Yela 11
11
Yarada dɔe Korowii be
Kooro Devid yel
1Korowiirii n chwa kaa marɛ,
bɔkwa waa hɛɛ ba wona ŋɔ
n be ŋɔ,
“Ir kɛŋɔ jumbie,
dɛ́ kaa bwejen la ta,
2dɛkalkɛŋɔ nyubinikpeɡ tena
harɛ ba tori kpa,
hɛm la jaɡɛ to la ŋwɛn ta,
ba sɔh biro ta, dɛ́ ta nɛra
baa dɛ teŋɛ Korowii waa ta.
3Dɛ nyubinikpeɡ tena
chɔɡ wedɛɛɡa ŋwɛnaa,
ɛrɛɛ nɛra baa dɛ teŋɛ
Korowii waa ta ɛɛ ba ɛɛ
yɔ?”
4N Naa Korowii lɔ o Dea
waa lea cheɡ tɛ o te bini
nyundua, dɛɛ di kora,
dɛɛ nyiŋi nɛwɛnyini
bobɛlbwa,
dɛ jemɛ ɡɛ baa dɛ ɛ.#Hab 2:20
5O dɛ pese nɛra
ba wa aa toɡra,
kɛ nyubinikpeɡ tena,
ne naɡrenyin tena te,
o hah ba o bambile bwa.
6Wɛɛ fuɡe ninhɔla,
ne jebɔrɔwe niinii ta
ɡɛ nɛra la nɛ,
dɛ́ tɛr ba deŋne peuwɔb ne.
7Korowii waa toɡrɔ,
o dɛ nyin kasinteŋ.
Nɛra ba wa aa toɡraa
dɛɛ ba o nae.
Избрани в момента:
Yela 11: mzw
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.