Mɑɑtieo 1
1
Yiesu yejɑnm lɑbɑɑl
(Luk 3.23-38)
1Yiesu *Klistu yejɑnm sɑnɑ e nɑ: u din tie * Dɑɑfiid yɑɑbuonn e, k Dɑɑfiid mun din tie Ablɑɑhɑɑnm yɑɑbuonn.
2Ablɑɑhɑɑnm din mɑl Isɑɑk,
k Isɑɑk din mɑl Sɑɑkɔb,
k Sɑɑkɔb mun din mɑl Suudɑ nɑn u wɑɑli.
3Suudɑ din mɑl Fɑɑles nɑn Sɑɑlɑ, k b nɑɑ e din tie Tɑɑmɑɑl,
k Fɑɑles din mɑl Eslɔnm,
k Eslɔnm din mɑl Alɑɑnm.
4Alɑɑnm din mɑl Amiinɑɑdɑɑb,
k Amiinɑɑdɑɑb din mɑl Nɑɑsɔn,
k Nɑɑsɔn mun din mɑl Sɑlmɑ.
5Sɑlmɑ din mɑl Buos, wun nbɑ nɑɑ din tie Lɑɑhɑɑb,
k Buos din mɑl Obet, wun nbɑ nɑɑ din tie Lut,
k Obet mun din mɑl Sese.
6Sese din mɑl kpɑnbɑl Dɑɑfiid,
k Dɑɑfiid mun din mɑl Sɑɑlomɔn,
wun nbɑ yɑɑ nɑɑ din sint kun Uli#U din tie Dɑɑfiid sejenm ni yenɔ nbɑ din pɑɑl bonciɑnn e. K Dɑɑfiid din te k b kpii’u tɑb ni ŋɑɑn k Dɑɑfiid fɑt u ŋɑɑpuo k kuɑn. nɑ.
7Sɑɑlomɔn din mɑl Luobuɑnm,
k Luobuɑnm din mɑl Abiɑ,
k Abiɑ mun din mɑl Asɑɑf
8Asɑɑf din mɑl Suosɑɑfɑ,
k Suosɑɑfɑ din mɑl Suolɑɑnm,
k Suolɑɑnm mun din mɑl Osiɑ.
9Osiɑ din mɑl Soɑtɑɑnm,
k Soɑtɑɑnm din mɑl Ahɑs,
k Ahɑs mun din mɑl Esekiɑ,
10Esekiɑ din mɑl Mɑɑnɑɑse,
k Mɑɑnɑɑse din mɑl Amɔn,
k Amɔn mun din mɑl Suosiɑ,
11k Suosiɑ din mɑl Yekuoniɑ nɑn u wɑɑli,
bɑɑ din suol Islɑɑeltieb dɑɑbɑ
k sɑɑn nɑn’m Bɑbiilonn yuo nbɑ nɑ.
12Bɑɑ din suol’b k sɑɑn nɑn’m Bɑɑbiilonn#L din tie digbɑngbenŋl sɑnn e. Siɑn-yuo l duo ni niib din fɑɑ Islɑɑeltieb tɑb k pɑɑk’b k jii bonciɑnn k tien’m dɑɑbɑ k kun nɑn’m Bɑɑbiilonn duo ni. duo ni nɑ puolpo,
lenŋ e k Yekuoniɑ din mɑl Sɑɑlɑɑtiel,
k Sɑɑlɑɑtiel mun din mɑl Solobɑɑbel.
13Solobɑɑbel din mɑl Abiud,
k Abiud din mɑl Eliiɑkiinm,
k Eliiɑkiinm mun din mɑl Asuol.
14Asuol din mɑl Sɑɑdɔk,
k Sɑɑdɔk din mɑl Akiinm,
k Akiinm mun din mɑl Eliut.
15Eliut din mɑl Eleɑsɑɑl,
k Eleɑsɑɑl din mɑl Mɑɑtɑn
k Mɑɑtɑn mun din mɑl Sɑɑkɔb.
