मत्ती छेम-ल्वा
छेम-ल्वा
ओराम मत्तीका र्याक्तु़म सेलाखाजेम सो़। ओराम खाजेमडा र्याक्मा ल्वाका ङादो आथामङा याचे जेम्डिम खोत्लेलाई सेल्पा ने येशू ख्रीष्ट र्वाक्पा रेम्बु़। माकेम हापा थ ङादो माम्चु़नीका उनीमा त्वाकु मु़चु़ यहूदीमिमगोडा कोले सेल्पा मु़चु़ थु़र्मु र्वाक्साका याचे जेम्डिम बाइडा। गुमीका याचे जेम्डिम होम्साका येशूलाई सु़म्दिसेरडा थु़र्मिडी। मेराम सामा, उहेम सामागोडा येशू गम्डी मा उनीमा त्वारो़म यहूदीमिमकाम कोङङा मेएँ, ओराम जो़पा-सेला ने खोत्ले मु़चु़मिमकाम लागि सो़।
मत्तीका ओराम जो़पा-सेला जो़होमका र्याक्तु़म बु। आसिन्डा येशू गम्डिलो आथाम गुमी सिम्डी मा सिमुलाम बम्गेम्डिम ल्वाकु दुथाम र्याक्मा बु। गुमी गम्डिम, कु-रु़दु़म रम्डिम, उनीमा न-छाम्सी मा गुमीका गालीलडा जो़पा-सेला थो़बेट्मिडिम, सीट्मिडिम मा नो़पा मु़चु़मिमलाई सबेट्मिडिम खारीकु दुथाम वो सो़यु़डु़म बु। गुमी यरूशलेम लम्डिम, मेसिन्डा उनीमा चक्थो़म थारी नुङ गुमीलाई क्रूसडा चेट्मिडिम मा आथावो गुमी सिमुलाम बम्गेम्डिम ल्वा वो सो़यु़डु़म बु।
ओराम जो़पा-सेलाका येशू ने डु़म्ला नुङ पाह्री-किब्दीकु दुथाम सो़मु चापा साखाम ल्वाम्डिम खोत्लेडाम डोक्पु सीपा मु़चु़ र्वाक्ताम बु। उनीमा सीसि ओर्मिम ल्वाकु दुथाम बु:
१) पोप्चङडाम लु़म्ला: पाह्री-किब्दीलाम मु़चु़नुङ दु़म्मु बासिक्पा ल्वामिम, साखामकु दुथाम सो़यु़डु़म बु (अध्याय ५-७)
२) को-न सीसिपामिमलाई जो़पा-सेला थो़बेड्डा थु़र्मीडिम (अध्याय १०)
३) पाह्री-किब्दीलाम सो़म्दीमिम (अध्याय १३)
४) सीसिपामिम र्वाक्मा हाम (अध्याय १८)
५) ओम्लोम थारी नुङ आथावो येशू योमी र्वाक्पा ल्वाकु दुथाममिम सीसि (अध्याय २४-२५)
र्याक्मा ल्वामिम
येशू ख्रीष्ट गम्डिम मा उनीमा दोचो़ १:१–२:२३
कु-रु़दु़म ग्वाक्पा यूहन्नाकु खारी ३:१-१२
येशूका कु-रु़दु़म रम्डिम मा उनीमा न-छाम्सी ३:१३–४:११
येशूका गालीलडा बेम्डिम यु़मखारी ४:१२–१८:३५
गालीलडाम्मा यरूशलेमसम्म १९:१–२०:३४
यरूशलेमडा येशूकु चक्थो़म थारी २१:१–२७:३६
येशू सिमुलाम बम्गेम्डिमा उनीमा सीसिपामिमनुङ रेम्बेसिम्डिम २८:१-२०
मत्ती
Цяпер абрана:
मत्ती छेम-ल्वा: THUL
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Wycliffe Bible Translators, Inc. All rights reserved.