LOUKAS 20
20
Kaba kem ktien ïa ka iktiar U Jisu
(Mat. 21:23-27; Mrk. 11:27-33)
1 #
Mat. 21:23-27; Mrk. 11:27-33. Ka la jia te ha kawei na kita ki sngi, haba U dang hikai ïa u paidlang ha ka templ, bad ba U dang ïalap ïa ka gospel, ba ki rangbah lyngdoh bad ki nongthoh, lem bad ki tymmen basan, ki la wan lap ïa U. 2#Ïoan. 2:18.Te ki la ïakren ha u, ki da ong, “To ïathuh ha ngi, da ka bor aïu ba me leh ïa kine kiei kiei ruh, lane uei uta uba la ai ha me ïa kane ka bor?” 3U te U la ïathuh bad U la ong ha ki, “Nga ruh ngan kylli ïa phi kawei ka jingkylli, to ïathuh keiñ ha nga. 4Kata ka jingbaptis u Ïoannis, ka la long kaba na bneng lane na ki briew?” 5Hynrei, ki la ïasaid hi ha lade, ki da ong, “Lada ngi ngin ong, ‘Na bneng’, un ong, ‘Hato balei ba phim shym la ngeit ha u?’ 6#Mat. 14:5; Luk. 7:29.Te lada ngin ong, ‘Na ki briew’, u paidlang baroh un lynthem maw ïa ngi, naba u long uba ngeit skhem ba u Ïoannis u la long u nongïathuhlypa.” 7Namar kata, ki la ïathuh ba kim tip nangno. 8U Jisu u la ong te ha ki, “Nga ruh ngam ïathuh ha phi da ka bor aïu ba nga leh ïa kine kiei kiei ruh.”
Ka pharshi shaphang ka brisoh
(Mat. 21:33-46; Mrk. 12:1-12)
9 #
Isa. 5:1-7; Mat. 21:33-46; 25:14; Mrk. 12:1-12. Ynda kumta, U la sdang ban kren ha uta u paidlang ïa kane ka pharshi. “Uwei u briew u la thung ka brisoh, bad u la ai wai ïa ka ha ki nongsumar bri, bad u la leit noh sha kawei pat ka ri kham slem. 10Te ha ka aïom babiang, u la phah ïa u shakri ha kita ki nongsumar bri, ba kin ïoh ai ha u na ki soh jong kata ka brisoh, hynrei, kita ki nongsumar bri, ki la sympat ïa u, bad ki la phah noh suda. 11Ynda kumta, u la phah pat sa ïa uwei u shakri, hynrei, ïa uta ruh, haba ki la sympat bad la pynjahburom, ki la phah noh suda. 12Hadien kata, u la phah sa ïa uba lai pat, hynrei, ïa une ruh de haba ki la ïa-pynmong, ki la ïashop noh. 13Te uta u trai kata ka brisoh u la ong, ‘Ngan leh kumno? ngan phah ïa la u khun uba ieit; lehse haba ki ïohi ïa une kin burom.’ 14Hynrei, haba kita ki nongsumar bri ki la ïohi ïa u, ki la ïakren paralok hi, ki da ong, ‘Une u long u nongïoh pateng, ïa, ngin ïa-pynïap noh ïa u, ba ka bynta jong u kan ïoh long ka jong ngi.’ 15Kumta, haba ki la ïashop noh ïa u shabar kata ka brisoh, ki la ïa-pynïap noh. Namar kata, uta u trai ka brisoh un sa leh kumno ïa kita? 16#Ki Kam. 13:46; 18:6; 28:28.Un wan bad un pynïap duh noh keiñ ïa kine ki nongsumar bri, bad un ai ïa kata ka brisoh ha kiwei.” Te haba ki la ïohsngew ïa kata, ki la ong, “Wat ai ba kan long kumta!” 17#Salm. 118:22-23; Ki Kam. 4:11; 1 Pet. 2:6-7.Te haba U la khmih shaiñ ïa ki, U la ong, “Ka long aïu te kane kaba la thoh?
“ ‘Ïa u maw ïa uba ki nongtei
ki la kyntait,
ïa une la pynlong
u khlieh ka dong.’
18 #
Isa. 8:14-15. “U briew baroh uba hap halor uta u maw, yn pynkheiñ lyngkhot lyngkhai ïa u, hynrei, jar ha uba un ïoh hap, un pynlwet jin ïa u.”
19 #
Luk. 19:47. Kita ki rangbah lyngdoh bad kita ki nongthoh te ki la ïawad dong ban kem ïa U ha kata ka por, hynrei, ki la ïasheptieng ïa u paidlang; naba ki la sngewthuh ba dei ïa ki ba U la kren ïa kane ka pharshi.
