Genesis 5
5
Ja yintil jumasa ja Adani
1-2Ja Dyosi, sk'u'lan ja winiki, ja'ni jastal ja ye'n, sk'u'lan ja winik sok ja ixuki, jel tsamal yila, ya sb'i'iluk kristyano'il. It b'a ochel ju'un ja sb'i'il ja yintile jumasa.
3-4Ja Adani, cho ajyi pilan skerem wa slaja lek jastal ja ye'n ya sb'i'iluk Set. Cho ajyito tuk yuntikil kerem sok ak'ix. Ja k'ak'u manxi ja Seti, ay yi'oj jun syen jun tajb'e sok lajune jab'il (130). Tsa'an ajyito sak'anil waxake syen jab'il (800). 5Yajni cham ja Adani ay yi'oj b'alune syen jun tajb'e sok lajune jab'il (930).
6Ja Seti, ay yi'oj jo' tajb'e sok jo'e jab'il, (105) ja k'ak'u manxi ja yunin Enosi. 7Cho ajyi tuk yuntikil kerem sok ak'ix. Tsa'an yajni manxita ja Enosi, ajyito sak'anil waxake syen sok juke jab'il, (807) 8Ja yajni cham ja Seti, ay yi'oj b'alune syen sok lajchawe jab'il (912).
9Ja Enosi, ay yi'oj chan tajb'e sok lajune jab'il, (90) ja k'ak'u manxi ja yunin Cainani, 10Cho ajyi tuk yuntikil kerem sok ak'ix, tsa'an yajni manxita ja Cainani, ja Enosi, ajyito sak'anil, waxake syen sok jo' lajune jab'il (815). 11Ja k'ak'u cham ja Enosi ay yi'oj b'alune syen sok jo'e jab'il (905).
12Jaxa Cainani, ay yi'oj ox tajb'e sok lajune jab'il, (70) ja manxi ja yunin Mahalaleli. 13Cho ajyi tuk yuntikil kerem sok ak'ix. Tsa'an, yajni manxita ja Mahalaleli, ja Cainani, ajyito sak'anil waxake syen sok chab' tajb'e jab'il (840). 14Ja k'ak'u cham ja Cainani, ay yi'oj b'alune syen sok lajune jab'il (910).
15Ja Mahalaleli, ay yi'oj ox tajb'e sok jo'e jab'il, (65) ja k'ak'u manxi ja yunin Jeredi. 16Cho ajyi tuk yuntikil kerem sok ak'ix. Tsa'an yajni manxita ja Jeret, ja Mahalalel ajyito sak'anil waxake syen jun tajb'e sok lajune jab'il (830). 17Ja yajni cham ja Mahalaleli, ay yi'oj waxake syen chan tajb'e sok jo' lajune jab'il (895).
18Ja Jeredi, ay yi'oj jun syen ox tajb'e sok chab' jab'il, (162) ja k'ak'u manxi ja yunin Enoki. 19Cho ajyi tuk yuntikil kerem sok ak'ix. Tsa'an yajni manxita ja Enoki, ajyito sak'anil waxake syen jab'il (800). 20Ja yajni cham ja Jeredi, ay yi'oj b'alune syen ox tajb'e sok chab' jab'il (962).
21Ja Enoki, ay yi'oj ox tajb'e sok jo'e jab'il (65), ja k'ak'u manxi ja yunin Matusaleni. 22-24Cho ajyi tuk yuntikil kerem sok ak'ix. Tsa'an yajni manxita ja Matusaleni, ajyito sak'anil oxe syen jab'il (300). Yuj ja jel toj sk'u'an ja Dyosi, jun k'ak'u i'jik'e yuj ja Dyos b'a satk'inal jach' sak'an, tsa'an mixa na'xi ja ye'n. Ja spetsanil ja k'ak'u jumasa janek' ajyi sak'anil ja Enoki, oxe syen ox tajb'e sok jo'e jab'il (365).
25Ja Matusaleni, ay yi'oj jun syen chan tajb'e sok juke jab'il (187), ja manxi ja yunin Lameki. 26Cho ajyi tuk yuntikil kerem sok ak'ix. Tsa'an yajni manxita ja Lameki, ajyito sak'anil juke syen chan tajb'e sok chab' jab'il (782). 27Ja k'ak'u cham ja Matusaleni, ay yi'oj b'alune syen ox tajb'e sok b'alune jab'il (969).
28Ja Lameki ay yi'oj jun syen sok chan tajb'e chab' jab'il (182) ja ajyi jun yunini, 29ja yunin jawi, ya sb'i'iluk Noe, ti yala jastal iti: —Ja Dyosi, mixa lek wax yila ja lu'umi, jaxa yal kerem iti, ye'n oj ya' kulan jk'ujoltik ja b'a ka'teltik sok b'a syajal ja jb'ak'teltiki—. 30Cho ajyi tuk yuntikil kerem sok ak'ix, tsa'an yajni manxita ja Noeji, ajyito sak'anil jo'e syen chan tajb'e sok jo' lajune jab'il, (595). 31Ja k'ak'u cham ja Lameki, ay yi'oj juke syen ox tajb'e sok juk lajune jab'il (777).
32Ja Noeji, ay yi'oj jo'e syen jab'il (500) ja manxi ja yuntikil jumasa iti, Sem, Cam, sok Jafet.
Цяпер абрана:
Genesis 5: YABD
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Sociedad Bíblica de México 2021