Zlr 26
26
I Izak nda Avimelek
1Ka slatá maya ta tsa haɗik ya. Nda dəga nda tsa ta slata ta fitika Abraham ya. Ka sliʼaftá Izak ka laghu da Gerar luwa Avimelek mghama la Filisti.
2Ka maravatá Yawe da Izak, kaʼa nda tsi mantsa: « Ma la ka da Masar, nza nza gha ma haɗik dzaʼa maraghata yu ya. 3Nza nza ma na haɗik na, dzaʼa nzakway yu kawadaga nda kagha, dzaʼa tfaghagha tfa yu ta wi, ŋa gha nda zivira gha dzaʼa vlaghata yu ta inda tsa kwakwarha ya. Dzaʼa ŋana ŋa yu ta skwi waɗana yu ta da gha Abraham. 4Dzaʼa yanaf ya yu ta zivira gha manda tekwatsaha ta luwa, dzaʼa vlaŋ vla yu ta inda tsa kwakwarha ya ta zivira gha. Dzaʼa mutsaf mutsa inda mndəra mnduha ta ghəŋa haɗik ta tfa wi nda ma zivira gha, 5kabga snaŋ sna Abraham ta lwa ɗa, ka snatá gwaɗaha ɗa, nda dvuha ɗa, nda tva skwiha ŋa magay, nda zlahuha ɗa, » kaʼa.
6Ka nzatá Izak ma Gerar. 7Ka ɗawu mnduha ma tsa luwa ya ta gwaɗa ta ghəŋa markwa taŋ. Kaʼa mantsa: « Makuma ɗa ya, » kaʼa. Zləŋaf zləŋa ta mnay kazlay markwa ini ya kəʼa, kabga yaha mnduha ma tsa vli ya da dzihata ta ghəŋa ni, kaʼa ma ghəŋa ni, dabga ɗinu ɗina Rebeka katakata.
8Nda kɗa fitika nzata nzakwa Izak ma tsa vli ya. Ma sana fitik ka nghagaptá Avimelek mghama la Filisti nda ta finitir, ka nghaŋtá tsi ta Izak ta gatsuwa nda Rebeka markwa taŋ. 9Ka hgaftá Avimelek ta Izak, kaʼa mantsa: « Kahwathwata na markwa ghuni na marakw na, waká kagha mnay kazlay makuma ɗa ya kəʼa na? » kaʼa nda tsi. Ka Izak nda tsi mantsa: « Klə yu ka mnay mnay mantsa ya ná, kabga zləŋa dzatá iʼi ta gwaɗa ta tsatsi ya, » kaʼa. 10Ka Avimelek mantsa: « Nahgani na magaŋna ka tama? Si pərɗa a ka hanata sana mndu nda tsəna marakw na tama rki! Má ŋa pghamta gha ta aŋni da dmaku, » kaʼa.
11Ka Avimelek dvanaghatá inda mnduha ni mantsa: « Mndu dzaʼa ksaŋtá tsəna mndu na, ka markwa taŋ a tsi, dzaʼa dza dza lu ta tsa mndu ya, » kaʼa.
Zlərɗa wa Izak nda la Gerar
12Ta tsa vaku ya, ka sləgaftá Izak ta nimaya ta tsa haɗik ya. Tembera hya skwi sləgada tsi, ka tsəkatá tsi ta dərməkata ni, kabga tfanagha tfa Yawe ta wi. 13Ka nutá tsi ka gadghəl. Ka ŋlaku tsa gadghəla ni ya ta kəma ta kəma ha ka nutá tsi ka mndu dagala. 14Ka mutsaftá tsi ta bra rina fisik nda bra slaha, mamu kwalvaha ni nda ndəgha guli. Ka drə la Filisti ta Izak. 15Ka saŋamtá həŋ ta inda vavrəm si lalap kwalvaha da ni Abraham. Ka ndaghanaftá həŋ nda haɗik. 