Популярни библейски стихове от Ioane 12

Споделяне

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ane tangira maiuna ao e na kabua; ao ane riba maiuna n te aonnaba aei, ao e na kawakinna nakon te maiu are aki toki.

Bon te koaua ni koaua ae I a tuangngkami b'a ngkana e aki b'aka uaan te uita i buakon te tano ni mate iai, ao e na tiku n ti ngaia; ma ngkana e b'aka ao e mate iai, ao ane na kariki uaana aika bati.

I roko b'a te oota i aonnaba, b'a e na aki mena n te roo ane onimakinai.

Ngkana e ongo au taeka te aomata, ao e aki iri nanoia, ao I aki motika taekana: b'a I aki roko b'a N na motika taekan aonnaba, ma I roko b'a N na kamaiua.

Ao Nei Maria e anaa ngkanne teuana te rawawata ni kabira ae boiarara, ae te naro ni koaua ae bati boona, ao e kabiri waen Iesu iai, ao e kaoi n iran atuna; ao e niraki nanon te auti ni boin te kabira.

A anai baanikaai aika aroni baan te ni, ao a nako ni butim'aia, ao a takarua ni kaangai, “E na neboaki te Atua! E na kakab'aiaki Teuae nakomai n aran te Atua. E na kakab'aiaki aia Uea Iteraera!”

Ao E kaekaia Iesu ao E taku, “E a roko te aoa are E na neboaki iai Natin te Aomata.