Ззяй сваім святлом!Узор

Асноўныя Прынцыпы Паспяховых Адносін

У любых адносінах — з сябрам, сям’ёй, мужам або жонкай ці нават з Богам — існуе два асноўныя складнікі для поспеху: любоў і прыхільнасць паміж людзьмі і праяўленне гэтай любові ў дзеяннях.

Сапраўдная любоў заўсёды праяўляецца ў дзеяннях; сапраўдны сябар заўсёды адгукнецца на патрэбы іншага. Гэта датычыцца і нашых адносін з Богам: сапраўдная любоў да Бога праяўляецца ў дзеяннях, бо праз іх мы уплываем на жыцці людзей вакол нас і радуем гэтым Бога.

Умацаванне нашых адносін з іншымі пачынаецца з умацавання нашых адносін з Богам. Па сутнасці, Бог жадае, каб мы бачылі свае адносіны з іншымі як працяг адносін з Ім. Узгадайце дзве найвялікшыя запаведзі, агучаныя Ісусам:

«…і любі Госпада, твайго Бога, усім сэрцам тваім, і ўсёю душою тваёю, і ўсім тваім розумам, і ўсёю тваёю сілай», — вось першая запаведзь. Другая гэта «Любі твайго блізкага, як самога сябе». Няма іншай запаведзі большай за гэтыя» Марка 12:30-31.

Як вернікі, мы прызваны мець глыбокія адносіны з Богам і будаваць моцныя адносіны з людзьмі вакол, бо менавіта гэта з'яўляецца найважнейшым для Бога — любіць Яго і іншых.