1-2 Фесаланікійцаў: 4-Дзённы План ЧытанняУзор

Павел заканчвае другое пасланне да фесаланікійцаў просьбай маліцца за яго і яго каманду. Ён просіць маліцца, каб пасланне Ісуса працягвала распаўсюджвацца праз іх служэнне і каб Бог уратаваў іх ад злых намераў іншых. Далей Павел звяртаецца да Бога з просьбай умацаваць і абараніць фесаланікійцаў. Ён моліцца, каб Бог накіраваў іх сэрцы да любові адзін да аднаго і дапамог вытрымаць новыя выпрабаванні. Павел упэўнены, што Бог адкажа на яго малітву.

Затым Павел вяртаецца да праблемы, аб якой згадваў у першым пасланні. Некаторыя члены супольнасці фесаланікійцаў былі настолькі шчодрымі, што іншыя пачалі выкарыстоўваць іх, адмаўляючыся працаваць і забяспечваць сябе. Павел кажа ім аддзяліць і не падтрымліваць тых, хто злоўжывае шчодрасцю іншых.Каб не абцяжарваць нікога, Павел самастойна зарабляў на жыццё, пакуль быў сярод іх. Ён рабіў гэта, каб падаць прыклад не толькі лянівым, але і шчодрым. Лянівыя павінны стаць больш працавітымі, а шчодрыя — навучыцца разумець, калі іх дапамога перашкаджае іншым стаць руплівымі (і ў будучыні шчодрымі) працаўнікамі, як таго хоча Бог.

Паслядоўнікі Ісуса павінны быць працавітымі і шчодрымі. Такi прыклад паказаў Павел сваім вучням, і менавіта такому прыкладу нас вучыў Ісус. Падчас сваіх маладых гадоў Ісус працаваў цясляром і забяспечваў сваю маці. Служэнне бедным, хворым, галодным і апантаным знясільвала і стамляла Ісуса. І хоць мы звычайна не называем катаванні і крыжаванне Ісуса "працаю", без Яго намаганняў і трываласці мы не мелі б доступу да вечнай шчодрасці Бога.

Больш важнай за ацаленні, якія выконваў Ісус, была Яго найвялікшая праца на крыжы, каб мы маглі стаць часткай Божага Царства і атрымаць вечнае жыццё. Там, на крыжы, праца Ісуса прынесла Божую шчодрасць усім людзям. Дзякуючы Ісусу, мы атрымліваем права на ўсе багацці Божага Царства. Нам варта працаваць, каб дапамагаць іншым, але не для таго, каб зарабіць Божае дабраславенне і жыццё вечнае — Ісус ужо ўсё зрабіў для нас. Раз мы збаўлены дзякуючы цяжкай працы Ісуса, мы павінны быць шчодрымі і руплівымі да іншых.

Мая малітва ў тым, каб Святы Дух адкрыў табе Бога, які вучыць свой народ жыць шчодра. Няхай Ісус адкрыецца табе як Той, хто сваёй працай заваяваў для цябе месца ў вечным Царстве.