Marcos 13
13
Jesús tsi' wʌn alʌ bajche' mi caj i jilel Templo
(Mt 24.1-2; Lc 21.5-6)
1Che' wolix ti loq'uel Jesús ti Templo, juntiquil xcʌnt'añ i cha'añ tsi' su'be:
—Maestro, q'uele wen uts'at tac jiñi xajlel, wen wa'chocobil jiñi otot tac,#13.1 Ti jim bʌ ora, jiñi wen colem bʌ Templo tsa' bʌ i mele jiñi yumʌl Herodes, wen i t'ojol jax. Ili templo tsa' tejchi ti mejlel che' woli ti yumʌntel Herodes el Grande che' ti ja'bil 20 ó 19 che' maxto julemic Cristo. —che'en.
2Jesús tsi' su'be:
—¿Mu' ba a q'uel jiñi colem tac bʌ otot? Ma'añic mi caj i cʌytʌl mi jump'ejlic xajlel ti' pam yam bʌ, mi caj i laj chojquel ju'bel,#13.2 Q'uele Lc 19.43-44. Tsa' jisʌnti Jerusalén che' ti ja'bil 70 che' tilemix Cristo. —che'en.
I yejtal tac i jilibal
(Mt 24.3-28; Lc 17.22-24; 21.7-24)
3Tsa' buchle ti Olivo wits ti' tojel Templo. Pedro yic'ot Jacobo yic'ot Juan yic'ot Andrés ti' bajñelilob tsi' c'ajtibeyob:
4—Su'beñon lojon ¿baqui ora mi caj i yujtel pejtelel jiñi? ¿Chuqui i yejtal mi' caj ti pʌstʌl che' yom ujtel pejtelel ili tac?
5Jesús tsa' caji su'beñob:
—Chʌcʌ q'uele la' bʌ ame añic majqui mi' lotiñetla. 6Come talob ca'bʌl tij c'aba' mu' bʌ caj i yʌlob: Joñoñʌch jiñi Cristo; mi caj i lotin ca'bʌlob. 7Ba' ora mi la' wu'bin añ ca'bʌl guerra yic'ot ca'bʌl t'añ cha'añ guerra, mach la' bʌc'ñan come wersa che'ʌch yom mi' yujtel, pero maxto i jilibalic. 8Come jiñi año' bʌ ti jumpejt lum mi caj i techob guerra ti' contra año' bʌ ti yam bʌ lum, jiñi año' bʌ ti' wenta juntiquil yumʌl mi caj i techob guerra ti' contra jiñi año' bʌ ti' wenta yam bʌ yumʌl; tal i yujquel lum ti ca'bʌl lum; tal ca'bʌl wi'ñal [yic'ot ju'ucñʌyel,]#13.8 Ili t'añ: yic'ot ju'ucñʌyel, ma'añic mi lac taj ti yan tac bʌ Biblia. jiñʌch i cajibal wocol.#Is 19.2; Ap 6.3-8,12-17
9Chʌcʌ q'uele la' bʌ come mi caj la' wʌjq'uel ti' c'ʌb jiñi año' bʌ i ye'tel, mi caj la' jajts'el ti sinagoga tac, mi caj la' pʌjyel tilel ti' tojlel yumʌlob, yic'ot ti' tojlel reyob cha'añ tij caj, cha'añ mi' tsictiyel c t'añ ti' tojlelob. 10Wersa mi' ñaxan su'bentelob jiñi wen t'añ ti pejtelel lum.#Mt 28.19; Col 1.23; 1 Ts 1.8 11Ba' ora mi' la chujquel majlel cha'añ mi' la' wʌjq'uel ti' c'ʌb yumʌlob, mach mi la' mel la' pusic'al cha'añ chuqui mi caj la' su'b yic'ot mach la' to'ol cha'len ña'tʌbal, cojach mi la' su'b jiñi t'añ mu' bʌ caj la' wʌq'uentel ti jiñi jach bʌ ora, come mach jateticla mi caj la' cha'len t'añ pero jiñʌch jiñi Ch'ujul bʌ Espíritu.#Mt 10.17-20; Lc 12.11-12; 21.12-15; Hch 4.1-8 12Wiñicob mi caj i yʌc'ob ti chʌmel i yerañob. Jiñi tatʌl mi caj i yʌc' ti chʌmel i yalobil, jiñi i yalobilob mi caj i contrajiñob i tat i ña', mi caj i tsʌnsañob. 13Mi caj la' ts'a'lentel ti pejtelel pañimil cha'añ tij c'aba'. Jiñi mu' bʌ i cuch i wocol c'ʌlʌl ti' jilibal mi caj i coltʌntel.#Mt 10.21-22; Jn 15.18-25
14Jiñi mu' bʌ i q'uel ili juñ la' i ch'ʌmben isujm:#Dn 9.27; 11.31; 12.1; Mt 24.15 Che' mi la' q'uel woli yʌjq'uel bi'bi' jax bʌ majtañʌl ba' tic'bil che' bajche' tsi' wʌn su'bu jiñi x'alt'añ Daniel. Che' mi la' q'uel jiñi, la' puts'icob majlel ti wits jiñi año' bʌ ti Judea. 15Jiñi am bʌ ti' jol i yotot mach chʌn ju'bic cha'añ mi' loc'san i chu'bʌañ ti' yotot.#Lc 17.31 16Jiñi am bʌ ti cholel mach chʌn sujtic cha'añ mi' ch'ʌm i pislel. 17O'bol jax i bʌ jiñi cʌntʌbilo' bʌ i cha'añ alʌl yic'ot jiñi woli bʌ i tsu'sañob alʌl ti jim bʌ ora. 18Cha'lenla oración cha'añ mach ti' yorajlelic tsʌñal mi la' puts'el. 19Come ti jim bʌ ora mi caj i tilel ca'bʌl wocol, ñumen bajche' tsa' ñumi c'ʌlʌl ti' cajibal jiñi pañimil tsa' bʌ i mele Dios, ma'añix ba ora mi caj i chʌn ujtel che' bajche' iliyi.#Dn 12.1; Jl 2.1-2; Ap 7.14 20Che' machic jach lac Yum tsi' com-esa yorajlel i wocol, ma'añic majqui mi' coltʌntel, pero cha'añ ti' caj jiñi yajcʌbilo' bʌ i cha'añ tsi' com-esa i yorajlel wocol.
