प्रेरित कीताबौ परीचय
कीताबौ परीचय
इसे कीताब लुकै रीक्च हो। इला होचे लहे रीक्च सेछ समाचारकी लगाटार जारी न डाले। इच्यौ मुख्य उदेश्य येशूओ पहीलुङ चेलाकै कुटजाट्न पवित्र आत्मौ अगुवाइ डुपा अनी होखुरीकै “अनी नाखुरीक यरूशलेमाङ, पट्ट यहूदियाङ, सामरीयाङ र पृथ्वीयुङ अन्टीम छेउसम्म ङौ साक्षी छान्ने।” १:८ होसकुङ सेछ समाचार फैलडीया डेयार सेटाक्की हो। इसे ख्रीष्टीयान विश्वासौ प्रचार यहूदीकोलकीङ फैलडीसार संसारौ लागी भरोसा छान्च काट घटना हो। इसे परेस्चकोलाक ख्रीष्टीयानको रोमी राज्यौ लागी टोडफोड राक्च कुसेर खटरा होइन, ख्रीष्टीयान विश्वास चहीँ यहूदी धर्मौ सट्ठा हो डेयार विश्वास याखी डेम रीक्च हो।
प्रेरितकुङ कामकी सोम मुख्य भाकाङ पुङ्की य्होक्ले: (१) येशू स्वर्ग नुङ्रखीङ यरूशलेमाङ सुरु छान्च ख्रीष्टीयान हलचल: (२) प्यालेस्टाइनौ अरु भागाङ प्रचार फैलडीस्च: (३) भुमढ्य सागरौ छेउछाउङ देशकोवाङ र रोमसम्म न प्रचार फैलडीस्च।
इसे कीताबौ मुख्य विषय चहीँ पवित्र आत्मौ काम हो। होसको पेन्तिकोसौ डीनाङ यरूशलेमाङ विश्वासीको लेठाङ शक्तिखाटा राल्हे, मण्डली र अगुवाकोलाक इसे कीताबाङ टान्हाक्च घटनाकोवाङ अगुवाइ जाट्ले र होखुरीककी विश्वासाङ डर्हो खास्ले। सुरुउङ ख्रीष्टीयान सेछ समाचार चहीँ खाल-खालुङ मार्जा-मार्जा धार्मिक उपदेशकोवाङ याम्हने। इसे कीताबाङ रीक्च घटनाकैविश्वासीकुङ जीवन र होखुरीकुङ सङ्गटी मीटाक होसे सेछ समाचारौ शक्ति कुङ्च लेया डेयार टान्हाक्ले।
टुन्छ विषय-सुची
साक्षीयो लागी टयार १:१-२६
(क) येशूओ अन्टीम आज्ञा र प्रतिज्ञा १:१-१४
(ख) यहूदासौ सट्ठाङ चुन्डीच व्यक्ति १:१५-२६
यरूशलेमाङ साक्षी २:१–८:३
यहूदिया र सामरीयाङ साक्षी ८:४–१२:२५
पावलौ प्रचार १३:१–२८:३१
(क) पहीला प्रचार जाट्की व्हाच १३:१–१४:२८
(ख) यरूशलेमाङ छान्च सम्मेलन १५:१-३५
(ग) दोस्रो प्रचार जाट्की व्हाच १५:३६–१८:२२
(घ) तेस्रो प्रचार जाट्की व्हाच १८:२३–२१:१६
(ङ) यरूशलेम, कैसरीया र रोमाङ पावल कैडी छान्च २१:१७–२८:३१
Цяпер абрана:
प्रेरित कीताबौ परीचय: EMGP
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2024 (Active), Wycliffe Bible Translators, Inc. All rights reserved.