Аддай Богу Першае МесцаУзор

БогХочаБыцьнаПершымМесцыўТваімСэрцы

У сучасным свеце многія ацэньваюць сваю каштоўнасць па ўзроўні багацця, дасягненнях у кар'еры, поспехах у бізнесе або па сувязях з важнымі асобамі.

Але калі наша значнасць засноўваецца на гэтых рэчах, то мы будзем адчуваць сябе ўпэўнена толькі ў перыяды поспехаў у гэтых сферах. Калі нашыя даходы і поспехі пачынаюць зніжацца, наша адчуванне ўласнай каштоўнасці таксама аслабне, бо падмурак не трывае. Ісус апісвае гэта так:

«А хто пачуў і не выканаў, той падобны да чалавека, што збудаваў дом на зямлі, без падмурка, хлынула рака на яго, і адразу ён абваліўся, і руіна таго дома была вялікая»
Лукі 6:49.

Ідэнтычнасць чалавека настолькі трывалая, наколькі трывалы падмурак, на якiм яна грунтуецца. Калі мы будуем сваю ідэнтычнасць на трывалым падмурку Ісуса Хрыста, наша задаволенасць жыццём не будзе залежаць ад пераменных варункаў гэтага свету.

Калі мы будуем на Хрысце, наша ўстойлівасць выглядае так:

«Падобны ён да чалавека, што будуючы дом, раскапаў і заглыбіўся і заклаў падмурак на скале; калі ж здарылася разводдзе, на той дом хлынула рака, і не змагла яго пахіснуць, боён быў добра збудаваны» Лукі 6:48.

Задумайся на хвілінку пра шматлікія рэчы, якія можна выкарыстоўваць для будавання свайго падмурка значнасці. Гэта могуць быць багацце, кар'ера, знешнасць, сям'я, слава, улада ці твае знаёмствы. Можа, ёсць яшчэ нешта, што ты можаш дадаць да гэтага спісу? Сярод усіх рэчаў, на якіх можна будаваць сваю ідэнтычнасць, толькі Ісус гарантуе пераможнае хрысціянскае жыццё.

Аднак, аналізуючы іншыя рэчы, варта адзначыць, што ні адна з іх не з'яўляецца кепскай ці злой па сутнасці. Насамрэч, гэта важныя сферы адказнасці, якія Бог даручыў нам у жыцці. I ў Евангеллі ад Мацвея Ісус дапамагае нам знайсці раўнавагу.

«Таму кажу вам: не турбуйцеся пра ваша жыццё, што есці [ці што піць], і ні пра ваша цела, у што адзецца. Хіба жыццё не большае за яду, і цела за адзенне? Паглядзіце на нябесных птушак, што не сеюць, не жнуць, не збіраюць у свірны, а ваш Нябесны Бацька корміць іх. Хіба вы не важнейшыя за іх?»Матфея 6:25-26.

Калі мы прыходзім да гэтай ісціны ў сваім жыцці, мы знаходзім спакой і поўнае задавальненне, свабоду ад трывогі і хваляванняў. Гэты баланс дасягаецца, калі мы ставім Ісуса на першае месца ва ўсіх сферах нашага жыцця.

«Шукайце ж перш Царства [Божага] і Яго праведнасці. І ўсё гэта дадасца вам» Матфея 6:33.

Мы ўсе маем мары, мэты і памкненні, бо такімi нас стварыў Бог. Ставячы Ісуса на першае месца, ты зможаш пераасэнсаваць прычыны і матывы, якія стаяць за тваімі імкненнямі і мэтамі. Калі Ён будзе на першым месцы ў тваіх марах і памкненнях, твая будучыня будзе напоўнена веліччу і радасцю!

Калі Бог выяўляе сумнеўныя матывы ў тваім сэрцы, самым важным адказам з'яўляецца гатоўнасць да перамен. Змены могуць давацца няпроста, але Бог заўсёды клапоціцца пра нас і жадае, каб мы духоўна раслі.