21-дзённы постУзор

Гэта адзін з найуражальнейшых аповедаў у Бібліі. Магчыма, ты некалі апынаўся ў абставінах, накшталт тых, у якіх апынуліся гэтыя тры хлопцы - калі факты былі супраць праўды. Факты сьведчылі, што яны парушылі закон; што належнае пакараньне - сьмерць; што Навухаданосар быў наймагутнейшаю асобаю ў сьвеце; што агонь быў гэтакі гарачы, што пазабіваў вартавых, якія былі побач; што яны павінны былі або пакланіцца, або згарэць. Кропка. Але праўда была супраць гэных фактаў, і хлопцы ведалі тую праўду. Праўда была такая: альбо Бог збавіць іх, альбо яны дабраахвотна памруць у Яго на службе. Праўда такая: Божы Сын хадзіў зь імі ў полымі. Якія факты твайго жыцьця выступаюць супраць Божае праўды? Аднясі тыя факты да Бога ў малітве і адважна вер, што Бог будзе з табою ў вагні.