16Ka Avimelek nda Izak mantsa: « Sliʼaf sliʼa ka laghwa ka ta vata aŋni, kabga malaghu mala ka ta mbrakwa ŋni, » kaʼa. 17Ka sliʼaftá Izak hada ka laghu da nzata ma lika ma Gerar, ka nzatá tsi hada. 18Ka saŋigiŋtá Izak ta tsa vavrəmha si lalap lu daga ta fitika da ni Abraham, saŋam la Filisti tahula mtatá Abraham ya. Ka tsatsanaftá Izak ta hgu manda va hgu ya si tsatsanaf da ni ta tsa vəvrəmha ya. 19Ka laptá kwalvaha Izak ta vavrəm ma lika, ka slaftá həŋ ta zriŋa imi. 20Ka zlərɗavaghatá gwal ngha rina la Gerar ta wi nda gwal ngha rina Izak, ka həŋ mantsa: « Ŋa ŋni na imi na, » ka həŋ, ka tsanaftá tsatsi ta hgu ta tsa vavrəm ya ka Isek#26:20 Isek nda gwaɗa Hebru ná, tsaya zləɗa wi., kabga zbaŋ zba həŋ ta zlərɗa wi tida. 21Ka ləglaptá tsa kwalvaha Izak ya ta sani. Ka zlərɗəglavaghatá lu ta wi ta ghəŋa ni guli. Ka tsanaftá Izak ta hga ni ka Sitna#26:21 Sitna: Nda gwaɗa Hebru ná, tsaya ghazeŋzeŋ. . 22Ka sliʼaftá tsi hada guli, ka laghu da laptá sana vavrəm. Zlərɗaŋ a lu ta wi ta ghəŋa tsaya wa. Ka tsanaftá tsi ta hga ni ka Rehuvut#26:22 Rehuvut nda gwaɗa Hebru ná, manda mnay kazlay zlanaŋtá vli kəʼa ya., kabga kaʼa na: « Vlaŋna vla Yawe ta vli ndana tama, dzaʼa nuna ŋni ka gadghəl ma na haɗik na, » kaʼa.
Zlagapta Yawe da Izak ma Bəʼerseva
23Ka sliʼaftá Izak hada, ka ŋladafta da Bəʼerseva. 24Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa. 25Ka baftá tsi ta gwir hada, ka hgə tsi ta hga Yawe ma duʼa. Ka dzugwatá tsi ta tumpula ni, ka laptá kwalvaha ni ta vavrəm.
26Ka sliʼaftá Avimelek ma Gerar ka lafi da nghanaghatá Izak, kawadaga nda Ahuzat ta vlaŋtá hiɗaku, nda Pikwal mghama sludziha ni. 27Ka Izak nda həŋ mantsa: « Nya kəl kuni ka sagha slaɗighata, ya vya husaghuna husa yu, ka ŋawaftá kuni ta iʼi da kaghuni na? » kaʼa. 28Ka həŋ mantsa: « Nghadap ngha ŋni kahwathwata ná, kawadaga Yawe nda kagha, kəl ŋni ka ndanapta kazlay ɗina ka waɗata mu, ka dzrafta mu ta wi nda kagha kəʼa. 29Waɗaŋna waɗa kazlay haɗ ka dzaʼa magaŋnatá ghwaɗaka skwi wu kəʼa, kabga ghuyaghap a aŋni ta ɗaŋwa wu, skwi ɗina yeya maga gha aŋni ka zlighista nda vghata zɗaku. Ndanana, nda nza ka ka mndu nda tfa wa ni da Yawe, » ka həŋ. 30Ka maganatá Izak ta skwa zay gagaʼ ta həŋ. Ka zutá həŋ, ka sutá həŋ. 31Ga mahtsima ni ka sliʼaftá həŋ wrək sərɗək ka waɗuvustá waɗu mataba taŋ. « Ka ɓhata kuni ɗughwana, » ka Izak nda həŋ. Ka sliʼaftá həŋ, ka laghu nda zɗakwa vgha taŋ.
32Baɗu va tsaya, ka sagha kwalvaha Izak da mnay ŋa ni ta gwaɗa ta sana vavrəm ta lə həŋ. Ka həŋ mantsa: « Slaf sla ŋni ta imi, » ka həŋ. 33Ka tsanaftá tsi ta hga ni ka Sivgha. Tsaya kəl lu ka hga hga tsa luwa ya ka Bəʼerseva#26:33 Bəʼerseva nda gwaɗa Hebru ná, manda mnay kazlay vavrəma waɗu kəʼa ya. ha gita.#21:31.
Hlafta Ghesav ta miʼi
34Fwaɗ mbsak ima Ghesav ta hlaftá tsi ta miʼi, i Yehudit makwa Bəʼeri la Het, nda Basmat makwa Iluŋ la Het guli. 35Ka ŋəranaftá tsa miʼaha ya ta ŋuɗuf ta i Izak nda Rebeka.
Избрани в момента:
Zlr 26: xed
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Wycliffe Bible Translators, Inc. All rights reserved.