Найважнейшае рашэньне ў вашым жыцьці!Узор

«Збаўленьне: Божая частка ды вашая частка»

Вашае збаўленьне злучае два важныя рашэньні. Першае рашэньне – гэта рашэньне, якое Бог прыняў даўно: паслаць Свайго Сына ў гэты сьвет у якасьці нашага адзінага Збаўцы. Другое рашэньне – гэта вашае рашэньне ўважыць Ягонага Сына за ВАШАГА Збаўцу.

«Бо ласкаю вы збаўленыя празь веру; і гэта не ад вас – Божы дар: не праз учынкі, каб ніхто не хваліўся». Эфэсцаў 2:8-9

ЛАСКА – гэта незаслужаная ды незаробленая паслуга. Ласка ёсьць Божай часткай у працэсе збаўленьня, і Ён дае чалавецтву ласку ў форме дасканалага падарунку – Ісуса Хрыста. Праз крыж Ісус цалкам аплаціў спагнаньне за нашыя грахі. І праз Ісуса, Які ўвасабляе Божую ласку, ад нас не патрабуецца аніякая колькасьць добрых учынкаў, і мы ніколі ня здолелі б за тое заплаціць. Мы ня можам зарабіць збаўленьне; яно зьяўляецца бясплатным падарункам, даступным для ўсіх, і ад нас не патрабуецца аніякага плацяжу за яго.

ВЕРА – гэта знак таго, што нешта існуе, нягледзячы на тое, што да яго немагчыма фізычна дакрануцца або ўбачыць фізычнымі вачыма. Вера ёсьць неабходнай дзеля нашае часткі ў збаўленьні. Добраахвотна празь веру мы абіраем скарыцца Богу, робячы Ісуса Валадаром нашага жыцьця. Калі вы прымаеце верай Божую ласку праз Ісуса Хрыста, то вам бясспрэчна й безумоўна гарантуецца вечнасьць у нябёсах з Богам. Вы можаце быць упэўненымі ў гэтым на 100%!

І хоць мы ня можам зарабіць збаўленьне праз нашыя добрыя ўчынкі, усё ж яны адыгрываюць важную ролю ў нашым хрысьціянскім жыцьці пасьля таго, як мы прымаем Ісуса.

«Бо мы – Ягоныя стварэньні, створаныя ў Хрысьце Ісусе на добрыя дзеі, якія Бог быў назначыў нам выконваць». Эфэсцаў 2:10

Бог мае асабістае прызначэньне для кожнага з нас, і ягоныя дэталі застаюцца, пераважна, паміж Богам ды вамі. Але Бог таксама мае агульнае прызначэньне для кожнага са Сваіх дзяцей, і яно заключаецца ў тым, каб мы дэманстравалі нашую веру праз добрыя ўчынкі. Калі мы тое робім, то мы выконваем важную частку Божага пляну на нашае жыцьцё і маем прывілей дзяліцца Ягонай любоўю зь іншымі. Збаўленьне зьяўляецца як пачаткам, так і канцом, і яго варта сьвяткаваць. Вы новае стварэньне, зьмененыя назаўжды!