KASAUKAN 4
4
I Kain am i Abil
1I Adam pana parulug boo ri Awa, andu' nano am kaapang io boo. Ginio ra paganak io sangulun anak ungkuyon am indagu, kono, “Mabaya' ra indangan ru Tuhan nokoowot aku sangulun anak ungkuyon.” Anak no ininggalanan ri Kain. 2Kalo nabuoi ragili, paganak poyo i Awa sangulun anak ungkuyon ondo' ininggalanan ri Abil. Io nasauk ra magagalung ra domba am i Kain nasauk ra magitanom. 3Kukula' buoi raiti, nangalap i Kain ra kukula' ampos ru kandoi nali koson pataakon no ra Tuhan. 4 I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano, 5kaa' kalo naansayan Io ri Kain am taak nano. Ginio ra siminangit kaga' i Kain am kiminarus io toojo. 6Indagu boo Tuhan ri Kain, kon Nano, “Kua kia guat sangit kou? Am kua kia guat karus bulos muno? 7Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”
8 Indagu boo i Kain ra boborok nano, i Abil, “Ongoi to ra umo.” Pakasaboi ilo ra intok no, gabuo' ri Kain boborok nano am potoyo' no.
9Pangkuot Tuhan ri Kain, kon Nano, “Ati i Abil, boborok muli?” Taam i Kain, “Kalo nakapandai aku. Atan, alungin ku ayuk kia boborok kuno?”
10 Indagu boo Tuhan, “Kua kia baalo' mu baal makalalaa' ti? Raraa' ru boborok muno nampalaa Raki' intor ra tana', koson ra bolos ondo' mampalaa makitaak ra pakimasian. 11Ginio ra inulas kou saboi kalo boo makapanangumo kou ra tana'. Sinosop ru tana' no raraa' ru boborok muno ilain koson ra ginaal no kabang mangapu ra raraa' ru boborok muno paat okou namatoi riso. 12Amon ru mangkinam kou pana magitanom, tana' ti kalo mapasalula' ra ampos; masauk kou ra sangulun tumanggau ayuk am kolondo' intok muno ra tana' ti.”
13Indagu boo i Kain ra Tuhan, “Ukuman ti maagat nai kaga', kalo makasaan aku. 14Paugaron Mu aku ra tana' ti, am intor ra saang Muno. Masauk aku boo ra sangulun tumanggau ondo' kolondo' intok ra tana' ti am potoyon aku ru osoi ayuk makatuum raki'.”
15Kaa' indagu Tuhan, “Kalo. Amon ru potoyon kou, tulu' ngaulun am makaaya' ondo' mampatoi rirun no potoyon niayuk koson pambalos no.” Tuhan pana nangani' boo ri Kain ra tatandu' maa' raginio osoi ayuk makatuum riso kalo boo potoyon io. 16Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.
Papag ri Kain
17I Kain am andu' nano nokoowot ra anak ungkuyon ondo' ininggalanan ri Ginok. Nambaal boo i Kain rondo' bandar am inggalani' no bandar no sumugut ra inggalan ru anak nano. 18Anak ri Ginok ininggalanan ri Irad. I Irad pana makaanak ininggalanan ri Miguyail. Pakaanak i Miguyail am i Mitusail. Pakaanak i Mitusail am i Lamik. 19I Lamik ti mokoondo' ruo andu', inggalan nilai i Ada am i Jila. 20Anak ri Ada ti am i Jabal, am papag ri Jabal ti noyo nasauk ra bansa' ondo' manambiag ra bibiag am niayuk mayan ra kim. 21Boborok no ininggalanan ri Jubal, kinamatuaan ru ngaangai' ondo' makatanda' ra pangkulian ru kulintangan am suling. 22I Jila makaanak ondo' ininggalanan ri Tubal-Kain, kinamatuaan ru ondo' makatanda' toojo mambaal ra mansalinut kakamot intor ra gangsa' am basi'. I Naama boborok ruandu' ri Tubal-Kain.
23Indagu i Lamik ra karuruo andu' no, “Ada am Jila, iningo' ragu kutu! Namatoi aku ra sangulun tuu'-bagu sabap nangimbolo' io raki'. 24Ginio ra amon ru tulu' ngaulun potoyon koson pambalos ra ulun ondo' mamatoi ri Kain, tulu' ngoopor am tulu' ngaulun potoyon amon ru potoyon aku.”
I Sit am i Inos
25I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit. 26I Sit makaanak ungkuyon ondo' ininggalanan ri Inos. Paat ragitio noyo ulun tumalimpuun manabit ra inggalan ru Tuhan paat ra ilo sumamba.
Цяпер абрана:
KASAUKAN 4: TMT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Hakcipta © Bible Society of Malaysia, 2013.