Популярни библейски стихове от मत्ती 15

Споделяне

पर सुणा, जु कुछ भि गिच्‍चा बटि निकळदु, उ मनखि का मन बटि निकळदु अर उई मनखि तैं अशुद्ध भि करदु। किलैकि बुरा ख्याल, हत्या करण, दुसरि जनानियों पर गळत नजर रखण, अर दुसरि जनानियों का दगड़ा मा गळत सम्बन्ध रखण, चोरी करण, झूठ्‍ठी गवै देण, दुसरो की बुरै करण, इन्दरि किसमे सब बात मनखि का मन बटि ही निकळदिन।

मनखि का गिच्‍चा बटि जु कुछ भि भितर जान्दु वु वेतैं अशुद्ध नि करदु, मगर जु कुछ भि वेका गिच्‍चा बटि भैर निकळदु उई वेतैं अशुद्ध करदु।”

“‘केवल गिच्‍चळ ही यू लोग मेरु आदर-समान करदिन, मगर यों को मन मिसे भौत दूर च। अर यू लोग बेकार मा ही मेरी भक्‍ति करदिन, किलैकि यू लोग अपणा ही द्‍वारा बणईं आज्ञाओं तैं परमेस्वर की शिक्षा बतै के सिखौन्दिन।’”

तब यीशु न वींकू बोलि, “हे बेटी, त्वेतै भौत जादा बिस्वास च। इलै जन तू चान्दी त्वे खुणि उन्‍नि हो।” अर सुणा, वे बगत बटि ही वीं जनानि की नौनि खूब ह्‍वे गै।

पर वा जनानि वेका पास ऐ, अर वेका खुटों मा हाथ जोड़ी के पोड़ि गै अर बोलि, “मेरा प्रभु, मेरी मदद कैरा।” अर वेन उदारण देके वींकू बोलि, “या बात ठिक नि च कि बच्‍चों की रुट्‍टी लेके कुकरों का अगनै डळै जौ।” वींन बोलि, “हाँ प्रभु, तुम ठिक बोन्‍ना छाँ, पर कुकर भि त मालिक का द्‍वारा छुटयां चूर-बूर तैं खनदिन।”