Gaoi 12
12
Fakaveliveli o le Ekelesia : pilisoni o Petelo
1I le temi lena, na kamata fakavelivelii loa e le sau ko Elote ni iki o le Ekelesia, 2ti na tamate loa e ia ki le seleta a Sakopo, taina o Soane. 3I lana tio na ano malie le nea a ia ki le kau Sutea, na fakatotonu loa e ia ke toe too foki mo Petelo. Ko aso ana o pane sala fakatupu. 4I le oki o le too o Petelo, o velo ki le pilisoni, na tuku loa e Elote ke leo a ia e ni vaega solia e fa, na taki toka fa, mo le manatu ke fakamaaui a ia i mua o le kakai mo ka oki loa le Pasikate.
Saofaki fakamilakulo o Petelo
5Ti na leo loa Petelo i le fale pilisoni ; kae na leaise toe gato loa lona ulufaki e le Ekelesia ki le Atua.
6I le pouli, leia na ala usu ake ti fakamaaui loa a ia e Elote, na moe loa Petelo i vasa o tagata solia e toka lua, kua sai a ia ki tini e lua ; ti na tutuu loa ni tagata leo pilisoni i mua o le matapa, o leo le fale pilisoni. 7Ti ko leinei, na tuu mai loa se aselo o le Aliki, ti na mu loa se malama i le loto fale pilisoni. Ti na fafagu loa e le aselo a Petelo, o papa ki lona fetuu, o pati : Tuu vave ki aluga ! Ti na vivilo loa a tini mei ona lima. 8Ti na pati loa le aselo kiate ia : Toi lou kilipipi, ti tui ou taka. Ti na fai loa a ia ki ai. Ti na toe pati loa le aselo kiate ia : Tui lou taupulupulu, o muli mai iate au. 9Ti na ulu loa Petelo ki fafo i ona muli, o leaise iloa e ia e maoki le nea leia na fai e le aselo, o pati a ia ko se moe miti. 10I lala fakasili i le uluaki kau leo, ti mo lona lua, na la kaku loa ki le matapa ukamea leia e taki ia ki le kolo, ti na mavaa toka tasi loa a ia i ola mua ; ti na la ulu loa ki fafo o ano i se ala. Ti fokifa kua puli loa le aselo ia Petelo.
11I lona malama ake, na pati loa Petelo : Kua kau iloa papau i le temi nei kua kakau mai e le Atua lana aselo, ti kua fakamauli e ia au mei le lima o Elote ti mo nea fuli ala na talitali ki ai le kakai Sutea. 12I le oki o lana fakakaukau, na ano loa a ia ki le fale o Malia, tinana o Soane leia na fakaigoa ko Maleko, talie na fakatasi i ai se toka api o faikole. 13Ti na fitifiti loa a ia i le matapa lasi, ti na au loa se fafine fakasausau na igoa ko Lota, o fakalogologo. 14Ti na iloa loa e ia le leo o Petelo ; ti i lona fiafia, na leaise fakamavaa loa e ia le matapa kae na makape loa a ia, o fakasa kua tuu Petelo i fafo i le mua matapa. 15Na lotou pati loa ki le fafine fakasausau : E ke valea. Kae na fakapapau loa a ia ko le maoki. Ti na lotou pati loa : Ko lona aselo. 16Kae na soko atu loa le fitifiti a Petelo i le matapa. Na lotou fakamavaa loa le matapa, ti na lotou punamauli loa i lalatou tio kiate ia. 17Ti na siki loa e Petelo lona lima kia latou ke fakalologo, ti na fakamatala loa e ia kia latou lona fakamauli e le Aliki mei le fale pilisoni, ti na pati loa a ia : Kotou fakasa le nea lena kia Sakopo mo fetaina. Ti na ulu loa a ia ki fafo, o ano ki se tasi ake ganea.
18I le ala usu ake, na feosoaki loa le kau solia, o afa pe kolea le nea kua soko kia Petelo. 19Na fakatotonu loa e Elote ke afa a ia, kae na leaise maua loa a ia ; ti na fakamaaui loa e Elote le kau leo pilisoni, o fakatotonu ke tamate latou. Ti na ifo loa a ia mei Sutea ki Sesalea, o nofo i ai.
Tautea mo le mate o Elote
20Na nofo Elote mo se ita lasi ki kakai o fenua ko Tile mo Sitone. Kae na lotou loto tasi loa ke lotou ano kia Elote ; ti na lotou maua loa Palasetusi, ko le tagata leo o le kogafale o le sau ; ti na lotou kole loa le tokamalie kia Elote, talie na mauli olatou fenua mei le fenua o le sau. 21I le aso kua fakatuutuu ki ai, na tui loa e Elote ona kofu fakasau, ti na eke loa a ia i le ekeekeaga fakasau, o masau kia latou. 22Ti na kalaga loa le kakai, o pati : Ko le leo a ia o se atua, kae leai o se tagata ! 23I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.
24Kae na mafola loa le folafola a le Atua, ti na tupu loa o lasi ai le kau tisipulo.
25Ko Palenapa mo Saulo, i le oki o le fai o lala gaoi, na toe liliu loa mei Selusalemi, ti na la aumai loa Soane leia na fakaigoa ko Maleko.
Цяпер абрана:
Gaoi 12: FB2000
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Société Biblique de Genève, 2000-2020