Jang Jơnau yal tơnggit
Jơnau yal tơnggit
Jơnau Niam jat Jang ràng tơlik Yàng Jesu be la Jơnau Gam Sùm Yàng Tom Trồ dê, la Bơtau neh gơlik gơs Kòn Mơnus mơ ơm digùl bol he (1:14). Jơnau Niam Jang đơs loh làng, sră do geh cih nàng ală cau sền rgơi dòn lah să tòm Yàng Jesu la Yàng Dong Klàs jat jơnau ho, kòn Yàng Tom Trồ dê, mơ kơnòm di bơta dòn di Yàng Jesu mơ bol khai geh bơta kis gam sùm sùm. (20:31)
Tơnơ̆ mơ jơnau yal tơnggit mơ dòp nền Bơtau Jơnau la să tòm Yàng Jesu, pơnah sơnròp sră Jang ràng tơlik ală tềl krơi lơh cơng Yàng Jesu la Yàng Dong Klàs jat jơnau ho, kòn Yàng Tom Trồ. Jat tơnơ̆ ală broă do la ală jơnau bơyai tòmbơh yal loh ală bơta geh yal tơlik gan di ală tềl krơi. Pơnah do sră kung ràng tơlik mbe lơi dô êt nă cau neh dòn mơ gơlik gơs cau bơtê Yàng Jesu dê, tòm tŭ hơ̆ cau ƀà neh tòmdră mơ ò dòn Kơnràñ. Ală tap 13 tus 17 cih wơl oă ngan dô bă loh làng bơh bơta tòmklac đềt mềr digùl Yàng Jesu mơ ală cau bơtê tòm mang Yàng kong cau kup, mơ ală jơnau bơto yal, chồl bơtrut Yàng dê bol khai in lài mơ tŭ Yàng kong pơng đìn hơđang chi pơng. Ală tap lồi dut yal wơl dô bă loh làng bơh bơta Yàng Jesu kong cau kup,cahrña, pơng đìn, bơta kis wơl, mơ ală dơ̆ Yàng Jesu tơlik să bơh di tŭ Kơnràñ kis wơl.
Jơnau yal bơh cau ùr rềs àr bơrnàn kòl kup bơrnàn (8:1-11) geh ơn tòm dơlam tài bơh oă ală sră yau mơ ală sră lip sơnròp neh lòi hŭi jơnau yal do, tòm tŭ oă ală sră cih tê ndai gen ơn gơtòm oă tiah krơi is.
Jơnau Niam Jang đơs pràn ngan bơh bơta kis sùm sùm tòm Bơtau Krist, la dô nơm phan pà tŭ do lòi ală cau lơi ho wơl mơ dòn dòp Yàng Jesu la gùng lòt, jơnau song mơ bơta kis. Dô bơta krơi is dờng màng rlau tòm sră Jơnau Niam Jang la ngui jơnau pơnyơu òs mòng, gơs tềl sơnio bơh rài kis nàng đơs bơh bơta gơlik gơs ngan tŭ do đah hwềng be dà, ƀañ, bơta àng, cau ê belàt mơ be, tòm ño mơ plai gơ dê.
Cah ală pơnah
Pơnah sơnròp (1:1-18)
Jang Ƀaptis mơ ală cau bơtê sơnròp Yàng Jesu dê (1:19-51)
Gơnoar broă ràng tơlik loh làng Yàng Jesu dê (2:1 – 12:50)
Ală ngai lồi tơnơ̆ rềp mơ Jerusalem (13:1 – 19:42)
Bơta kis wơl mơ ală dơ̆ tơlik mat Yàng Jesu dê (20:1-31)
Pơnah pơndut: ală dơ̆ tơlik mat ndai tòm Galile (21:1-25)
Избрани в момента:
Jang Jơnau yal tơnggit: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.