Medheteththa Maxaafa 2
2
1Salo bollanne sa7a bolla dizay wuri hayssaththo oosetti polettides. 2Xoossi ba ooththida ooso usuppunththa gallas polidi ba ooththida ooso ubbaafe laappunththa gallas shempides.#Ib 4:4,10 3Qasse Xoossi laappunththa gallassaa anjjidessinne dumma gallas ooththides; ays giikko Xoossi ba ooththiza ooso wursidi shempiday he gallassanna.#Kessa 20:11 4Saloynne sa7ay medhettiday hessa malanna.
Edene Gannate
GODAY sa7anne salo medhdhida wode, 5sa7a bollan maatay, miththi, ay miishshika mokkibeenna; ays giikko GODAY ira bukisibeenna; qasse biitta ooththiza asikka medhettibeenna. 6Gidikkoka haaththi biittafe pude maacotti kezidi biitta ubbaa irxxisees. 7Hessafe guye GODAY biittafe issi as medhdhidi iza siidhen de7o shemppo punnin addezi shemppora dizaade gidides.#1Qoro 15:45#2:7 As guussi Ibraaweta qaalan, «Addaame» geetettees; «Addaame» guussi, «Biitta» geetettees; he nam7u qaalati issoy issaa misateettes.
8Kase GODAY arshey mokkiza baggara Edene geetettizason lo7oso giigsidi ba medhdhida addeza heen woththides. 9GODAY xeellanaas lo7iza, maanaaska mal7iza dumma dumma qommo mith biittafe mokisides; Edene giddon de7o immiza miththi dees; hessaththoka lo7onne iita erisiza mith woththides.#Ajju 2:7; 22:2,14
10Gannate ushshiza shaafa haaththi Edeneppe goggees. Edeneppe kezidaappe guye, oyddu shaafa gidi shaakettees. 11Koyro shaafaa sunththi Pisoone; Pisooney worqqay diza Hawila geetettiza biittaa yuusho ubbaan goggees. 12He biittaa worqqay geeshsha worqqa; qasse al7o shittoynne keehi lo7iza shuchchi heen dees. 13Nam7anththo shaafaa sunththi Giyoone; Giyooney Tophphiya#2:13Tophphiya: Tophphiya gizayssa Ibraawe maxaafay Kuush gees. biitta yuusho ubbaan goggees. 14Heedzdzanththo shaafaa sunththi Xegroose; Xegroosey Asooreppe arshey mokkiza baggara goggees; qasse oydanththo shaafay Efiraaxise geetettees.
15Addezi Edenen ooththana malanne naagana mala GODAA Xoossay iza efi woththides. 16Histtidi GODAA Xoossay addeza, «Edene miththa teera ubbaafe neni maana giikko ma; 17gido attiin lo7onne iita erisiza miththay teerappe mooppa; ays giikko neni izippe mida gallas tumu hayqqana» gi azazides.
18Hessafe guye GODAA Xoossay, «Addezi barkka dizayssi lo7o deenna; tani izas injjetiza maado as medhdhana» gides.
19GODAA Xoossay kase meheta do7ata salo kafota ubbaa biittafe medhdhides; qasse addezi istta ay giidi sunththanakko siyanaas izakko ehiin addezi shemppora diza medheteththata ubbaa sunththida sunththay isttas sunth gidi attides. 20Hessaththo addezi meheta, salo kafotanne, do7ata ubbaa sunththides; gido attiin Addaames injjetiza maado asi beettibeenna.
21Hessa gishshas GODAA Xoossay addeza dhisko dhiskisidi, izi dhiskon dishin iza mille meqeththatappe issaa ekkidi he sohozan asho kunththides. 22GODAA Xoossay addezappe ekkida meqeththaa maccas medhdhidi izo addezakko ehides. 23Ehiin addezi, «Hekko! Ha meqeththaya ta meqeththafe, ha ashoyakka ta ashoppe ekettidaaro; izakka attumasappe ekettida gishshas, maccas geetettu» gides.#2:23 Adde guussi Ibraaweta qaalan «Ish» geetettees; «Maccas» guussi, «Isha» geetettees; he nam7u qaalati issoy issaa misateettes. 24Hessa gishshas asi ba aawaanne ba aayo aggees; ba machcheyra issife dees; istti nam7ay issi asho.#Mato 19:5; Mar 10:7-8; 1Qoro 6:16; Efe 5:31 25Addezinne iza machcheya nam7ayka paxa kallo deettes; gido attiin issay issaas yeellati erettenna.
Цяпер абрана:
Medheteththa Maxaafa 2: GM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The Word for the World International