Luka 9
9
1Duuba Yesoni jara ufi kud'ani lamaani kaani wolti yaame, jabeennaafi humna jinniini baasaniifi ta d'ukubaani fayyisani kenneefi. 2Jennaani worra erge aka Finna Waaqa odeesani fayyad'abale fayyisani. 3#Luk 10.4-11; Huji 13.51Inni waan worraani jed'e, Woreega karaa imfud'atiina, ulele, subbale, qit'ale, horile, kooti lamale imfud'atiina. 4Mana olduuddani ch'ufa achuma tataa haga kaatani yaataniti. 5Nama isani inulfeesiini, yo dira suni keesaa kaatani, awaara miila iraa d'ad'aad'a, aka akheekha worraa taatu. 6Worri kae olla ch'ufa keesa yayae Odu Dansa odeese, fulla ch'ufati nama fayyise.
D'ind'insa Herode
(Matayo 14.1-12; Mariko 6.14-29)
7 #
Mat 16.14; Mar 8.28; Luk 9.19 Hayyuuni Herode jed'ani waan ch'ufa ka tolchani d'ageennaani guddo d'ind'inse waan nami gari, Yohanani yayu duisa keesaa kae jed'eefi. 8Nami gari, Eliyaani ya mullate jed'e, ammo ka gari, Raagi duri toko yayu duisa keesaa kae jed'e. 9Herodeni waan jed'e, Anini Yohana yayu mata iraa kute, ammo nami anini waan isaa akana d'agayu kuni eennu? Duuba Yeso argu fed'e.
Yesoni nama kunki shani nyaachisa
(Matayo 14.13-21; Mariko 6.30-44; Yohana 6.1-14)
10Ergattuuni gallaani waan ch'ufa ka tolchite Yesoti himte. Inni kobati yaame fulla dira Bethsaida geese. 11Gumiini waan kana d'ageennaani isa gula yaate. Inni worraani, Gadi hiiqa jed'e, waan Finna Waaqa worrati odeese, nama fayya d'abe fayyise.
12Lafti galgaloomnaani jari kud'ani lamaani kaani d'ufe waan jed'eeni, Gumi galchi, aka ollafi reera keesa yaate fulla bultitiifi sagale barbaadatu; wonti akanatiifi nuu armiti alo.
13Ammo inni waan worraani jed'e, Waan nyaatani kennaafi. Worri waan jed'eeni, Nu woma inyaannu, qit'a shanifi qurt'umi lama male. Nuu yaane sagale gumi tana ch'ufa binnu feeta? 14(Nami d'iira ch'allaani haga kunki shani ingaha.) Yesoni waan jara ufitiini jed'e, Shantama shantamaani teteesisa. 15Akasi tolchani, worra ch'ufa teteesisani. 16Yesoni qit'a shanaaniifi qurt'umi lamaani taani fuud'e, gubba olmillate eebise ch'ach'abse jara ufiti kenne, aka gumi gololchani. 17Nami ch'ufti quufe, hamba wolti guurani dadu kud'ani lama guutani.
Petroni, Atini Kristo Yesoni jed'a
(Matayo 16.13-19; Mariko 8.27-29)
18Jennaani ato Yesoni kobati Waaqa kad'atu, jari isaa gara isaa d'ufe. Inni, Biyyiti eennu naani jetti? jed'e gaafate. 19#Mat 14.1-2; Mar 6.14-15; Luk 9.7-8 Worri waan jed'eeni, Nami gari Yohana nama batisu jed'a; ammo ka gari Eliya jed'a; ka garileeni, Raaga duri tokoti duisa keesaa kae jed'a. 20#Yoh 6.68-69 Inni waan jed'eeni, Ammo isani eennu naani jettani? Petroni waan jed'eeni, Atini Kristo ka Waaqa.
Yesoni waan duisa ufi dubbata
(Matayo 16.20-28; Mariko 8.30—9.1)
21Jennaani inni worrati seere, Nama tokoleti dubbi tana inhimina jed'e. 22Ammalle waan jed'eeni, Ilmi Nama aka heddu gaargalu male, jaaroleefi qaalole gugurdofi jari Seera beekhuleeni isa mormate, isa ijeesani, ammo guyya sadeeso kau male.
23 #
Mat 10.38; Luk 14.27 Jennaani inni waan worra ch'ufaani jed'e, Yo nami na gula d'ufu fed'e ha ufi mormate hojja ch'ufa maskali ufi baate na gula deemu. 24#Mat 10.39; Luk 17.33; Yoh 12.25 Wonti akanatiifi nami jireenna ufi baasu fed'u ind'aba; ammo nami naa jed'e jireenna ufi balleesu inargata. 25Maani namaa baati, yo nami waan lafa tana ch'ufa argate ammo ufi balleese ufumaani badu? 26Yo nami tokoleeni anaafi dubbi tiyya dide, Ilmi Namaleeni, gaafa guddinna ufitiifi ka Abba isatiifi ka malaika qulqulloleeni d'ufu, nama suni indida. 27Ammo waan anini d'uguma isaniini jed'u, Jari gari ka arma jiru haga Finna Waaqa ila ufitiini arguti induu.