Shaphang kaba ai khajna
(Mat. 22:15-22; Mrk. 12:13-17)
20 #
Mat. 22:15-22; Mrk. 12:13-17. Te ki la ïa-ap thap ïa u, bad ki la ïaphah ïa ki nongsyntiat kiba leh mynleh riewhok ïa lade, ba kin ïoh ïariam ïa ki ktien jong u, ïa ka ban aiti noh ïa u ha ka hukum bad ha ka bor u lyngskor. 21#Ïoan. 3:2.Ki te ki la ïakylli ïa u ki da ong, “Ko Nonghikai, ngi tip ba me kren bad me hikai ïa kaba dei, bad mem ñiew shiliang khmat, hynrei, me hikai ïa ka lynti U Blei ha kaba shisha: 22te ka bit ne em ïa ngi ban ai khajna ha u Kaisar?” 23Hynrei, u la ithuh ïa ka buit sian bymman jong ki, bad u la ong ha ki, “Balei phi pynshoi ïa nga?” 24“To pyni ïa ka shi suka ha nga. Ka dur bad ka jingthoh jongno ka don ha ka?” Ki te ki da ïathuh ki la ong, “Ka jong u Kaisar.” 25#Rom. 13:7; Luk. 23:2.U la ong te ha ki, “Haba kumta, to ai ïa kiei kiei ruh ki jong u Kaisar ha u Kaisar, bad ïa kiei kiei ruh ki jong U Blei ha U Blei keiñ.” 26Kumta, kim lah shuh ban kem daw na ka ktien jong u ha khmat uta u paidlang: te ki la ïasngewphylla ïa kata ka jingïathuh jong u, bad ki la ïasngap jar.
Shaphang ka jingmihpat
(Mat. 22:23-33; Mrk. 12:18-27)
27 #
Mat. 22:23-33; Mrk. 12:18-27; Ki Kam. 4:1-2; 23:6-10. Ynda kumta, kiba na ki Saddusi ki la wan ha u, kiba ong bymdon ka jingmihpat, ki la ïakylli ïa u, 28#Deu. 25:5.ki da ong, “Ko Nonghikai, u Moses u la thoh ha ngi, ‘Lada u hynmen jongno jongno ruh uba don ka tnga, un ïap noh, bad lada um don khun, ba u para jong u un shim ïa ka tnga jong u, bad un pynmih symbai ïa la u hynmen.’ 29Te la don hynñiew ngut shipara: u banyngkong te u la shongkurim, bad u la ïap noh khlem khun. 30Uba shi sien bud ruh u la shim ïa ka bad u la ïap noh khlem khun. 31Uba ar sien bud ruh u la shim ruh ïa ka; kumjuh de kita ki hynñiew ngut ruh ki la ïap noh khlem khun. 32Khatduh eh kata ka kynthei ruh ka la ïap noh. 33Namar kata, ha ka jingmihpat, kan long ka tnga jongno na kine? Naba kita ki hynñiew ngut ki la ïoh kurim ïa ka.”
34Te U Jisu u la ong ha ki, “Ki khun jong kane ka pyrthei ki ïashongkurim, bad ju pynshongkurim ïa ki, 35hynrei, kita ïa kiba yn ñiew kiba bit ban ïoh ïa kata ka pyrthei, bad ïa kata ka jingmihpat kaba na ki baïap, kim ïashongkurim keiñ, lymne pynshongkurim ïa ki, 36naba kim lah ban ïap noh shuh; namar ki ïalong marryngkat bad ki angel, ki long ruh ki khun U Blei, ba ki da long ki khun kata ka jingmihpat. 37#Eks. 3:6.Hynrei, ba yn pynmih pat ïa ki baïap, wat u Moses ruh u la pyni paw ha kata ka 'law lynnong, mynba u khot ïa U Trai, uba U Blei u Abraham, bad U Blei u Isaak, bad U Blei u Jakob. 38Te um long U Blei ki baïap, hynrei, ki ba-im, naba baroh ki im ha U.” 39#Mrk. 12:28.Te kiba na kita ki nongthoh ki da ïathuh ki la ong, “Ko Nonghikai, me la kren ïa kaba dei.” 40#Mrk. 12:34; Mat. 22:46.Naduh kata, kim ïanud ban kylli ei ei shuh ïa u.
Ka jingkylli shaphang U Messiah
(Mat. 22:41-46; Mrk. 12:35-37)
41 #
Mat. 22:41-45; Mrk. 12:35-37; Salm. 110:1. Hynrei, u la kylli ïa ki, “Hato kumno ki ïa-ong ba uba U Khrist u long u khun u Dabid? 42#Salm. 110:1.Naba u Dabid hi u ong ha ka kitab ki Salm,
“ ‘U Trai # 20:42 U Trai: Khmih ïa ka jingbatai ha Mat 22:44. u la ong
ha U Trai jong nga:
Ma me to shong
sha kamon jong nga,
43 tad ynda ngan pynlong
ïa kiba shun ïa me,
ka jingïuh hapoh ki kjat
jong me.’
44 “Te kumta u Dabid u khot ‘U Trai’ ïa U: kumno te U long U khun jong u?”
U Jisu u pynrem ïa ki Nongthoh
(Mat. 23:1-36; Mrk. 12:38-40; Luk. 11:37-54)
45 #
Mrk. 12:38-40; Mat. 23:6-7; Luk. 11:43; 14:7-11. Te ha kaba ïohsngew uta u paidbah baroh, U la ong ha ki synran jong U, 46“To kiar noh na ki nongthoh, kiba kwah ban ïaid kai ha ki jaiñkup bajynsur, bad kiba ieit ïa ki jingnguh ha ki ïew, bad ïa ki jingshong bakor tam ha ki synagog, bad ïa ki jaka ba kham kor ha ki jingkhawai; 47kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”
Избрани в момента:
LOUKAS 20: KHB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
The Bible Society of India