Mataji 7
7
1Mutane ukumuhiga umunu, apo na juńeńe musilahigwa. Lom. 2, 1; 1. Kol. 4, 5.
2Pakuva mwe mukuvahigila uńeńe avangi, valavahigila mumo na juńeńe. Ingelelo, je mukuvagelela uńeńe avanu, je valavagelela jijo na juńeńe. Mal. 4, 24.
3Vwilola ka kiki akabandzi aka mulîho lya mujago, uveve usikwilola ilipanda ilili mulîho lyako?
4Neke kangi vwilonga ndavuli kwa mujago ukuta: ungima tândi, ndikulole akabandi mulîho lyako? Ka ungatala vwilole juve ikipanda ikili mulîho lyako!
5Ve mukedus’ave, ungatala vwihedze juve tândi ilipanda, ilili mulîholyako, neke apo pe ukalole nikibandzi, ikili mulîho lya mujago.
6Ifîmike mutane ukudzisopela imbwa, indzambo dzeńo mutane ukusopela ingubi, ndivwene idzene dzikandagidza nifigaga, neke dzivasedukilage neke dzivakembulage. 10, 11.
7Muńilikage, apo mulanuka; musakulage, apo mulafivona; mukoṅonage kulwidzi, apo muladindulilwa. Mal. 11, 24; Luk. 11, 6-13.
8Pakuva vonda avińilika, ve valanukila; avisakula, valafivona; navikońona palwidzi, valadindulilwa.
9Neke uńeńe pamigendele gyeńo nani umunu, je ipēla umwâna iliganga, ngana ańilike uvugali?
10Kangi pwali nani, je ipēla indzoka umwâna, ngana ańilike isomba?
11Uńeńe ńe vakali, ngana muludzelye pakuvapēla avâna veńo ifinu ifinofu, apo uńeńe udadińu uva kukyâńa alalutidza mbandu pakuvapēla avińilika ukwakwe. Jak. 1, 17.
12Neke lino dzonda, dze mwitigila vavaletelage avanu uńeńe, apo na juńeńe muvaletelage dzidzo; ndivwene lwe lwihigwa kumilagililwe na kuvavidzi lulo. 22, 39. 40; Lom. 13, 8-10.
13Pakwingila mugendelage mumulyango umufińe; pakuva mulegefu umulyangilo, ṅuvango niṅasi, ijilungamye kuluti-pulilo, volofu, avikwingilila jijo. Luk. 13, 24.
14Mufińe numulyango, efińe niṅasi, ijilungamye kuvûmi, vakefu, avakujivona iji. 19, 24; Apos. 14, 22.
15Mwilembage avavidzi avadesi, avikwadza ukweńu vafwete inguvo ja ṅolo, humbi mwjleme mikekeva, igikembula. 24, 4. 5. 24; Apos. 20, 29.
16Mukuvakagulilaga pa dze viveleka. Umunu ijava uvutoṅoni pamigombola? Kangi je nani je ihola isavula pamivajula? Gal. 5, 19-22; Jak. 3, 12.
17Ndivwene gyondaimibiki iminofu giveleka imeke inūnwa. Imibiki imivîfu givelesa ifisinūnwa, 12, 33.
18umubiki umunofu gwiveleka fi finofu na gu inubiki umuvîfu gwiveleka fi fivîfu ndeni.
19Gonda amabiki, agasivelesa ifinofu, galadu-mulwa galasopwa kumôto. 3, 10; Joh. 15, 2. 6.
20Kye ndilesile nigilage: mukuvakagulilaga fye viveleka.
21Mutane ukuta vonda avitigila ukwangu: mutw’ave, mutw’ave, ve valingila mvivutwa vwa kukyâńa, hamu ńe vane, apo avigendela, dze akēlye udada kukyâńa, ve valingila vavo. Lom. 2, 13; Jak. 1, 22. 25; 2, 14.
22Pakigono kila valalonga avolofu valatigila: mutw’ave, mutw’ave, tusivilye mwitavwa lyako? Avademono tusilosehidze mwitavwa lyako? Ińangufu indzolofu tusihambu-hidze mwitavwa lyako? Luk. 13, 25-27; 1. Kol. 13, 1, 2.
23Apo unene ndilavavūla ndilatigila: uńeńe sindi-vakagwe ponu, muhegage apangu apa, ńe vahula-lupunyw’ańe. 25, 41; 2. Tim. 2, 19.
24Neke umunu, je ikugapulika amadzwi gangu aga neke agendelage gago, ujo ndikumuliṅanidza numunu umusugu, je adzengaga ińumba jakwe palutālâvwe. v. 21.
25Neke jitońelage indońa neke lulemukilage nululenga neke lipulage nilibepo, fītagilage kuńumba neke ijene pele jikangye ndesi, ulwa kuva jitotike palutālâvwe,
26neke je ipulika ilidzwi lyangu neke abihile ukugendela lilyo, ujo ndiku-muliṅanidza numunu umupuva, je adzengile ińumba jakwe pamuhanga hela.
27Neke jitońage inońa neke lulemukilage nululenga neke lipulage nilibepo neke fītagilage kuńumba neke ijene ińumba jigwidzage neke jikuna-mukage jonda.
28Neke Jesu avye amalile tikulonga antadzwi aga, neke avene avanu vadzumangage, vatigilage: kwe kudalika kuki inôngwar! Mal. 1, 22; Luk. 4, 32.
29Pakuva umwene asalongaga nde vakagulihâte, umwene alongelaga mwe vutavulilwe. Joh. 7, 46.
Цяпер абрана:
Mataji 7: II
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
New Testament in Bena © Bible Society of Tanzania, 1958.