Acts 16
16
1A Paul a mshkè a kokwar Derbe a Lystre. Na haha gol Yèsu ngiƋè a zhè, nzlembaƋ na Timothèe, kra ngwoz Juif man a nco Yèsu a ndav na. Bab nenga'a ndo Grec. 2Labar ma nenga'a amba a sam kramamhi te Lystre, a Icone. 3Paul a woya, aman nenga'a a Ƌè a vna, a nco, a n'ngela na ngwon, a géƋ ndohi Juif man ta zhè a sama'a, aman tèlèba ta suna, bab nenga'a ndo Grec.
4Aman to do a kokwar, kokwar, ta fa ta ma a gèƋ a ndohai, aman ta jèjèr ma man ndohi sak a ndohi nhala'a te kokwar Jérusalem ta va ta. 5A mpi ndohi Zhiklè tèlèba ta ngots wuƋai te ncè-a-ndav, a ndohi ta shkè na va, a va, a nciƋ sam a nciƋ sam.
6A ta bozl ndev Phrygie, a Galatie. Aman Mèzhèɓ Zhiklè a mva ta civèƌ ɓai, aman ta nju ma Zhiklè te Asie. 7Aman ta shkè a Mysie, ta woy a ta bèzlè ndev Bithynie; aman Mèzhèɓ Yèsu a mva ta civèƌ ɓai. 8Gar haha to do auda a tsagi Mysie, a ta shkèhai a kokwar Troas. 9A nshunè a nkeƌa Paul a vaƌ, a nrka ndo Macédoine ngiƌè, nzlatsa, a ntsi rai, a gaƌa:
Washkè auna a Macèdoine, a ka takaha nga!
10Mrke nshunè ma, nga slambaƌa, a ngo do Macèdoine tsam tsam, aman nga suna, a vava, Zhiklè a baba nga, aman nga Ƌè a nga njè ma mbela'a te pa.
11A nga jèkeda kokwar Troas, a ngo do acivèƋ ndul ndula'a a kokwarSamothrace. Te mangoslèma'a a kokwar Néapolis, 12te pa a kokwar Philippes, mbìa nenga'a te Macédoine tèlèba, kokwar sojè.
13A nga nza a kokwar sa m'mèn kètè. A pats nshèk va, ngo do auda a ma kokwar, a ma iyam mbia'a, aman nga hur sam nîsi rai, a nga nzahai. A nga gaƋa ta ngwozai, man ta ɓica a pa ma. 14A ngwoz ngiƋè man a gi zlau Bi Zhiklè, nzlembaƋ na Lvdie, ngwoz mprè maslaka, ie kokwar Thyaíire, a ntsena"a. A Bi Zhikle a mwina ndav na, aman a fa na zlembaƋ a ma Paul. 15A nenga'a, a gi nenga'a tèlèba ta gu baptême, a ntsa nga rai, a ngaƋa:
Aman kin rkayè ara ngwoz man a nco Bi Yèsu a ndav, sèi kin shkè a gi ga, a kin nzi a pa.
A ngu mbuh mbuh. 16Aman ngo do a sam ntsi rai, nga zlü gèƋ a ngwoz, ɓèl ngiƋè, mèzhèɓ ambaɓia'a man a hodko ma, a ga na. A nhelka ta suli gani a babgihi na kumba, a géƋ nhèƋè ma nenga'a. 17A sam tèlèba a ndzadzarka nga, nga a nda Paul, a ngoƋ a wuƋai:
Ndohi haha ɓèlèlihi Zhiklè te géƋè'a, man ta njè kinè civèƋ m'mbel ndo!
18A ngu arsa m'mèn kumba. A skwi haha a ndza na a ndav a Paul, a n'ngwoda ma a deɓa, a ngaƋa na mèzhèɓ ambaɓia sa:
I gaƋa ka a ma staƋ, a nzlembaƋ Yèsu Kristi: Do auda te nenga'a!
