Жыві з сілай і мужнасцю!Узор

Амбасадар Нябёсаў — Дух Святы

Амбасадар — гэта афіцыйны прадстаўнік урада, накіраваны ў іншую краіну, каб жыць сярод народа і несці мір і добразычлівасць. Ён выконвае свае абавязкі з поўнай уладай, шчодрасцю і рэсурсамі таго ўрада, які ён прадстаўляе. На яго ўскладзены найвялікшы давер, і ён выконвае сваю місію з годнасцю і да канца.

Дух Святы ў многіх адносінах падобны на амбасадара Нябёсаў. Ён увасабляе ў сабе ўсю ўладу, сілу і рэсурсы Бога і выяўляе Божую любоў кожнаму чалавеку праз Сваю прысутнасць і дзеянні.

Калі час Iсуса з вучнямі набліжаўся да завяршэння, Ён сказаў ім, што яны не застануцца адны пасля Яго адыходу. Ісус паведаміў ім пра Таго, хто будзе пасланы замест Яго, каб быць з імі, накіроўваць, вучыць, суцяшаць і весці іх — пра Духа Святога. Ісус сказаў:

«Але Я праўду кажу вам: лепш вам, каб Я адышоў. Бо калі Я не адыду, Абаронца не прыйдзе да вас; калі ж пайду, пашлю Яго да вас»Яна 16:7.

Пасля завяршэння сваёй місіі на зямлі Ісус паслаў Святога Духа, які будзе з намі да Яго другога прышэсця. Святы Дух накіроўвае нас, дапамагае, суцяшае і раіць ва ўсіх аспектах жыцця. Ісус так апісаў Святога Духа сваім вучням:

«Абаронца ж, Святы Дух, Якога пашле Бацька ў Маё імя, навучыць вас усяму і прыгадае вам усё, што сказаў вам Я»Яна 14:26.

Святы Дух — гэта прысутнасць Бога сярод нас, і Ён актыўна дзейнічае ў свеце і ў нашым жыцці.