Популярни библейски стихове от Иоанн 12

Споделяне

Дие хъулухъ гьабизе бокьарав чи дида цадахъ вилълъа. Дун вугеб бакӀалда вукӀине ккола дие хъулухъ гьабурав чиги. Дие хъулухъ гьабурав чиясул хӀурмат гьабила дир Инсуцаги.

Жиндирго гӀумру хирияв чи гьелдаса махӀрумлъила. Амма гьаб дуниялалъул рокъоб жиндирго гӀумру рихарасе абадияб гӀумру насиблъила.

ХӀакълъун абулеб буго дица нужеда: хуриб хьараб ролъул мугь ракьулъе ккун хвечӀони, гьеб жибго цохӀо хутӀула гьениб. Амма гьеб ракьулъе ккун хвани, гьелдасан лъугьараб ролъул тӀорода гӀемерал мугьал рижула.

Дун вуго – Нур. Дун ракьалде вачӀун вуго дида божарав цониги чи бецӀлъуда хутӀунгутӀизе.

Дихъ гӀенекканиги, дир рагӀи рекӀелъ цӀуничӀесеги суд дица гуро гьабизе бугеб. ГӀадамазе суд гьабизе гуро дун вачӀун вугев, гьел хвасар гьаризе вачӀун вуго.

Берцинаб махӀалъул цӀакъго хирияб нахул гелавкаги босун ячӀун, Марямица ГӀисал хӀатӀазда бахана гьеб ва жиндирго ботӀрол расуца рацӀцӀана гьел. Гьеб нахул цӀакъаб гьуинаб махӀалъул цӀуна рукъ.

Чамасдакил гъутӀбузул гӀурччинал гӀаркьалабиги кодор ккун ана гьел ГӀисада данде. Гьадинаб туркиги ахӀулеб букӀана: – Гьошанна! БетӀергьанас витӀун вачӀунев вугесда баркат лъеги! Исраилил халкъалъул ПарччахӀасда баркат лъеги!

ГӀисаца гьезда абуна: – ГӀадамил Лъимер машгьурлъизе заман щун буго.