Jang 3
3
Yàng Jesu mơ Nikôđem
1Tòm jơi cau Pharisi,#3:1 Sền jơnau cih kah tòm Mat 3:7. gơs dô nă cau sơnđan la Nikôđem, la cau kwang làng bol Juda dê. 2Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.” 3Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl#3:3,7 deh wơl: Rct: deh bơh hơđang. pa, gen ò rgơi gŏ lơgar Yàng Tom Trồ dê ò.” 4Nikôđem đơs lah: “Cau neh kra gen mbe rgơi deh wơl taih? Khai rgơi mut wơl tòm kơndul mè nàng deh dô dơ̆ tai sơl ơ?” 5Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò. 6Bơta lơi deh bơh poac să la poac să, mơ bơta lơi deh bơh Yàng Hwềng la hwềng. 7Bañ ai lơh krơi bơh bơta Añ neh đơs mơ mê: ‘Ală bol mê pal deh wơl pa.’ 8Càl kòñ khồm tiah lơi gen khồm, mê kơno jơnau ntas gơ, mơya ò git gơ tus bơh lơi mơ gơ lòt tiah lơi. Cau lơi deh bơh Yàng Hwềng, gen kung behơ̆ sơl.”
9Nikôđem lùp tai lah: “Bơta hơ̆ mbe rgơi gơlik gơs taih?” 10Yàng Jesu ho lah: “Mê la cau bơto làng bol Israel dê mơ ò git bơta hơ̆ ơ? 11Di ngan, di ngan, Añ đơs mơ mê, bol hi đơs bơta hi git, lơh cơng bơta hi neh gŏ; ai bol mê ò dòp jơnau lơh cơng bol hi dê. 12Dilah Añ đơs mơ bol mê ală broă bal mơ ù mơ bol mê ò dòn, tơ ài lah Añ đơs ală broă bal mơ trồ, gen mbe lơi bol mê dòn taih? 13Ò gơs cau lơi neh guh hơđang trồ, mìng gơs Bơtau bơh đang trồ mù, hơ̆ la Kòn Mơnus. 14#Khà 21:9.Be Môise yồng bơs tòm ƀlàng bràs be lơi, gen Kòn Mơnus kung pal kong yồng behơ̆ sơl, 15tồ cau lơi dòn Kơnràñ gen geh bơta kis gam sùm sùm.
16Bơh Yàng Tom Trồ kòñ gơboh dunnia,#3:16 Rct: cau tòm dunnia. tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm. 17Bơh Yàng Tom Trồ sồr Kòn Kơnràñ tus tòm dunnia ò di nàng cahrña dunnia ò, mơya tồ dunnia in geh dong klàs. 18Cau lơi dòn Kòn gen ò kòl cahrña ò; cau lơi ò dòn gen neh kòl cahrña rau, tài bơh ò dòn di sơnđan Kòn Dùl Yàng Tom Trồ dê. 19Bơta cahrña hơ̆ la be do: Bơta àng neh tus tòm dunnia mơ cau kòñ gơboh bơta jơngo rlau mơ bơta àng, tài bơh ală broă bol khai dê la iơh bơsak. 20Bơh cau lơi lơh iơh bơsak gen gơjrañ kơuềng di bơta àng, mơ ò lòt tus hơ bơta àng, rngòt ală broă khai dê gơkòl yal tơlik. 21Mơya cau lơi lơh jat jơnau song, gen lòt tus hơ bơta àng, nàng ală broă khai neh lơh tòm Yàng Tom Trồ geh yal tơlik.”
Jơnau lơh cơng Jang Ƀaptis dê
22Tơnơ̆ hơ̆ Yàng Jesu mơ ală cau bơtê lòt tus hơ kơnhwàl Jude, Kơnràñ ơm mơ bol khai tềng hơ̆ mơ lơh ƀaptem. 23Jang kung lơh ƀaptem tòm Enôn, rềp Salim, tài bơh tềng hơ̆ gơs oă dà, mơ cau lòt tus nàng gơs ƀaptem. 24#Mat 14:3; Mak 6:17; Luk 3:19-20.Tŭ hơ̆ Jang òhềt kòl kup jàm.
25Mơ tai, gơs jơnau tòm pơndang bal digùl ală cau bơtê Jang dê mơ dô nă cau Juda#3:25 Gơs dô êt sră cih tê cih la: gơs ală cau Juda. bơh bơta lơh sàng goh. 26Bol khai lòt tus hơ Jang mơ đơs lah: “Ơ Rabi, cau neh ơm mơ ồng đah mattơngai lik hiòng Jordan, mơ geh ồng lơh cơng niam, tŭ do khai ơm lơh ƀaptem mơ jơh tơl nă cau lòt tus hơ khai.” 27Jang ho lah: “Dilah ò di bơh đang trồ ai gen ò gơs cau lơi dòp geh bơta lơi. 28#Jang 1:20.Să tòm bol mê lơh cơng añ in lah añ neh đơs: Añ ò di la Bơtau Krist, mơya añ neh geh sồr lòt tus lài mơ Kơnràñ. 29Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆. 30Kơnràñ pal tơngguh, añ pal tơmù.
31Cau bơh đang tus la hơđang rlau jơh. Cau bơh ù lik la bal mơ ù, đơs kung la bal mơ ù; ai Cau bơh đang trồ tus la hơđang rlau jơh. 32Kơnràñ lơh cơng bơh bơta Kơnràñ neh gŏ mơ kơno, mơ ò gơs cau lơi dòp jơnau lơh cơng Kơnràñ dê. 33Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan. 34Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh. 35#Mat 11:27; Luk 10:22.Bèp kòñ gơboh di Kòn mơ neh jào jơh ală bơta tòm tê Kơnràñ. 36Cau lơi dòn Kòn gen geh bơta kis gam sùm sùm, cau lơi ò bài dòn Kòn gen ò gŏ bơta kis ò, mơya bơta gơjrañ dờng Yàng Tom Trồ dê ơm sùm hơđang cau hơ̆.”
Избрани в момента:
Jang 3: KPM2018
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2018 United Bible Societies. All rights reserved.