Jijirama Yeso
(Matayo 17.1-8; Mariko 9.2-8)
28 #
2 Pet 1.17-18 Eegi dubbi tana, haga torbaani toko teennaani, Yesoni Petrofi Yohanafi Yakobo yaame aka Waaqa kad'atani gaara woliini Korani. 29Ato inni kad'atu, bifti isaa jijiramte woyaani isaa addaatte bibilit'e. 30Maro tokotu nami lama gadi mullate isa woliini hasae; worri suni Musafi Eliya. 31Worri guddinnaani mullate waan duisa isaa ka Yerusalemu keesati tahu, woliini dubbate. 32Duuba Petrofi jari isa woliini jiru kaani guddo mugani, ammo kaanaani guddinna Yesotiifi nama lama ka isa woliini ejaanju argani. 33Ato worri isa biraa yau, Petroni waan Yesoni jed'e, Aabbo, aki nu arma jirru dansa. Hoosa sadi mid'aasina; toko kanketi, toko ka Musati, tokoleeni ka Eliyati. Ammo inni waan jed'e, imbeekhu. 34Ato inni akasi jed'u dumansi d'ufe worrati gaadiseese, worri dumansa seennaani sodaate. 35#Isa 42.1; Mat 3.17; 12.18; Mar 1.11; Luk 3.22 Qonqooni dumansa keesaa baate waan jette, Kunini Ilma kiyya, ka anini fohad'e; isa ch'aqasa. 36Eegi qonqooni dabarte Yesoni kobati hafe. Worri ch'allise, bara suni ch'ufa waan argani suni nama tokoleti inhimne.
Fayyisa gurba jinni qabu
(Matayo 17.14-18; Mariko 9.14-27)
37Boriyya gaara iraa buunaani gumiini guddooni Yesoti baate. 38Nami toko gumi keesa iti lalabe waan jed'eeni, Aabbo si kad'ad'a kooti ilma kiyya takacha anini qabu ilaali. 39Yo jinniini ira galtu inni iniya; ammalle isa hargufti haga inni afaaniini homachauti, duuba yoosu illakiftu haga isa gaargalchituti. 40Anini jara kanketiini, keesaa baasa jennaani dad'abani. 41Yesoni waan jed'eeni, Ee, d'aloota daallicha ka woma ind'ugefanne, anini ganna hagami isani woliini tae obsu male? Ilma kanke armaani kooti. 42Ato inni d'ufu, jinniini lafaani isa d'oofte hahargufte. Ammo Yesoni jinni hamtu suni d'owe, gurba fayyise abba isati deebise. 43Duuba akasiini nami ch'ufti waan humna Waaqa arge maadefate.
Yesoni ammalle waan duisa ufi dubbata
(Matayo 17.22-23; Mariko 9.30-32)
Ammo ato nami ch'ufti waan inni tolche maadefatu, Yesoni waan jara isatiini jed'e, 44Dubbini tuni gurra keesani keesa ha seentu! Ilma Nama harka namati kennani. 45Ammo worri dubbi tana inhubanne wonti akanatiifi waan kana ya worra dura d'ossaani, aka worri dandae inhubanne, worrileeni waan dubbi suni Yeso gaafachu sodaate.
Akheekha ufi diqeesa
(Matayo 18.1-5; Mariko 9.33-37)
46 #
Luk 22.24 Jennaani worri nuu kana keesa eennuti gudda? jed'e wolmorme. 47Ammo Yesoni herega garaa worraa arginaani daima toko fuud'e ufi bira teesise, 48#Mat 10.40; Luk 10.16; Yoh 13.20 waan worraani jed'e, Nami daima kana maqa kiyyaani jabeesu ya nale jabeese; nami naa jabeesu ch'ufti ka na erge jabeesa. Wonti akanatiifi nama isani keesa ch'ufa ira diqaati isani ch'ufa ira gudda.
Nami isaniini imorkine goli teesani
(Mariko 9.38-40)
49Yohanani waan jed'eeni, Aabbo, nama toko ka jinni maqa kanketiini baasu argine, duuba isa d'owine maro inni nama keenna intahiiniifi. 50Ammo Yesoni waan jed'eeni, Ind'owiina, wonti akanatiifi nami isaniini imorkine goli teesani.
Ollaani Samaria toko Yeso dida
51Guyyaani inni gubbati galu d'iananaani Yerusalemuti fuula deefate. 52Nama ufi dura erge, ka deeme olla Samaria toko seene fulla isaa mid'aasu. 53Ammo biyyiti isa dide maro inni Yerusalemu deema kaefi. 54#2 Hay 1.9-16 Duuba jari isaa Yakobofi Yohanani waan kana arginaani waan jed'ani, Aabbo, aka nu ibida gadi yaamne worra kana ch'ufa balleesinu feeta? 55Yesoni garagale worra gorse, 56olla d'ibiti dabrani.
Waan worri sila Yeso gula deemu
(Matayo 8.19-22)
57Ato kara yaanu, namichi toko waan Yesoni jed'e, Fulla atini deemtu ch'ufa si gula deema. 58Yesoni waan isaani jed'e, Geedalti boola qabdi, simpirreeni gubbaleeni mana qabdi, ammo Ilmi Nama fulla mata ufi keyatu inqabu. 59Inni waan nama d'ibiini jed'e, Na gula kooti. Ammo inni waan jed'eeni, Aabbo, eegi, qara d'aqe abba kiyya awaala. 60Yesoni waan jed'eeni, Reefi ha reefa ufi awaalatu; ammo atini deemi Finna Waaqa odeesi. 61#1 Hay 19.20 Nami d'ibiini waan isaani jed'e, Aabbo, anini si gula deema; ammo eegi, qara nama mana kiyya jiruti nagaya d'aamad'a. 62Yesoni waan isaani jed'e, Nami harka ufi ginda ira kaye ufi duuba millatu tokoleeni Finna Waaqaati himmalle.
Yesoni jara torbaatama erga
Цяпер абрана:
Luka 9: BOR
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Borana Bible © Bible Society of Kenya, 2019.