21Mi añ majqui mi' su'beñetla: “Q'uelela, wʌ'an jiñi Cristo”, o mi añ majqui mi' su'beñetla: “Ya'añ Cristo”, mach mi la' ñop. 22Come mi caj i tejchelob jiñi mu' bʌ i cuyob i bʌ ti Cristo yic'ot lot bʌ x'alt'añob. Mi caj i pʌsob ca'bʌl i yejtal i p'ʌtʌlel yic'ot bʌbʌq'uen tac bʌ cha'añ mi' lotiñob jiñi yajcʌbilo' bʌ mi tsa' mejli.#Mt 7.15; 1 Jn 2.18; Dt 13.1-3 23Chʌcʌ q'uele la' bʌ. Tsa'ix c wʌn su'beyetla ti pejtelel jiñi.
Che' mi' tilel i Yalobil Wiñic
(Mt 24.29-35,42-44; Lc 21.25-36)
24Pero ti jim bʌ ora che' mi' yujtel jiñi wocol, mi caj i yiq'uesʌntel jiñi q'uiñ yic'ot jiñi uw ma'añic mi caj i yʌc' i c'ʌc'al. 25Mi caj i yajlel tac jiñi ec' ti panchan, jiñi p'ʌtʌl tac bʌ ti panchan mi caj i ñijcʌntel.#13.24-25 Ili t'añ tac tilem ti Oñiyi bʌ Wen T'añ; q'uele nota am bʌ ti Mt 24.29; Is 13.10; Ez 31.7; Jl 2.31; Ap 6.12-13. 26Ti wi'il mi caj i q'uelob i Yalobil Wiñic che' mi' tilel ti tocal yic'ot ca'bʌl i p'ʌtʌlel yic'ot i ñuclel.#Dn 7.13; Mt 16.27; 1 Ts 4.13-18; Ap 1.7 27Che' jiñi mi caj i choc majlel i yángelob cha'añ mi' tempañob tilel ti' chʌnwejlel pañimil jiñi yajcʌbilo' bʌ i cha'añ ch'oyolo' bʌ ti' ñajtlel pañimil c'ʌlʌl ti' ñajtlel panchan.
28Ñopola jiñi lajiya cha'añ jiñi higuera te'. Che' wolix i yax-añ i c'ʌb che' woli' ti ch'oc-an tsiji' bʌ i yopol, la' wujil lʌc'ʌlix i yorajlel ticwal. 29Che' ja'el jatetla, che' mi la' q'uel wolix i yujtel pejtelel iliyi, ña'tanla lʌc'ʌlix i tilel i Yalobil Wiñic. 30Isujm mic su'beñetla, ti pejtelel jiñi mi' caj ti ujtel che' wʌ' to añ ti pañimil jiñi wiñicob x'ixicob año' bʌ wʌle. 31Mi caj i jilel jiñi panchan yic'ot pañimil, pero mach jilic c t'añ.
32Ma'añic majqui yujil baqui bʌ q'uiñ baqui bʌ ora mi' caj ti ujtel jiñi, mi ángelob ti panchan, mi i Yalobil Dios, jiñi jach c Tat yujil.#Mt 24.36; Hch 1.6-7 33Chʌcʌ q'uele la' bʌ, yom yʌxʌl la' woj, come mach la' wujilic baqui ora mi caj i c'otel i yorajlel.#Mt 24.42; 25.13; Lc 12.40 34Lajalʌch bajche' wiñic tsa' bʌ majli ti ñajtʌl, che' bʌ tsi' cʌyʌ i yotot tsi' yʌq'ueyob i ye'tel i wiñicob, ti jujuntiquil tsi' su'beyob chuqui yom mi' melob, tsi' su'be xcʌntaya cha'añ mi' q'uel i ti' otot. 35Yom yʌxʌl la' woj, che' jiñi, come mach la' wujilic baqui ora tal i yum otot, mi ti ic'ajel, mi ti ojlil ac'ʌlel, mi che' wolix ti uq'uel mut, mi ti sʌc'ajel.#13.35 Jiñi judíojob mi t'oxob ti uxp'ejl jump'ejl ac'ʌlel; jiñi romanojob mi t'oxob ti chʌmp'ejl; q'uele ja'el (Lc 12.35-40). Q'uele che' bajche' t'oxbil jiñi q'uiñ tac. 36Ame bʌc' julic i tajetla che' wʌyʌletla. 37Jiñi mu' bʌ c su'beñetla, mic su'beñob ja'el ti pejtelelob: ¡Yom yʌxʌl la' wo!
Избрани в момента:
Marcos 13: NTCH
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Biblia de Estudio en Ch´ol de Tumbalá, Chiapas, México © Sociedad Bíblica de México A.C.