Yaɓooda 7
7
Mankõ kɨbo
1Bɨraɓe el Noe an: And kam too kɨbot, ĩ kɨ ngékɨɓe loi tube. Kɨtɔ m'oo ĩ kɨɗabe ĩ de kɨdenesew nomt ku degt kɨ koht'n ɗan 2Ku dãgt kɨkar tube, a i hɔd kɨ roit, bɔw kɨ kõ, girr tanãimɨta, na ku dãgt kɨkar al, a i hɔd kɨroit, bɔw kɨ kõ. 3A i hɔ yelg kɨ dõ tɔ, bɔw kɨ kõ girr tanãimɨta, kɨtɔkad ngomɨn ne kohd dɔningt kɨtaagbe. 4Kɨtɔ nãi ndɔ tanãimɨta be m'a mad ndii ed dɔningt ndɔ dɔsɔɔ kɨ kàd dɔsɔɔ. M'a m'nuj nya kɨ kumkajir kɨɗen kɨ m'ɗa dɔningt kɔ. 5Noe ɗa nyag tube'n Bɨraɓe ndaa mber kad ɗa.
Mankõ kɨbobe
6Ɓal Noe i ɓukɨbojidet lon mankõ kɨbobe ɗe dɔningt. 7Na Noe and kam too kɨbot nat kɨ nganɨn kɨdɨngã kɨ nẽn kɨ nẽ nganɨn kɨdɨngã kɨtɔ kaj rod ta mankõt kɨbobe. 8Ku dãgt kɨkar kɨ kɨkar al, kɨ yelg kɨ nya kɨ kɔd ro kɨɗen 9andɨn joo joo, bɔw kɨ kõ, go Noet kam too kɨbot tit'n Luwah ndan mber Noe. 10Ndɔ kɨtanãimɨta tɔin na man õ ngãi tuw dɔning. 11Lon ɓal Noe i ɓukɨbojidet, kam naht kɨkõjoo kɨ ndɔ kɨkɨlah gidaitanaimɨta lo nah'n non ye, ndɔt'n non mang kɨɓa tube ɓan ko kam holɓet kɨbobe kɨwo kɨɓing, na burrolog kɨ dɔrãt teen rang. 12Ndii ed dɔningt ndɔ dɔsɔɔ kɨ kàd dɔsɔɔ. 13Ndɔt'n non la Noe and kam too kɨbot nat kɨ Sem kɨ Kam kɨ Japet, ngan Noe kɨdɨngã kɨ nẽ Noe kɨ nẽ ngana kɨdɨngã kɨmita nat sed: 14ĩn kɨ dã kɨɗen kɨgo girrat kɨ nyakulg tube kɨgo girrdt, kɨ nya kɨ kɔd ron dɔningt kɨɗen kɨgo girrdt, kɨ yel kɨɗen kɨgo girrdt, kɨ nya kɨ kumkajir kɨɗen kɨ ɓai kɨ bɔgɨn. 15Nyag kɨ kumkajir tube'n kò kumkajir i kamdt ye, andɨn joo joo go Noet kam toot kɨbo. 16Girr dãg kɨɗen, bɔw kɨ kõ, andɨn kam toot kɨbo kɨ Noe, bɔw kɨ kõ, kɨ dã kɨɗen, andɨn tit'n Luwah ndan mbera Noe. 17Mankõ kɨbobe ɔrr lo dɔningt ndɔ dɔsɔɔ, man õ, un too kɨbo kɨ dõ, ad too kɨbo ɓai kɨ dõ dɔ dɔningt. 18Man ɓai, õ ngãi kɨ tɔi dɔningt, na too kɨbo i dɔ mant. 19Man ɓai dɔningt kɨdɔtdɔt kɨdumbit mbã tuw dɔ mbalbog kɨ ngal puwuw kɨgir dɔrãt kɨtaagbe. 20Man tuw dɔ mbalbog kɨ ngal puwuw asɨ metɨr tanãimɨta. 21Nyag kɨ kumkajir tube'n ɔdɨn rod dɔningt oin kɔ: yelg kɨ nyakulg kɨ dãg kɨmut kɨ nyag kɨ kɔd rod kɨ deg tube tɔ. 22Nya kɨɗen kɨ dɔningt kɨ kò kumkajir i bulo kõnat, oi. 23Titbe la nya kɨ kumkajir kɨɗen kɨ dɔningt nuj dɔ det mbã kɨ nyakult, kɨ nya kɨɗen kɨ ɔd ron dɔningt kɨ yelg kɨ dõ, Luwah nujd kɔ dɔningt. Noe kɨ kɨɗanbe nat kɨ ĩgɨn ĩn nat sia la nãin kam too kɨbot ye. 24Mankõ kɨbobe ɗa ndɔ ɓu kɨ dɔmi dɔningt.
Цяпер абрана:
Yaɓooda 7: MlL
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mbai Bible Revision © Bible Society of Chad, 2015.