SHURAI 10
10
Noha Nahpoututao vei Tyaonah Maitao
1Haitao hai Noha nahpoutu Shem, Ham ae Japheth vei tyaonah maitaoe. Dzüdu veyu thai puletao hinou nahpoutu haitao ngaoloue.
2Japheth nahpoutu taosü Gomer, Magog, Madai, Javan, Tubal, Mashek ae Tiras. 3Gomer nahpoutu taosü Ashkenaz, Riphath ae Togarmath. 4Javan nahpoutu maitao hai Elishah, Tarshish, Kitim ae Dodanim. 5Haitao hinou zaipe hi buyu maityatao hrüve-e. Haitao hai lah tyahrü kukua ae la kukua hrüyu Japheth vei tyaonah maitaoe.
6Ham vei nahpoutu maitao sü Kush, Ejipt, Put (Libya) ae Kanaan-e. 7Kush nahpoutu taonou Seba, Havilah, Sabtah, Raamah ae Sabteka. Raamah nahpoutu haisü Sheba ae Dedan. 8Kush nou nahpoutu Nimrod ngaoloue, puhnou deiphao hi reih souvei mai arainae. 9Mapao vei soukha vanou puh hai souzü shoyu mai ali soue. Südonou maikhe mainou tsüchi soua “Nimrod büa Ramai panou neye souzü shoyu maili soulou theo” tea paowe. 10Shurai hi hai puhvei vedei sü Babel, Erek ae Akad, haitao asü nou Shinar (Babilon) teidei hinou bue. 11Sühinou puhnou Assiria takouloua Ninevah, Rehoboth-Ir, Kalah ae 12Ninevah hai Kalah ko hi buyu nuhdu Resen haitao hai soushue.
13Ejipt vei tyaonah maitao hai Ludim, Anamin, Lehabim, Naphtuh, 14Pathrusim, Kashuhim alia Kaphtorim-e, haina hinou Philistin tyahrü hai ve-e.
15Kanaan nahpoutu narai Sidon ae Heth, 16alia puhai tyaonah maitao hai Jabusimai, Amorimai, Girgashimai, 17Hivmai Arkimai, Sinaimai, 18Arvadimai, Zemarmai alia Hamathmai-e. Haithai kou Kanaan vei tyaonah taonou vakou-a ho hrütae. 19Kanaan maivei deirai hai Sidon hinou poa Gaza nghiyu Gerar ae teinghi palo buyu Sodom, Gomorrah, Admah, Lasha nghia buyu Zeboüm koute-e. 20Haitao hai Ham vei tyaonah, lah hrüh kukua, la kukua, tyahrü, füdei kukua hrüyu maitaoe.
21Jepheth jüraio Shem hai Ebriamai vei puopaoe. 22Shem vei tyaonah maitao hai Elam, Asshur, Arpach-shad, Lud ae Aram-e. 23Aram tyaonahtao hai Uz, Hul, Gether, ae Mash-e. 24Apakshad hai Shelah puo-e, alia Shelah hai Eber puo-e. 25Eber hinou nahpoutu ahai ngaoloue. Alisü Peleg#10.25 peleg: Zhih haina hai Hebrew maila hinou “dade zhiyu” touyu lakho raiwe. tea sapeie, daiolouzü puh teile hinou deiphao hai dadesa touwure. Puh thaihou zhih nou Joktan toue. 26Joktam tyaonah maisü Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ophir, Havilah ae Jobab. Puletao hrülai hai Joktan phao hinou hrüvewe. 30Puletao vei deirai hai Mesha hinou poa teinghi palo deichi Sephar nuh hi koute-e. 31Haitao hai Shem vei tyaonah maitaoe, lah hrüh, lah, tyahrü alia füdei kukua hrüyu maitaoe.
32Mai haitao hrülai hai Noha hinou hrüveyu tyaonah maitaoe, tyahrü ali linou, lah lahvei pfümounah thaifüa veyutaoe. Dzüdu thailo hai deiphao tyahrü hrülai sü Noha nah maitao hinou hrüve-e.
Избрани в момента:
SHURAI 10: POUMBSI
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.