ปะทมมะกาน 15
15
คำซันญานาก็พูซางเวานึงอับราม
1เบินมูจะไง เยโฮวาเวานึงอับราม เจอก็ออ์นอันโฮมปรูอม เยโฮวาเวาปาย "ไมซูอังกอฮเดอ กึซีอัอดนึงไม ซีเฮะซีกรัวไม ซีตัอออ์นเบินอันเตริวตัอะจอ์ะไม เจอล็างวันคองไมก็ซีเบินอับอะเลอ"
2-3ฮักอับรามบัดเวานึงเยโฮวาปาย "เยโฮวาพูปันนะกะเจาเอย อันเตริวแมนาก็ไมซีออ์นกับอังกอะอะกี อันก็ซีตัอเบินปะโยดอันเตริว พอะกอนอังกอะก็ตัอเบินพาตีนาะ พูนาก็ซีเบินรับมูนม็างคองอังกอะอะไน ก็ปันเอลีเยเซอทาดรับไซคองอังกอะ นาก็ตัอะตีเมืองดามัดกัดอะกีออยะ ไมตุนออ์นอังกอะเบินกอนพาตีนาะ เจอค็านไมซีออ์นอังกอะเบินอะไนเบินอะกีแอน อันก็ซีตัอเบินปะโยดอันเตริวนัง พอะอันมัฮก็ซีอันตรุฮปันซิดคองทาดรับไซคองอังกอะอะไนซัง ๆ"
4เยโฮวาเลิดเวานึงอับรามแอนปาย "ตัอมีน ทาดรับไซพูไนซีตัอเบินรับดัก มูนม็างคองไม ฮักซีปันกอนปะลูอะคองไมเบิม นาก็ซีเบินรับมูนม็างคองไม"
5เจอพูซางก็ปีาอับรามลอฮอัอดปัอะนูอะ เจอก็เวาปาย "ไมตะป็างเฮะเดิว จอ์ะมะลัง ออ์นไมนับเฮะเดอ มันตอ์ลนึงมะลังอะกี กอนเจาคองไมก็ซีอับซำมันตอ์ลปัอะมะลังอะกีออยะ อับจนปายนับตัอกู"
6ซังอังกิอับรามเลิดเจือ เจอเยโฮวาก็ญอมรับอับราม ทือปายอันปันกวยตะน็างญูอนนาก็อันเจือ
7เจอพูซางก็เวานึงอับรามแอนปาย "กึปันเยโฮวา พูนาก็ปีาไมลอฮตาฮเมืองตาฮวีลคองไม ลอฮตาฮเมืองเออ บอนนาก็กวยเคลเดียอัอดอะกี เพือซีมูอบกะแตะอะไนออ์นไม"
8เจออับรามก็เวาปาย "เยโฮวาพูปันนะกะเจาเอย อังกอะซีด็างวิลลาะ ปายไมซีมูอบกะแตะอะไนออ์นอังกอะลึอะเลอ?"
