ᒪrᐠ 3
3
ᒡᕮᙎᐢᒡᕍ ᕦᐃᕠ᙮
1ᑲᐦᗱ ᕞᕦᗴᒡᕄᕬ ᐠᐤᐊ ᐠᐤᐃᔭ: ᐊᔨᕠ ᕞᒃᐁ ᓇᕞᕊᐣ ᒥᕍ ᕦᓀᐢᑵᕊᐣ᙮ 2ᑲᐦᗱ ᑭᔪᓇᐃᕊᐣ, ᐅᑲ ᐅᕄ ᐊᓯᕞᐦ ᐠᕮ ᒣᓀjᐃᒡᕠ dᒃᐃᓀ ᓇᐃ; ᑭᕦᕄᐦ ᐃᔪ ᐊᐅᐣᕞ᙮ 3ᑲᐦᗱ ᕤᐤᐁᕍ ᐅᕄ ᔦᐦᕠ ᐊᔨ ᕞᒃᐁ ᒥᕍ ᕦᓀᐢᑵ, ᕮᕞᕊᐣ ᐊᕠᗰ ᓇᒃuᕤᐦ᙮ 4ᕤᐤᐁᐦ ᗱ ᔦᐦᕠ, ᐅᗱ ᕍ ᐅᗱ ᑫᐅᗱᐊᐦᐨ ᒣᓀjᐃᒡᕠ dᒃᐃᓀ, ᑫᘛᕄᐅᐦ ᑫᐅᗱᐊᐦᐨ? ᕦᓀ ᑊᗃᑊᗃᕦᐃ ᑊᗃ ᑲᓱᗴᕤᕠ ᑊᗃ ᑯᐅᕃ? ᐊᐦᐤᐅᕃ ᐊᕤ ᐅᑊᗃᕠ᙮ 5ᑲᐦᗱ ᐊᓀᕞ ᐠᕊᑲᓇᒡᕮᕊᐣ ᒪdᒃᔦᕮᒡᓴᕤᐦ, ᑵᐅᗯᖉᐦ ᐃᕫ ᕦᓀ dᒃᔦ ᓇᒡᓴᒡᕠ, ᕤᐤᐁᐦ ᗱ ᔦᐦᕠ ᕞᒃᐁ, ᕦᐦᕦᕠᐣᕠ᙮ ᐅᐦ ᑲᐦᗱ ᕦᐦᕦᕠᐣᕠᐁᐦ: ᐅᐦᗱ ᒥᕍ ᓇᘔᑊᗁᐣᐦᕦᕊᐣ ᐊᗱᓀ ᑫᐦᗰ᙮ 6ᑲᐦᗱ ᑉᕮrᐃᓭᐁᓀ ᐊᗱᑊᗃᕞᐢᕞᕊᐣ, ᐠᐤᐁᕞ ᐦᕍ ᓂᑊᗂᕮᓂᐣᕦᕊᐣ ᔭᐃ ᗱ ᕫrᐅᑎᐊᐣuᐠ, ᕠᕮᑫᕫ ᓱ ᐅᑭᕤᐦᕞᕊ᙮ 7ᐊᐦᐤᐅᕃ ᙏᓭᐢ ᐊᗱᕞᒃᕮ ᔭᑊᗂᕠᓀ ᗱ ᕤ ᗱᐠ ᘚ: ᑲᐦᗱ ᕦᓀ ᓇᒡᕊᓀ ᗃᕄᕃᐁ ᐅᘚ ᔪ juᑕᐁᐊ ᐅᘚ ᔪ ᔦᑫᐦᕞᐢᕞᒡl᙮ 8ᑲᐦᗱ jᐁruᐢᐊᕃᑦ ᐅᘚ, ᑲᐦᗱ ᐃduᒪᐁᐊ ᐅᘚ, ᑲᐦᗱ ᐅ-ᐅᓀ ᐅᕞᐦᗰ ᐅᘚ jᐅrᑕᐣ, ᑲᐦᗱ ᐊᑊᗃᕦᓀ ᐊᐦᒐᒃᐁ ᒡyrᐁ ᔪ ᓯᑐᐣ ᔪ, ᑊᗁᐣᒡᕊᐣ ᑫ, ᐅᑊᗃᕠᒡᓴᐠ ᗰ ᐊᔨ ᐅᗱ ᑫᐅᐊᐦᗰ, ᑭᔨᐣᐠᕮᑌᐢᕮ᙮ 9ᑲᐦᗱ ᔭᐅᕦᕠᐨᓀ ᕦᕠᕊᐣ, ᐁᕍ cᑯᐠ ᓇᒡᓴᒡᕄ ᐅᕦᑊᗃ ᐃᐃᕠ ᐤᐅᒍᐅᑊᗃ ᑯᐅᑊᗂᐦᒡᔨ ᕦᓀ ᓇᒡᕊᐣ ᑫ ᐠᕮ ᐊᕠ ᒪᑫᗰᗰᕠᗴ᙮ 10ᐊᕦᓀ ᓇᒡᕊᓀ ᔭᑊᗁᐦᕠ ᐃᕫ; ᐠᐤᐊ ᐦᕄᕊᐣ ᔨᐣᐠᑊᗃᓄᕞᓴᒡᐢ ᔭᑲᕤᕠᕬᐠᕮ, ᐊᓀᕞ ᐊᔨ ᕦᕠᕬ ᐊᑯᐅᔭᕬᓀ᙮ 11ᕦᓀ ᔭᑊᗃᕦᐃ ᒥᐣᑎᗯᕄ ᑲᐦᗱ ᑭᔭᐃᐣᗰ ᐊᕞ, ᑵᗰᓇᗱᐢᕦᖇᐦ, ᑲᐦᗱ ᑊᗃᕞᒃul ᕤᐤᐁ ᕍ ᐅᕄ ᑭᔦᐦᕠ ᐃᕫ᙮ ᐣuᓂ ᓇᑊᗃ ᒡᕮ ᗱᐁ ᓀᕍᐅᐣᕞ᙮ 12ᑯᐅᐦ ᐅᗱ ᐊᕤ ᓱᐦᗰᐤᐅᕠ ᐊᕤ ᐊᕦᗱᕠᕬᐠᕮ᙮
13ᑲᐦᗱ ᐠᕬᐢ ᐁᐦᑵᑊᗁᔭᕊᐣ, ᑲᐦᗱ ᐊᔨᒃᐅᐣ ᐊᔪᕠ ᕞᗰ ᔦᐦᕠ: ᔭᗰᑌᐢᕮ᙮ 14ᑲᐦᗱ ᑫᓀᕠ ᐅᐣᑫᕠ ᒪᒡᕮ ᖇᓂᔭᓂᕍ, ᔦᑵᐅᕠᗰᑊᗃ, ᑲᐦᗱ ᐊᗱᕞᕮᕊᐣ udᒃᐃᐦ ᐅᕭᐅᕠᑊᗃ᙮ 15ᑲᐦᗱ ᐊᔪᕬ ᑊᗃ ᓇᒡᓴᒡᕠ, ᑲᐦᗱ ᐊᘚᐣᑌ ᒣᘛᕄᕬ ᕮᔭᕤᕬ ᑊᗃ: 16ᑲᐦᗱ ᓯᒧᐣ ᔨᐣᑎᒃᐃ ᔭᑫᗰᐅᓴᐣ ᐯᕞrᕊᐣ; 17ᑲᐦᗱ jᐊᒣᐢ ᒃᐁbᐁᑌᐁ ᒪᗱᐁ, ᑲᐦᗱ ᙓᐣ, jᐊᒣᐢ ᒣᑵ; ᑲᐦᗱ ᓂᐣᑎᒃᐃ ᔭᑫᗰᐅᓴᐣ bᐅᐊᓀrᗀᐢ, ᐊᔨ ᓇᐦᒡᐦuᐣᓂ uᐢᑵᗀ ᗴᕞᐦ: 18ᑲᐦᗱ ᐊᐣdrᐁᐤ, ᑲᐦᗱ ᑉᕬᕄᑉ, ᑲᐦᗱ bᐊrᒍᕊᒣᐤ, ᑲᐦᗱ ᒪᒡᒉᐤ, ᑲᐦᗱ ᒍᒪᐢ, ᑲᐦᗱ jᐊᒣᐢ ᐊlᑉᕮᐁuᐢ ᒪᗱᐁ, ᑲᐦᗱ ᒐdᑕᐁuᐢ, ᑲᐦᗱ ᓯᒧᐣ ᐊᔨ cᐊᓇᐊᓂᕞ, 19ᑲᐦᗱ juᑕᐢ ᐃᐢcᐊrᐃᐅᒡ, ᒪᒃᐃ ᐊᕦᕭᐅᕦᕊᐣ: ᑲᐦᗱ ᓂᕤ ᐠᐤᐊ ᐠᐤᐃᑊᗃᑊᗁᐣᕞᒡl᙮ 20ᑲᐦᗱ ᓇᒡᕊᓀ ᓇᒡᓴᑊᗃᓀᐢᒡᕍᕊᐣ, ᐁᐦᕞ ᐠᐤᐊ ᐦᕄᕊᐣ ᐊᕤ ᐅᒡᕃᐢ ᐊᘚᒡᐢᕊᐣ ᓇᒡᕊᐣᑫ᙮ 21ᑯᐅᕤ ᒣᐅᕠᓄᐅ ᐅᕠᒡᓴᑯᐅ, ᐊᗱᑊᗃᕞᐢᕞᒡl ᑭᔪᐦᗱᕠᑊᗃ: ᐊᑊᗃᕤᓀ ᑯᐅᑊᗃᕞᐦ, ᕠᐣᑎᕦᐅᑌᓱᐃᐢᓯ᙮
22ᑲᐦᗱ ᐊᑌᐢᖆᐢᓀ ᔪᐦᗰᑊᗃᕞᐢᕞᒡl jᐁruᐢᐊᕃᑦ ᐅᘚ ᑊᗃᕠ, ᐊᔦᕬ bᐁᐁlᒃᐁbub, ᑲᐦᗱ ᔭᑊᗃᕦᐃ ᒣᘛᕄᕬ ᐃᐃᕠ ᐅᘚ ᕮᔭᕞᕮ᙮ 23ᑲᐦᗱ ᑯᐅᐦᗱ ᔨᐣᐠᕮᐤᐅᕠ, ᑲᐦᗱ ᕤᐤᐁ ᔦᐦᕠ, ᕞᗴ ᐅᘚ ᐊᑊᗃᑊᗃᕦᐃ ᒣᘛᕄᕬ ᕮᘔᕤᐦᕞl ᐅᐣᕞ ᐊᔨ ᐊᑊᗃᑊᗃᕦᐃ ᒣᘛᕄᕬ? 24ᑲᐦᗱ ᐦᕍᐦᕠ ᕦᓀ ᓇᕞᐦᕠ ᐃᐣᘔᑫ ᔭᐤᐅᐃᐣᖇᒡ ᐊᕞ, ᐊᔨᕠ ᕠᑫ ᐃᐃ ᐅᐤᐅᕤᐁᕮᐢᓯ᙮ 25ᑲᐦᗱ ᐊᔨ ᓂᕤ ᐠᐤᐊ ᔭᐅᑊᗁᐣᖇᕠ ᐊᕞ, ᐊᔨ ᓂᕤ ᐠᐤᐊ ᐅᐤᐅᕤᐁᕮᐢᓯ᙮ 26ᑲᐦᗱ ᐊᑊᗃᑊᗃᕦᐃ ᒣᘛᕄᕬ ᐊᕦᓂᐃᔭ ᐊᕞ, ᑲᐦᗱ ᕞᒃᐃ ᔭᓂᕃ ᐊᕞ, ᐊᕤ ᐅᐤᐅᕤᐁᕮᐢᓯ᙮ 27ᐊᕤᕄᓀ ᐠᐤᐁᔭᕄ ᐃᔪᐊ ᐊᐅᐣᕞ ᕞᒃᐁ ᓇᒡᓴᒡᕠ ᐠᐤᐊ, ᔦᓇᕤᐣᓀ ᔭᕦᕤᕃᕊ, ᕮᘛ ᕦᐦᔭᑊᗀᐢᐠᕊ ᕞᒃᐁ ᓇᒡᓴᒡᕠ; ᐊᕞᒃᐅᐣ ᔭ ᐠᐤᐊ ᔭᑊᗂᓂᕃ ᐃᔪ ᐊᐅᐣᕞ᙮ 28ᐠᐤᐊ ᐦᕄ ᐊᓇᑊᗃᐃᓯᕊᐣ, ᐊᒡᕫ ᒣᘛᕄᕬ ᑯᐅᔭ ᐅᗴᕤᕃᕍᐢᓯ ᕦᓀ uᐢᑵᗀ, ᑲᐦᗱ ᓱᗴ ᐅᗴᕠᕬ: 29ᐊᐦᐤᐅᕃ ᐊᔨ ᑫᘛᕄᐅ ᐊᕠᐃ ᒣᓀjᐃᒡᕠ ᐅᗱ ᐊᕤ ᐃᐦᕍᐅᕦᕞᐅ ᐊᔦᕬ ᐠᕮ, ᐊᐦᐤᐅᕃ ᓭᑊᗃᐃ ᐊᔦᕬ ᓂᐅᓂᒃuᒡᕠ ᐅᐣᗴᕦᕄᕬ: 30ᐊᔨᑊᗂᐅ ᐊᔦᐦᕠ, ᐊᔦᕬ ᐊᑊᗃᑊᗃᕦᐃ ᒣᘛᕄᕬ᙮
31ᑲᐦᗱ ᒣᑵ ᗱ ᒪ ᗱ ᐃᐃᕠ ᐅᘚᑊᗃᕞᐢᕞᒡl, ᑲᐦᗱ ᘛᐦᘚ ᓇᒃuᕤᐦ, ᑭᕍᕠ, ᑭᔨᐣᐠᕮᐅᕠ᙮ 32ᑲᐦᗱ ᕦᓀ ᓇᒡᕊᓀ ᔭᑲ ᒡᕮᓇᕠᐦᘚ, ᕤᐤᐁᐦ ᗱ ᑭᔦᐦᕠ, ᓀᐊ, ᓄᐅ ᗱ ᓀᐦᒡᑊᗁᒃᐃᐣᓀ ᗱ ᘛᐦᘚ ᓇᑊᗃᕞᐦᔭ ᓂᐣᐠᕮᑊᗃᓇᕦ᙮ 33ᑲᐦᗱ ᐊᕞᔭᕞᒡᕍ, ᕤᐤᐁᐦᗱ ᔦᐦᕠ, ᒣᐊ ᐊᐣᓀ ᐁᕄ, ᓭᒡᕫᒃᐃᐣᓀ ᑯᐅᕃ? 34ᑲᐦᗱ ᐠᐦᕊᐣᑲᓇᒡᕮ ᐊᔨ ᔭᑲ ᐠᐦᕊᐣᕞᘚ, ᑲᐦᗱ ᕤᐤᐁᕍ ᔦᐦᕠ, ᐊᕬ ᐊᐣᓀ ᗱ ᓭᐦᒡᕫᒃᐅᐣ ᗱ! 35ᐊᕤᐣᓀ ᒃᐅᐣ ᑯᐅᐦ ᑊᗃᐤᐅᕞᐊᐢᓯ ᐊᔨ ᓇᑊᗃ ᒡᕮ ᐃᐣᑎ, ᐊᔨ ᐊᑵ ᗱ, uᐢᕞ ᗱ, uᐣᓀ ᗱ᙮
Избрани в момента:
ᒪrᐠ 3: BE86SY
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
first published by the Society for Promoting Christian Knowledge (SPCK), 1886.