïa ka ban ïoh tai ïa phi kum ïa u Kew: 32#Ïoan. 17:15; 21:15-17.hynrei, nga la duwai ma nga na ka bynta jong me, ba ka jingngeit jong me kan ym duh noh; ma me te ynda me la kylla bha pat to men pynskhem ïa ki para jong me.” 33#Mat. 26:33-35; Mrk. 14:29-31; Ïoan. 13:37-38.U te u la ïathuh ha U, “Ko Trai, nga la kloi ban leit ryngkat bad me sha ka byndi, bad sha ka jingïap ruh.” 34U te U la ïathuh, “Nga ong ha me, ko Petros, u syiar un ym riew ha kane ka sngi tad ynda men len lai sien ba me ithuh ïa nga.”
Ka ïarong, ka jingpan bad ka waitlam
35 #
Mat. 10:9,10; Mrk. 6:8,9; Luk. 9:3; 10:4. Ynda kumta, u la ong ha ki, “Mynba nga la phah noh ïa phi khlem ka jingpan, bad ka ïarong, bad ki juti, phi la sngewkyrduh ei ei ruh ne em?” Ki te ki la ïathuh, “Ei ei ruh em.” 36#Luk. 22:49-50.Te u la ong ha ki, “Hynrei mynta, jar uba don ka jingpan, to ai ba un rah, kumjuh ruh ïa la ka ïarong: bad jar u bymdon ka waitlam, to ai ba un die noh ïa la ka jaiñkup, bad ba un thied kawei; 37#Isa. 53:12.naba nga ong ha phi, ba ka dei ban pyndep ha nga ïa kane kaba la thoh: ‘Bad la ñiew ïa u lem bad ki nongpalat’: naba don ka jingpyndep shisha ïa kita kiei kiei ruh shaphang jong nga.” 38Ki te ki la ong, “Ko Trai, ha khmih, ar tylli ki waitlam hangne.” U te u la ong ha ki, “Keiñ noh!”
U Jisu u duwai
(Mat. 26:36-46; Mrk. 14:32-42)
39 #
Mat. 26:30; Mrk. 14:26; Luk. 11:4; Ïoan. 18:1. Te u la mih noh, bad u la leit, kumba u ju leit, sha u lum Olib; te ki synran jong u ruh ki la bud ïa u. 40#Mat. 26:36-46; Mrk. 14:32-42; Heb. 5:7-8.Haba u la lah poi te ha kata ka jaka, u la ong ha ki, “To ïaduwai ba phin ym hap ha ka jingpynshoi.” 41Ynda kumta te u la kynriah noh na ki, kat shi sien pda maw; te haba u la dem la ki khohsiew, u la duwai, 42#Mrk. 10:38; Ïoan. 18:11; 5:30.u da ong, “Ko Kpa, lada me mon to pynphai noh ïa kane ka khuri na nga: hynrei, ym ïa ka mon jong nga, hynrei, ïa ka jong me, yn leh.” 43Hangta la mihpaw ha U, u angel na bneng, u da pynshait ïa U. 44Te ba U don ha ka jingpisa mynsiem bajur, U la duwai kham shitrhem shibun eh: te ka syep jong U ka la long kum ki jingjaw ka snam kaba lang, ki da hap ha ka khyndew. 45Te haba U la ïeng na kata kaba duwai, U la wan ha ki synran jong U, bad U la shem ïa ki ba ki da ïohthiah na kaba sngewsih; 46U la ong te ha ki, “Balei ba phi ïohthiah? To ïeng joit ïaduwai ruh, ïoh ba phin hap ha ka jingpynshoi.”
Kaba kem ïa U Jisu
(Mat. 26:47-56; Mrk. 14:43-50; Ïoan. 18:3-11)
47 #
Mat. 26:47-56; Mrk. 14:43-49; Ïoan. 18:3-11. Haba U dang kren te, ha khmih u paidbah, bad uta ïa uba la khot “Judas” (uwei na kita ki khat-ar ngut) u la ïaid ha shuwa jong ki, bad u la wan hajan U Jisu ban doh ïa U. 48Hynrei U Jisu u la ong ha u, “Ko Judas, da ka jingïadoh me die noh ïa U Khun u briew?” 49#Luk. 22:38.Te haba kita kiba sawdong ïa U ki la ïohi ïa kata ka ban sa jia, ki la kylli ïa U, “Ko Trai, ngin pom ne em da ka waitlam?” 50Uwei te uba na ki u la pom ïa u shakri jong u rangbah lyngdoh, bad u la mait noh ïa ka shkor kamon jong u. 51U Jisu te U la ïathuh bad U la ong, “To shah haduh kane,” bad haba U la ktah ïa kata ka shkor jong u, U la pynkhiah ïa u. 52U Jisu u la ong te ha ki rangbah lyngdoh, bad ha ki rangbah ka templ, bad ha ki tymmen basan, kiba la wan kem ïa U, “Kum ban kem ïa u nongtuh, phi la mih noh bad ki waitlam bad ki diengduh ruh? 53#Luk. 19:47; 21:37.Mynba nga la don lem bad phi ha la ka sngi ha ka templ, phim shym la kner satia ïa la ki kti ban kem ïa nga: hynrei, kane ka long ka por jong phi, bad ka bor jong ka jingdum.”
