M. Mattayo 19
19
1NIPO yenzepo Yesu akasile malizu amene aŵa efumako ku Galilaya, echiza ku chitwa cha Yudaya kusilya lila la Yordani; 2naŵo maumba akuru emkonka, naye eŵapozya kulakwa.
3Lomba Afarisayo echiza kwake kumuyezya echiti, Kansi chuwamila muntu amsuzule mkazi wake pa chifukwa chiri chonse? 4Yeve eyasuka echiti, Kansi mkaliyopenda kuti uyo eŵaumba kuyambila pa chiyambi eŵaumba mwanalume na mwanakazi, 5na kuti, Chifukwa choteti mwanalume ni pati aŵasiye awisi na anyina nokumbatilana na mkazi wake; naŵo aŵiri aŵekuŵa muŵili umo? 6Tetyo ntali aŵiri lomba, sembe muŵili umo. Teti chamene Mlungu chechipamikizya pamo muntu asachipatula. 7Ŵeve ŵechiti kwake, Chikomo ni chinji kansi Musa pechipingula kumpa kalata kolekana nomsuzula? 8Enena naŵo, Musa chikomo choyuma mitima kwanu ni pechimzomezyani kusuzula akazi ŵanu, sembe kuyambila pa chiyambi sekwenze teti. 9Nane numnenelani, Ali wonse ati amsuzule mkazi wake, sembe chifukwa cha kayeŵe, nolingula muyake ochita uchende: uyo naye omlingula wamene uyo wosuzuliwa ochita uchende. 10Asambili echiti kwake, Kati mlandu wa mwanalume uli teti na mkazi wake, nte chiweme kulingula. 11Sembe yeve eŵauzya, Ŵonse sangapokere lizu ili, sembe ŵala ŵamene ŵelipewa. 12Pakuti pali ngomwa zyamene zivyalikwa tetyo kuyambila mvumo mwa anyina waŵo: pali ngomwa zitunguliwa na ŵantu: soti pali ngomwa zilitungula zyeka chifukwa chofumu wa kumulu. Wamene okuma kulipokera nalipokere.
13Pamene apo twiletewa kwake tuŵana kuti atusintilile manja ŵake nolomba: naŵo asambili eŵatongomokera. 14Sembe Yesu echiti, Tulekeni tuŵana msatulesya kuza kwangu: pakuti ufumu wa kumulu ni wa toteti. 15Naye etusintilila manja ŵake nofumapo.
16Nipo ŵonani, chite echiza kwake echiti, Msambizi, chiweme ni chinji chinti nichite kuti nikaŵe na moyo wosasila? 17Yeve enena naye, Ni chinji paunikonsha zya chintu chiweme? Alipo umo muweme: lomba kati upangwa kuloŵa mmoyo wosunga matetulo. 18Enena naye, Ŵosyani? Naye Yesu echiti, Usapaya, Usachita uchende, Usapunsha, Usachita untoni wa wenye, 19Wolemekezya auso na anyoko: soti, Womtemwa mwanansi wako nga ni muulitemwera wamwine. 20Uyo mlumbwana echiti kwake, Vyonse ivi nuvisunga: lomba chunisoŵa ni chinji? 21Yesu enena naye, Kati upangwa kuŵa woterama mtima nkoya ukasitisye ivyo vyuli navyo noŵapa akavu, ninga ukaŵe na mpango kumulu: izonikonke neo. 22Sembe mlumbwana akalimvwe lizu echiya wokwinyilila, pakuti enze na chuma chinyinji.
23Naye Yesu eŵanenera asambili ŵake, Lezee numuuzyani, Ni chokosa ku msambazi kuloŵa mu ufumu wa kumulu. 24Soti numuuzyani, Ni chipepu ku ngamila kupula mliso la mnyenda kupula msambazi kuloŵa mu ufumu wa Mlungu. 25Naŵo asambili pechimvwa ezizwa kwene kantu echiti, Nga angapuzumushiwe ni ŵani? 26Yesu eŵalolesya enena naŵo, Ichi ni chosakumika ku ŵantu, sembe kwa Mlungu vyonse ni voyokumika. 27Nipo Petro eyasuka echiti, Ŵonani, seo tisiya vyonse, timkonkani mweo; nga tize tiŵe na chinji? 28Naye Yesu enena naŵo echiti, Lezee numnenelani kuti mweo munikonka, mkuvyalikwa soti kula pamene Mwana wa muntu pati azankale pa chilimba cha mtupo wake, namwe soti mze mnkale pa vilimba kumi na viŵiri kwipingula mitundu kumi na iŵiri ya Israeli. 29Ali wonse esiya mananda kano akwaŵo kano alongosi kano awisi kano anyina kano ŵana kano minda pa mutu pa zina langu azapokere kupasya makumi kumi noloŵa mu upyani wa moyo wosasila. 30Sembe anyinji ŵoyamba azaŵe ŵosalila, naŵo ŵosalila azaŵe ŵoyamba.
Цяпер абрана:
M. Mattayo 19: MA23
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mapangano Alomba © Bible Society of Zambia, 1923.