Вампіры ва ўзаемаадносінахУзор

Уладныя людзі

Уладныя людзі, крытыканы, крывадушнікі, патрабавальныя людзі; чаму нам падаецца, што яны — сапраўдныя вампіры? Магчыма таму, што яны крышку імі і зьяўляюцца.

Паразважайце над гэтым. Калі ўзаемаадносіны з гэткімі людзьмі могуць смактаць з вас жыцьцё, тады…думаю, што вы разумееце.

Але ж чакайце. Калі адзін арганізм шкадліва жыве за кошт другога, такая зьява ў навуцы называецца паразытычнымі адносінамі. Так, гэта несправядліва і няправільна, але ж гэта ўсё адно завецца адносінамі. Ці бачыце, на што тое намякае? Каб узаемаадносіны існавалі, патрэбныя два жывыя арганізмы. Адзін зь іх бярэ, а другі неяк дае.

Менавіта тое і адбываецца ў некаторых узаемаадносінах. Адзін чалавек нешта бярэ, тым часам другі чалавек нешта дазваляе.

Гучыць даволі проста, але калі вы знаходзіцеся ў такіх адносінах, тое можа вельмі бянтэжыць і балець. Нехта прымае ўсе рашэньні ці заўсёды скарыстоўвае ўсе зручныя выпадкі. Колькі б вы не давалі, ім усё роўна замала. Магчыма, яны выкарыстоўваюць сэкс, сілу, грошы або віну, каб атрымаць тое, чаго яны жадаюць. Магчыма, яны робяць усё для ўсіх навокал, бо яны жадаюць, каб усё было зроблена “правільна”, але не разумеюць, што тое прыніжае садзейнічаньне іншых. Можа, яны — муж, жонка, начальнік ці начальніца, якія размаўляюць, выкарыстоўваючы пераважна пасіўна-агрэсіўныя ці папросту агрэсіўныя пагрозы. Магчыма, як і большасьць з нас, вы самі калі-колечы ператвараецеся ў чалавека, што прагне кантраляваць сябе ды іншых.

Перапынецеся тутака на хвілінку. Глыбока ўздыхнеце і памалецеся:

Ісусе, зь любоўю пакажы мне тыя адносіны, у якіх я нездарова нешта бяру ці дазваляю. Дай мне моц ды мужнасьць пачаць шлях да аздараўленьня і свабоды. Амін.

Ці маеце вы тэндэнцыі да кантраляваньня іншых? Папрасеце дапамогі ў людзей, якім вы давяраеце. Вы ж памятаеце, што Бог нярэдка дзейнічае праз узаемаадносіны? Паразмаўляйце пра гэта са сваім мужам, жонкай, сябрамі, і падумайце, ці варта пагаварыць аб гэтым з дараднікам. У вас напэўна ёсьць нейкі боль, які Бог жадае вылечыць. Магчыма, што вас нейкі час кантралявалі, і гэта было балюча.

Ці можа вы дазваляеце іншым кантраляваць вас?Пагутарце зь людзьмі, якія паказваюць сябе трывала жыватворнымі і надзейнымі. Калі вы знаходзіцеся ў бясьпечнай сытуацыі з чалавекам, які кантралюе вас, то паразмаўляйце зь ім ці зь ёй, і ўсталюйце межы. Калі трэба, запрасеце да размовы яшчэ кагосьці, хто мог бы дапамагчы. Калі вас гвалтуюць фізычна ці эмацыйна, неадкладна паведамеце аб гэтым дарадніку, пастару, ці ўладам.

Вывучыце наступнае на памяць і прыгадвайце, калі ёсьць патрэба:Хрыстос вызваліў нас, каб мы былі свабоднымі.