Популярни библейски стихове от Lucas 7

Споделяне

Jiñi cha'añ mic su'beñet, anquese ca'bʌl i mul ñusʌbilix ti pejtelel, jiñi cha'añ ca'bʌl mi' c'uxbiñon; majqui mi' ñusʌbentel ts'ita' i mul ts'ita' jach mi' cha'len c'uxbiya, —che'en Jesús. Tsi' su'be x'ixic: —Ñusʌbilix a mul, —che'en.

Jesús tsi' su'be x'ixic: —Coltʌbilet cha'añ tsa' ñopo, cucu ti' ñʌch'tʌlel a pusic'al, —che'en. María, i ña' Jesús

Che' ya' wa'al jiñi x'ixic ti' pat Jesús, tsa' caji ti uq'uel, tsa' chʌjq'ui ju'bel i ya'lel i wut ti' yoc Jesús, tsi' sujcube ti' tsutsel i jol, tsi' ts'ujts'ube i yoc, tsi' boño ti jiñi xojocña bʌ ts'ac.

Jiñi cha'añ tsa' c ña'ta mach uts'atoñic cha'añ mic tilel ba'añet, cojach yom ma' wʌc' a t'añ; che' jiñi, mi' caj i lajmel x'e'tel c cha'añ. Come joñon ja'el añon ti' wenta yam bʌ wiñic. Añ tic wenta ca'bʌl soldadojob. Mic su'ben juntiquil: “Cucu”, mi' majlel; yam bʌ mic su'ben: “La'”, mi' tilel; mic su'ben c wiñic: “Mele jiñi”, mi' mel, che'en. Jesús uts'at tsi' yu'bibe i t'añ jiñi capitán. Tsi' sutq'ui i bʌ. Tsi' su'beyob jiñi woli bʌ i tsajcañob majlel: —Mic su'beñetla, ma'añic ba' tsa' c taja ti pejtelel Israel wiñic mu' bʌ i ñopon bajche' jiñi, —che'en Jesús.

Ti jiñi jach bʌ ora Jesús tsi' c'oq'uesa ca'bʌl xc'am-ʌjelob año' bʌ leco tac bʌ i chʌmel, yic'ot jiñi año' bʌ i xi'bʌjlel, yic'ot tsi' cambeyob i wut ca'bʌl xpots'ob. Jesús tsi' jac'beyob, tsi' su'beyob: —Cucula, su'benla Juan chuqui tsa' la' q'uele yic'ot chuqui tsa' la' wu'bi: Wolix i c'otelob i wut jiñi xpots'ob, woliyobix ti xʌmbal jiñi mach bʌ p'ʌtʌlobic i yoc, lajmesʌbilobix jiñi año' bʌ leco bʌ i tsoy, jiñi xcojcob wolix i yu'biñob t'añ, woli' cha' tejchelob ch'ojyel jiñi chʌmeño' bʌ, jiñi p'ump'uño' bʌ woli' yu'biñob jiñi wen t'añ.