KEKULI 6
6
Kekiqathu Meshu Tagü
1Matsü pahan seng wi sansikeyathu ji kayi shagha, Grik jüh kekhi Judah nyithu nu Judah nyi ahvuthu jawi kicennali shagha . Grik jüh kekhi Judah nyithu na atsathangla pala kegishü tsü pi mehaitsü mathu denyilethu nan nben le khi. 2Tsalina apostel taghakeni na kenondithu maben cighu chi nu khi, “Ikhang na keben kesen ghena Anyiza jüh kekhi wi leben nchila kesa-u nye. 3Tsalina cünyuthu, nthu jawi Kemetha Ghamu nu kemetsa pi pong pvüden kesa chü kebenthu meshu tagü kessi yalo; ikhang na mathu pi kekuli ha sa thsü na. 4Isanu ikhang na matsü tsüdi pi kekhie sa nu nyu sansi isa na.”
5Anyi tsüdila apostelthu jüh tsü nen. Tsalina mathu na kenondi nu Kemetha Ghamu pi pong pvü keten Stefan, nu Filip, Prokhora, Nikanor, Timon, Parmena, nu Judah yen nie wa kesa nyi Antiok wina keghowa Nikola, hathu ha kessiya. 6Mathu na anyi tsüthu ssinu apostelthu tuwi wa nu apostelthu na akwen chang pi mathu miwi chi nu kekhie sa thsü.
7Tsalina Anyiza jüh tsüna vvü zighe wa. Jerusalem wi sansikeyathu na ji pfüpfü wa, nu keqhaikedi ntsathu kejonla kenondi jühwa tsü yaya.
Stefan Ghankeya
8Stefan na Anyiza kesawegü pvü ntsa nu kekhang pi ma pong pvü nu anyithu jawi azensu nu amankesathu kulichi. 9Isala anyi pahan Kekhen-nkeminyi le (khi ketenthu tsüna) Sinagog nyithu Ciren nu Alexandria wina keghothu na ma matang. Mathu nu Judah nyi Cilisia nu Asia wi keghothu na Stefan ssinu ajüh keccücanli shagha . 10Isala Aghamu na kemetsa pi Stefan cü nu ma ajüh kekhi wi mathu na ma nchala. 11Tsalina mathu anyi pahan melli pi hati khi thsüa, “Ikhang na ma Mosa nu Anyiza keshun jüh khi keben zaya le!” 12Tsüti nu mathu na anyithu, keshenpfüthu, Ayenkesansithu kethukehi chia. Mathu na gho Stefan ghanya nu ma ssinu hoho tuwi gho. 13Tsaseng wi mathu anyi pahan ya ma cüki milikemesa khi thsüle ssigho nu khi, “Anyi hawa na keshüthang wila ikhang Kekinyijjen kemethawa nu Mosa Yenwa tsü keshun jüh khiden. 14Kepaghenanye ikhang na ma Nazareth nyiwa Jisu hana Kekinyijjenwa tsü yasa nu Mosa na Ayenwa pi ithu kecüwa tsü kemiliaben le kekhi zaya le!” 15Hoho wi donki kebenthu tsüdila Stefan ghang keben wi ma mmi na tangnyilo mmi ti kesa muya.
Избрани в момента:
KEKULI 6: RENGNBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.