A nasa nasa mezheɓ a njèkeda. 19Aman babgihi nenga'a ta rka, suli gani tenga'a a nze na, ta co Paul a Silas, a ta ngazl ta a sam ncèmma, a sam ndohi mbibihia'a. 20A to do a sam bihi sojè, a ta gaƋa:
Ndohi haha ta dzakaɓa kokwar nga, tenga ndohi Juif, 21a ta njè maya nshèffè, man nga, ndohi Rome, nga slaha a nga cè'a a nga gia ɓai.
22A ndohi ta gu ndav a géƋ tenga'a, a bihi sojè ta kuratsa maslaka tenga'a a ta gaƋa, aman ta ndah ta a mènèwèd. 23Aman ta ndah ta ma, ta pe ta a gi dangai, a ta gaƋa na ndo mɓer dangai, aman a ɓer ta mbelembela. 24A ndo mɓer dangai a mpe ta a gi dangai nt'hwaƌa'a, a mpa ta shèla a sak. 25A géƋ vaƋ, Paul a Silas ta tsu rai, a ta slu dimèsh nslébèrƋè Zhiklè. A ndohi dangai tèlèba ta tsena'a.
26A nasa nasa herkeda a gudzai, a verzi gi dangai a gudzai, a ntamagihai ta win ta, a cèlèlèu ndohi dangi ta wush ta hai. 27Aman ndo mɓer dangai a mpiƌèkwe na, a nrka ntamagi dangai mwinèa, a mpho gwèsh, a woya a nzli da'ai na, a nhur ndohi dangai tèlèba ta hu ta. 28Aman Paul a mbaha na a wuƋai, a ngaƋa:
Ka lama na va ngaya ɓai, nga tèlèba nga zhè!
29A ndo mɓer dangai a ndzhoƋo vogwa, a mhu a pa, a ngudzai, a nkalahi a deɓ sak Paul a Silas, 30a nde ta auda, a ngaƋa:
Bihi ga, i gi be kè, aman i mbél ga?
31Ta gaƋa:
Co Bi Yèsu Kristi a ndav ngaya, a ka, a gi ngaya kin mbel kinè.
32A ta ngra na ma Zhiklè, a nenga'a, a ndohi tèlèba man ta zhè te gi na. 33A vaƋ sa, a nasa nasa a nhel ta a sam na, a mpana ta sam man ta ndah ta a pa murmura'a, a ngau bapteme a ndohi nenga'a tèlèba. 34A nde ta a gi nenga'a, a mva ta skwi n'ndai, a ta wuffè a ndohi gi nenga'a tèlèba, a géƋ man a nco Zhiklè a ndav na.
35Aman sam nciƋa ta, bihi sojè ta zlinde ta sojèhai, a ta gaƋa: 36Vapre ta ndohi sa! A ndo mɓer dangai a n'ngra na ma haha a Paul:
Bihi sojè ta zlündo ndo, aman kin pra'a. Anai vodo a gumai!
37Aman Paul a ngaƋa ta:
Ta ndah nga a mènèwèƋ ambalai a sam di ndohi tèlèba, ta ga kita ɓai, nga ndohi Rome, a ta pe nga a gi dangai, a ta woy a ta pre nga a metsar Ƌè? Az arsa ɓai! Sèi ta shkè a ta de nga auda a ri ta.
38A sojèhi ta ngra ta ma haha a bihi sojè. A ta gu zlau, aman ta tsena'a, ta ndohi Rome. 39A ta shkè, a ta bid ta, a ta de ta auda, a ta tsu rai, aman ta jèkeda kokwar. 40A to do auda te gi dangai, a to do a gi Lydie. Aman ta rka kramamhi ta, a ta bid ta ma, to do ta.
Цяпер абрана:
Acts 16: MAFNT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mofa New Testament © The Bible Society of Cameroun, 1989