KEJADIAN 5
5
Adamen ondohowonen ondohowon fahet ibag ane
1 #
Kej 1:27-28; Mat 19:4; Mrk 10:6 Adamen ondohowonen ondohowon ununuk suwesingga tu fam haharoho imbibag. Allahn ap wal eneptuk lit inggareg ahuhe wirim toho wal enepfag. 2Aren ap eke, hiyap eke wal enepfag. Wal enepfareg inineyap eneptuk lit hununuk Ap#Ap: Ibrani enele fam unuk Adam ino men ap urukon men ambi reg. ulug suwal enepfag. 3#1Taw 1:1-4Hun Adam wal tibag sali mo ilig am wirig am turukmen teng uhan 130 atfagma amloho eke inggareg ubabut men ahuhe men wirim toho indag tibag. Indag tibareg unuk Set#Set: Kej 4:25 yet homok! suwalfag. 4Welatfareg ap umaliket hilani umaliket indag enepfag. 5Indag enepfareg mo ilig am wirig am turukmen Adam ino mondabi sabal 930 atfareg war atfag.
6Hun Set indag tibag sali mo ilig am wirig am turukmen teng uhan 105 atfagma amloho Enos indag tibag. 7Welatfareg ap umaliket hilani umaliket indag enepfag. 8Indag enepfareg mo ilig am wirig am turukmen Set ino mondabi sabal 912 atfareg war atfag.
9Hun Enos indag tibag sali mo ilig am wirig am turukmen teng hinahanen nubam hilag 90 atfagma amloho Kenan indag tibag. 10Welatfareg ap umaliket hilani umaliket indag enepfag. 11Indag enepfareg mo ilig am wirig am turukmen Enos ino mondabi sabal 905 atfareg war atfag.
12Hun Kenan indag tibag sali mo ilig am wirig am turukmen teng pirenman nubam hilag nisanggo fumahen 70 atfagma amloho Mahalaleel indag tibag. 13Welatfareg ap umaliket hilani umaliket indag enepfag. 14Indag enepfareg mo ilig am wirig am turukmen Kenan ino mondabi sabal 910 atfareg war atfag.
15Hun Mahalaleel indag tibag sali mo ilig am wirig am turukmen teng pirenman nubam hilag nanggoloben 65 atfagma amloho Yared indag tibag. 16Welatfareg ap umaliket hilani umaliket indag enepfag. 17Indag enepfareg mo ilig am wirig am turukmen Mahalaleel ino mondabi sabal 895 atfareg war atfag.
18Hun Yared indag tibag sali mo ilig am wirig am turukmen teng falfaliken 162 atfagma amloho Henokh indag tibag. 19Welatfareg ap umaliket hilani umaliket indag enepfag. 20Indag enepfareg mo ilig am wirig am turukmen Yared ino mondabi sabal 962 atfareg war atfag.
21Hun Henokh indag tibag li mo ilig am wirig am turukmen teng pirenman nubam hilag nanggoloben 65 atfagma amloho Metusalah indag tibag. 22Welatfareg hun Henokh ino Allah men ininggik ahandip toho weregman eneg mo ilig am wirig am turukmen teng nanggoloben 300 atfag. Ap umaliket hilani umaliket indag enepfareg 23Henokh indag tibag sali mo ilig am wirig am turukmen teng nunggul hiriken 365 atfag. 24#Ibr 11:5; Yud 1:14Atfagma Allah men ininggik ahandip toho welatfag ane ariyen Allahn lisoho wibagma aben oho hibag fug.
25Hun Metusalah indag tibag sali mo ilig am wirig am turukmen teng sabiren 187 atfagma amloho Lamekh indag tibag. 26Welatfareg ap umaliket hilani umaliket indag enepfag. 27Indag enepfareg mo ilig am wirig am turukmen Metusalah ino mondabi sabal 969 atfareg war atfag.
28Hun Lamekh indag tibag sali mo ilig am wirig am turukmen teng falfaliken 182 atfagma amloho eke indag tibareg 29ele uruk lit, ”Ninikni Allahn kinang huluwap tibagma niren yabuk asengseng toho witukmu malik tuwen ninindi seyap neneptuk laruhu,” ulug unuk Nuh#Nuh: Ibrani enele fam unuk Nuh men ninindi seyap neneptukon men ambi reg. suwalfag. 30Welatfareg ap umaliket hilani umaliket indag enepfag. 31Indag enepfareg mo ilig am wirig am turukmen Lamekh ino mondabi sabal 777 atfareg war atfag.
32Hun Nuh indag tibag sali mo ilig am wirig am turukmen teng num fuman 500 atfagma umalikisi Sem men Ham men Yafet men indag enepfag.
Цяпер абрана:
KEJADIAN 5: YLI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
@ LAI 2018