U Petros u len noh ïa U Jisu
(Mat. 26:57-58,69-75; Mrk. 14:53-54,66-72; Ïoan. 18:12-18,25-27)
54 #
Mat. 26:57-58; Mrk. 14:53-54; Ïoan. 18:12-16. Ynda ki la kem ïa u, ki la ïalam noh, bad ki la wallam ïa u hapoh ka ïing u rangbah lyngdoh. U Petros te u la bud na jngai. 55Te ynda ki la sliew ding hapdeng ka phyllaw, bad ba ki la ïashong lem, u Petros u la shong hapdeng jong ki. 56#Mat. 26:69-75; Mrk. 14:66-72; Ïoan. 18:16-18,25-27.Hynrei, kawei ka shakri haba ka la ïohi ïa u, ba u shong hajan kata ka ding, bad haba ka la khmih shaiñ ïa u, ka la ong, “Une ruh u la long lem bad U.” 57Hynrei, u la len, u da ong, “Ko kynthei, ngam ithuh ïa U.” 58Ynda la shibit te, uwei pat u la ïohi ïa u, bad u la ong, “Me ruh me long uwei na ki.” Hynrei, u Petros u la ïathuh, “Briew, ngam long.” 59Sa kumba shi por pat, sa uwei u la kren skhem, u da ong, “Da kaba shisha une ruh u la long lem bad U: naba u long u nong Galilaïa.” 60Hynrei, u Petros u la ïathuh, “Briew, ngam tip kaei ba me ong.” Te kumne kumne ruh katba u dang kren, la riew u syiar. 61#Luk. 7:13; 22:34.Te U Trai u la phai, bad U la khmih lieb ha u Petros. Bad u Petros u la kynmaw ïa kata ka ktien ka jong U Trai, kumno ba U la ong ha u, “Haba um pat riew u syiar ha kane ka sngi, men len ïa nga lai sien.” 62Te u Petros u la mih noh shabar bad u la lynñiar kthang eh.
La lehbeiñ bad sympat ïa U Jisu
(Mat. 26:67-68; Mrk. 14:65)
63 #
Mat. 26:67-68; Mrk. 14:65; Ïoan. 18:22-24. Kita ki briew te kiba ïabat lem ïa U Jisu, ki la lehbeiñ ïa u, bad ki la sympat ïa u. 64Haba ki la lah ïatap matlah ruh ïa u, ki la shoh ïa u na ka khmat, bad ki la kylli ïa u, ki da ong, “To ïathuh, uei uba la shoh ïa me?” 65Bad shibun kiwei pat kiei kiei ki la kren pyrshah ïa u, ki da krenbeiñ ïa u.
U Jisu ha khmat ka dorbar
(Mat. 26:59-66; Mrk. 14:55-64; Ïoan. 18:19-24)
66 #
Mat. 26:57; Mrk. 14:53; Luk. 22:54. Te tang shu mih ka sngi, la ïalum lang ïa ka jingïaseng ki tymmen basan jong u paidlang, bad rangbah lyngdoh, bad nongthoh de, bad ki la ïalam ïa u sha ka dorbar jong ki, 67#Mat. 26:63-66; Mrk. 14:61-64; Ïoan. 18:19-21.ki da ong, “Lada me long uta U Khrist, to ïathuh ha ngi.” Te u la ïathuh ha ki, “Lada ngan ïathuh ha phi, phin ym ngeit satia: 68bad lada ngan kylli ruh, phin ym ïathuh satia ha nga, lane pyllait noh: 69hynrei, naduh mynta U Khun u briew un long uba shong sha kamon ka bor U Blei.” 70#Luk. 23:3; Mat. 27:11.Te ki la ïa-ong baroh, “Haba kumta me long U Khun U Blei?” U te u la ïathuh ha ki, “Phi ong ba nga long.” 71Ki la ïa-ong te, “Ngi dang donkam sabut aïu pat? naba ngi hi ngi la ïohsngew na ka shyntur jong u hi.”
Избрани в момента:
LOUKAS 22: KHB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
The Bible Society of India