16Sɑɑkɔb din mɑl Suosiɑf, k Suosiɑf mun din tie Mɑɑli sɔlɔ,
k Mɑɑli din mɑl Yiesu nbɑ k b yi’u
Klistu nɑ.
17Dɑɑfiid din tie Ablɑɑhɑɑnm yɑɑbuonpiik nɑn ŋɑnnɑ e. K Dɑɑfiid yuo k tɑn tuu yuo nbɑ k b din suol niib mɑnŋ dɑɑbɑ k sɑɑn nɑn’m Bɑɑbiilonn nɑ mun din tie yɑɑbuonpiik nɑn ŋɑnnɑ. Lɑɑ din nyii l yuo k tɑn tuu Klistu mɑɑlu yuo mun biɑ din tie yɑɑbuonpiik nɑn ŋɑnnɑ e.
Yiesu Klistu mɑɑlu lɑbɑɑl
(Luk 2.1-7)
18Bɑɑ din mɑl Yiesu Klistu biɑnŋ nbɑ e nɑ: u nɑɑ Mɑɑli din tie Suosiɑf sɑlkpenŋ e. B dɑɑ din k kuɑn lieb, ŋɑɑn k Suosiɑf din tɑn lɑ k Mɑɑli mɔk puol, k Foŋɑnm pɑnŋ ni e k u suol puol mɑnŋ. 19Suosiɑf nbɑ k u din yɑɑ wun kunn’ɔ nɑ din tie Yennu nipiemɔ e. L pɑɑk, u din k luon k wun nyinn’l pɑɑnu ni k lin dinn Mɑɑli fei, ŋɑɑn u din lol u pɑl ni e nɑn u ji kɑn kuɑn’ɔ. 20Wɑɑ ji din duki lin nbɑ nɑ po nɑ e, k Yennu *bɑɑl u buol ni u dɑmiit ni k tɑn yet’ɔ ɑ: «Fin Suosiɑf, wun nbɑ tie Dɑɑfiid yɑɑbuonn, dɑɑ tiin ɑ sɑlkpenŋ Mɑɑli kuɑnu jɑŋmɑɑni, k mɑɑn wɑɑ mɔk puol nbɑ nɑ, Foŋɑnm pɑnŋ ni e k u suol puol mɑnŋ. 21U tɑn sɑɑ mɑl bonjɑk e, k ɑ sɑɑ pul u sɑnn Yiesu, k mɑɑn u tɑn sɑɑ fiel u niib b biit ni.»
22Lin nbɑ nɑ kul din tun ɑ lin gbien lin nbɑ k Yonmdɑɑnɔ din te k u sɔkniisuɑ yet ɑ: 23«Sɑpɑɑnmunn#Sɑpɑɑmunn tie wun nbɑ dɑɑ k duɑ nɑn juɑ e. Suifnbɑ kɑɑl wɑnt nɑn bonpuok kul tuu tɑn sɑɑ yuo e wɑɑ k fit bɑnn juɑ. tɑn sɑɑ suol puol k mɑl bonjɑk, k b tɑn sɑɑ pul u sɑnn Emɑɑnuel.» (L pɑɑk tie ɑ: «Yennu be nɑn’t.»)
24Suosiɑf nbɑ din tɑn fiil guɑn ni yuo nbɑ k u tun nɑn Yennu mɑlɑkɑ nɑ nbɑ yet’ɔ biɑnŋ nbɑ nɑ, k ji din gɑɑl u sɑlkpenŋ Mɑɑli u ŋɑɑk ni, 25ŋɑɑn u din k duɑ nɑn’ɔ mɔkmɔk nɑn wɑɑ din tɑn mɑl u sɑpɑɑnmɑl, bonjɑk nɑ. K Suosiɑf din pul u sɑnn Yiesu.
Избрани в момента:
Mɑɑtieo 1: MOBANT07
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Moba-Lok New Testament © Bible Society of Togo, 2007.