9เจอพูซางก็เวานึงอับรามปาย "กึซีออ์นไมตาะอังกิ เพือซีออ์นไมด็าง ออ์นไมเอดกอนตะแกงตอ์กันนาก็เบินอาญุไปกะมอ แพะตอ์กันนาก็เบินอาญุไปกะมอ เจอแกะกอ์นนาก็เบินอาญุไปกะมอ กับจมตะปัลมูตอ์ อัมปรูอมทังจมนกพิลาบมูตอ์ อะตัอะออ์นกึ" กอพูซางซีออ์นอับรามเอดซัดจุมไนอะตัอะ ก็เพือซีตาะพิทีซันญา ปายอันตุนเวาซัง ฮักพูซางซีออ์นกะแตะอะไนกับอับรามลึอะเลอ 10เจออับรามก็เอดซัดนาก็พูซางเวาอะกีอะตัอะลึ ซัดแตละตอ์อะกี อับรามก็จะปาฮเกิงตาะออ์นปันบาลเกลบ เจอก็อะเลียนอะดอะออ์นละจงนังนึ ฮักจมอะกี อับรามตุนจะปาฮ 11เจอฮาไนก็เบินกะลางนาก็ปัลอีตัอะจีาซายะอะกี ฮักอับรามก็ปูยกะลางอะกีอะดิ
12นึงซวงนาก็อับรามตะกูอัอดเกียะซายะอะกี บัดมะนางแจะซีอันตรุฮเจอ อันก็บายะละแงดก็าก เจออันก็อัมปาวโฮมคูอมกะนำอับอะเลอ นาก็ตัอะจอ์ะอันปุบป็าบ อับรามเลิดอังกอฮอะเลอ 13เจอพูซางก็เวาอะดอะออ์นอับรามด็างปาย "กึซีอะตัองออ์นไมด็างเดอ ปายตอปัอะกอนเจาไมซีเบินดิปัอะอัอดนึงปะเทดกะนอฮ อัอดตีกีอะไลเลิดซีเบินปันทาดคองกวยนึงปะเทดอะกี ซีเบินอัอดตุฮอัอดนะนุฮตีกีจนตัอะ 400 ปี 14-16ฮักบัดแว็ดโปนซัวกวยเจอ อะไลก็ซีเบินลอฮแอน อะไลซีแว็ดปันทาดคองกวยตีกี ฮักกึซีพิพากซาเอดโตดนำ ปะเทดนาก็บังคับออ์นเซือซายอัมไปปันทาดคองอะไลอะกี บัดกอนเจาคองไมซีเบินลอฮดิเจอ อะไลเลิดซีเบินฮนอะปัอะทังโกรกรูอะคองกวยนึงปะเทดอะกีปรูอม เจออะไลซีลับตัอะอัอดนึงกะแตะแทวไนแอน เจอกึซีปูยอะดิกวยอาโมไรนาก็อัอดแทวไน พอะตัอะซวงกีเจอ คูอมซัวคองอะไลก็ซีพิลึกอะเลอ ฮักไมซีตัอโฮมดัก คูอมตุฮคูอมนะนุฮนาก็เซือซายคองไมซีตองตนอัอดนึงปะเทดกะนอฮอะกี ไมซีเบินอาญุญืน ไมซีเบินอัอดซะงบ ซีเบินอัอดจนเทาอะเลอ ไมจังซีกะเจด เจอซบคองไม อะไลก็ซีตุบอะดอะจับเจือ" ซังพูซางเวาอังกิมมเจอ อับรามก็ฮะเมือ
17เจอฮาไน บัดมะนางอันตรุฮ บัดอันกะนำก็ากเจอ อับรามก็โฮมกือเตานาก็เบินระเฮอะอวยฮมูนวย นาก็เบินทังเพียกลอฮ เจออันก็โฮมทังกะบองนาก็บลือก็าก เตากับกะบองอะกี ก็ปัอะพาทะเนซายะนาก็อับรามจะปาฮอะเลียนอะดอะอะกีออยะ 18กอเยโฮวาซีออ์นอับรามเอดซายะอะตัอะจะปาฮ เจอออ์นอันโฮมเตาโฮมกะบองนาก็พาทะเนซายะอะกี ก็เพือซีปันพิทีนาก็ซะแดงออ์นด็างซัดเจนปาย พูซางซีออ์นกะแตะอะกีกับอับรามลึอะเลอ เจอพูซางเลิดเวานึงอันปาย "กึซีมูอบกะแตะอะไนออ์นเซือซายคองไมลึอะเลอ ตังแตอัมเปะดัอะอียิบ จนตัอะอัมเปะดัอะปูด กืออัมเปะดัอะยูเพรติด 19นาก็ปันกะแตะคองกวยเคไน กะแตะคองกวยเคนัด กะแตะคองกวยคัดโมไน 20กะแตะคองกวยฮิดไท กะแตะคองกวยเป-ริดซี กะแตะคองกวยเร-พาอิม 21กะแตะคองกวยอาโมไร กะแตะคองกวยคานาอัน กะแตะคองกวยเกอกาซี ทังกะแตะคองกวยเยบุด กะแตะนุมอะไนกึซีมูอบออ์นไมจนญิ"
Цяпер абрана:
ปะทมมะกาน 15: Bru Bible
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
- Ethnos360