KEJADIAN 6
6
Jenghat ku Dunia
1Bile manusia ya mula gujengoi ku seluroh dunia ru kekenon kerdor biperyos, 2kekenon Jenang#6:2 Kekenon Jenang: Atao, maklok-maklok ilahi. naineng kekerdor manusia ajeh kemmek. Lalu kekenon Jenang ajeh naijeg kekerdor de naipekenan ya enai. 3Telas ajeh Yahweh Kiurok, “Eng pek Ngbenarkan manusia naisui lei ditehjeh. Enai ajeh sej de mesti dat. Mula ju hunen, umur manusia doh pek lebeh ju 120 tahut.” 4Ku jaman ajeh, ru juga telas jaman ajeh, ku bumi mong gergasi-gergasi de bigelar Nefilim. Enai ajeh kenon-cenok kekerdor manusia de naijeg kekenon Jenang. Enai ajeh pahlawan de kuat ru terkenal ku jaman entem.
5Yahweh Kineng sengoi ku bumi ya ihad jehat ru jap peniker enai selalo jehat. 6-7Kerana ajeh, Kek ihad Kimenyesal ya Kicipte sengoi ku bumi lei Kiurok, “Eng doh Ngpebinasa sengoi de ya Ngcipte ku bumi adeh, ru juga dikdij binatag, cep, ru maklok de cekcip ku kemil tik kerana Ngmenyesal ya Ngbeh dikdij ajeh.” 8Tapi Nuh kipesenang sengik Yahweh.
Kisah Nuh ru Iperingak
9Adehloh kisah sinui Nuh ru iperingak. Nuh ajeh sengoi de kibekelaku benar ku mat Jenang. Pek mong numom pen sengoi ku jaman kek ajeh de dapat betudoh kek bahbeh ma-ma pen senalah. Kek kisui bor ru Jenang. 10Kek mong nik mom ikenon keral. Muh ikekenon ajeh Sem, Ham, ru Yafet.
11Ku mase ajeh, dikdij mai kilek ku bumi naibeh jehat ku mat Jenang, ru jenghat mong ku belok-belok taleh. 12Jenang Kineng dunia ru Kibakek bumi tebeg ya jenghat taleh kerana sinui dikdij sengoi ku bumi jehat.
13Jadi, Jenang Kiurok nu Nuh, “Eng ya Ngbeh keputusan Ngha-pebinasa dikdij sinui de mong. Eng doh Ngbinasa enai ru bumi, kerana bumi tebeg ya jenghat kerana enai. 14Behloh nanek bahtere ha lihek ru peringak hek ju jehuk keras imuh jehuk gofir. Behloh bilek-bilek ku ikateh, ru tampalloh ku ikateh ru iluar bahtere ajeh ya tar supaye teu pek kimuj nu kateh bahtere ajeh. 15Behloh bahtere ajeh begei senukat adeh: Icengreg hodloh 133 meter, ilibar hodloh 22 meter ru iteninggi hodloh 13 meter. 16Behloh pelog ku bahtere ajeh, ru ogloh inyaknak 44 sentimeter ku engkap ipelog ru idinig supaye pinoi buleh kimuj. Pasagloh nanek pintu ku tepi bahtere ajeh ru behloh nik tingkat: Tingkat kerop, tingkat kedue, tingkat ketige. 17Eng doh Ngog beag entoi Ngha-pebinasa dikdij sinui. Dikdij ma de mong ku bumi doh naidat. 18Tapi Eng doh Ngbeh jenanji ru hek. Mujloh nu kateh bahtere ajeh besama ru kenah hek, kekenon hek ru kekenah liknai sekali. 19Enloh binatag ibek ru ikenan ju jap-jap jenis binatag nu kateh bahtere ajeh supaye dikdij ajeh lekat sui besama ru hek. 20Binatag de hod haen ajeh binatag ibek ru ikenan ju jap-jap jenis cep, ju jap-jap jenis binatag, ru ju jap-jap jenis maklok de cekcip ku kemil tik. 21Enloh ru kumpolloh dikdij jenis caknak ha lihek ru ha dikdij binatag ajeh.” 22Lalu Nuh kibeh begei ma de bior ya Jenang.
Цяпер абрана:
KEJADIAN 6: AEH
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.