Популярни библейски стихове от Mateo 10

Споделяне

As tuk unchaj b'en ex. As ech eb'ene' eche' ib'en unjoloj kaneero' xo'l unq'a xo'e'. Pet atoj enachb'al eche' nib'an unq'a tx'i'latxooe'. As sula aama ex la ib'ane' eche' nib'an unq'a paroomaxhe'.

As ab'il uve' a' kuxh vitiichajile' ni titz'a ve't vatz u tx'ava'e', as ye'l itiichajil k'atz u Tiixhe' la ib'ane'. Pet ab'il uva' ye' la toksa taama ti' u vatz tx'ava'e' tan ti' uva' nimamal in sta'n, as at itiichajil k'atz u Tiixhe'.

As xo'vi'k ex te unq'a uxhchile' uve' la yatz'on vechi'ole', tan eche' la koj oleb' ti' iyatz'at vetaanxelale'. Pet exo'vataj u Tiixhe', tan la taq' b'en Aak vechi'ole' tuk' vetaanxelale' tu u choob'al paave'.

As ab'il uva' ye' la kuyun unq'a k'axk'oe' ti' ixekeb' svi', as ye' la uch tok ve't chusulib'il sunk'atz.

As ab'il uva' ye' la xo'vi ti' talat tib' uva' nimamal in sta'n vatz unq'a tename', as echat la unb'an sti' vatz vunB'aale' uva' echen tu almika'. Pet ab'il uva' la teesa tib' sunk'atz vatz unq'a tename', as echat la unb'an sti' vatz vunB'aale' uva' echen tu almika'.

As b'en eb'a'nxisataj unq'a aach'o'me' tuk' unq'a uxhchile' uva' ato'k ch'a'k chin sti'. As etulsataj taama unq'a kamnaje'. As eteesataj el unq'a sub'ule' ti' unq'a uxhchile'. Asoj la eb'an umaj b'a'nil, as ejajak ija'mil, tan oyamal kuxhe' vetijle'me'.

Esti'e' ni val sete uva' xo'vi'k chit ex, tan nim etalche' vatz u Tiixhe' ti' unq'a talaj tz'ikine'.

As kamal netitz'a uva' kat ul in ti' uva' b'a'n tatin unq'a uxhchile' svatzaj vatz u tx'ava'e', as tul ye'le tan aal tuk okoj ve't ixo'l. As techal la iyatz' ve't tib' svatzaj.