MATÌÙT 6:16-18

Atì'nogo yogoisasikesik he, aike mel yogoisasike: “Hit sùpùrùk nìkì'lek sapanat iko motok logouogolùk halok he, it apùnì aike inogat oba nek hano salek logolìk inetaùken pìre mene nen, Apùnì aike nen enagat hù'nisoak, ìlùk inelokoken ohuselogo welagaikarek atì hak, logousak lek. It atì oko hela hak he, we, apùnì nen enagat yerisagarek atìat ìlùk, eberogoat yogohisìgì o. Mene, hit enek he, sùpùrùk nìkì'lek sapanat iko logouogolùk halok, apùnì nen enagat hùthikanogo. Hinopase Ala apùnì nen ineileken hagarek lek mene a'nogo aligat en enagat hùthikoagalùk, hinogat sobalogo re, hinesi hesalogo logolìk, sapan ìkì logousak o. Atì'nogo hinagasogo hagatep halok he, hinopase Ala apùnì ineileken hagarek lek mene atì eileken hisìlìk oko wokhisegein o,” ìlùk yogoisasike.