Марԛос 7
7
Рʼаԝ-рʼьзьмед кал-бава у хәбәра Хԝәде
(Мәтта 15:1-9)
1Ферьсийа у һьнәк ԛанунзанед кӧ жь Оршәлиме һатьбун, дора Иса гьртьн. 2Ԝана дит кӧ һьнәкә жь шагьртед Ԝи бь дәстед һʼәрам, аԝа готи дәстнәшушти нан дьхԝьн. 3Ферьси у һʼәму щьһу пәй рʼаԝ-рʼьзьмед кал у бавед хԝә дьчьн, һʼәта кӧ дәстед хԝә рʼьнд нәшон, нане хԝә нахԝьн 4у жь базаре жи чь тиньн, һʼәта аве нәхьн, нахԝьн#7:4 Нав һьнәк дәстньвисарада аһа йә: «У жь базаре жи тен, һʼәта аве сәр хԝәда нәкьн, нен нахԝьн». . Гәләк әʼдәтед дьн жи һәнә, кӧ жь кал у бава һьлданә у дьԛәдиньн: Мәсәлә, мина шуштьна тʼаса, шәрбька у фьраԛед сьфьрә майин#7:4 Нав һьнәк дәстньвисарада әв жи һәйә: «Ӧса жи щи-ньвина». . 5Һьнге ферьси у ԛанунзана жь Иса пьрсин: «Чьма шагьртед Тә пәй рʼаԝ-рʼьзьмед кал у бава начьн у бь дәстед һʼәрам#7:5 Нав дәстньвисаред ԛәнщда дәԝса «бь дәстед һʼәрам» «дәстԛьлер» һәйә. нан дьхԝьн?» 6Әԝи ль ԝан вәгәрʼанд у гот: «Ишайа бона ԝә дӧрʼуйа рʼаст пʼехәмбәрти кьрийә! Чаԝа кӧ һатийә ньвисаре:
‹Әва щьмәʼта бь заре хԝә ԛәдьре Мьн дьгьрә,
ле дьле ԝан жь Мьн дур ә.
7Бадиһәԝа Мьн дьһʼәбиньн,
тʼәмийед мәрьва чаԝа ԛанунед Мьн щьмәʼте һин дькьн›#7:7 Ишайа 29:13. .
8Һун тʼәмийед Хԝәде дьһельн у пәй рʼаԝ-рʼьзьмед мәрьвайийе дькʼәвьн». 9У гот: «Һун тʼәмийед Хԝәде рʼьнд дьдьнә алики, ԝәки рʼаԝ-рʼьзьмед хԝә хԝәй кьн. 10Мәсәлә, Муса готийә: ‹Ԛәдьре де у баве хԝә бьгьрә›#7:10 Дәркʼәтьн 20:12; Ԛануна Дӧщари 5:16. у ‹Әԝе кӧ гьлики ԛолайи де у баве хԝәрʼа бежә, гәрәке бе кӧштьне›#7:10 Дәркʼәтьн 21:17; Ԛануна Кʼаһинтийе 20:9. . 11Ле һун дьбежьн: ‹Кʼи кӧ дийа хԝә йан баве хԝәрʼа бежә: Әԝ аликʼарийа кӧ гәрәке жь мьн бьгьһижә тә, әԝ «ԛӧрбан» ә›, (аԝа готи дийарик ә кӧ Хԝәдерʼа те дайине) 12һун иди наһельн кӧ әԝ тьштәки де у баве хԝәрʼа бькә! 13Бь ви аԝайи, һун бь ԝан рʼаԝ-рʼьзьмед хԝәйә кӧ дәрбази ньсьлед ну дькьн, хәбәра Хԝәде дькьнә хԝәли. У һун гәләк тьштед аһа дькьн».
Тьштед кӧ мерьв дьһʼәрʼьминьн
(Мәтта 15:10-20)
14Һьнге Иса әʼлаләт диса гази щәм Хԝә кьр у готә ԝан: «Һун һʼәму гӧһдарийа Мьн бькьн у фәʼм кьн. 15Тьштәки ӧса тʼӧнә, кӧ жь дәрва бькʼәвә нав-дьле мерьв у ԝи бьһʼәрʼьминә, ле әԝ тьштед кӧ жь дьл дәртен, әԝ мерьв дьһʼәрʼьминьн. 16Гӧһе кʼейи бьһистьне һәйә бьра бьбьһе»#7:16 Нав дәстньвисаред һәрә ԛәнщда рʼеза 16-а тʼӧнә. .
17Гава жь әʼлаләте ԛәтийа һатә мал, шагьртед Ԝи мәʼна ԝе мәсәле же пьрсин. 18Иса ль ԝан вәгәрʼанд у гот: «Һун һе нагьһижьнә гьлийа? Чьма һун фәʼм накьн, чь кӧ жь дәрва дькʼәвә нав-дьле мерьв, нькарә ԝи бьһʼәрʼьминә. 19Чьмки әԝ нә кӧ дькʼәвьнә дьле ԝи, ле дьчьнә зьке ԝи у жь ԝьр жи дәртен дәрва». (Бь ви аԝайи Иса да кʼьфше, кӧ һʼәму хԝарьн жи һʼәлал ьн.) 20У гот: «Әԝ тьштед кӧ жь дьле мерьв дәрдькʼәвьн, әԝ ԝи дьһʼәрʼьминьн. 21Чьмки жь һьндӧрʼ, жь дьле мәрьв фькьред хьраб дәрдькʼәвьн: Ԛави, дьзи, кӧштьн, 22зьнекʼари, тьмайи, хьраби, фелбази, толти, чʼәʼве хьраб, бӧхданбежи, кʼӧбари у беаԛьли. 23Әв һʼәму тьштед хьраб жь дьл дәрдькʼәвьн у мерьв дьһʼәрʼьминьн».
Баԝәрийа кʼӧлфәта Финикйа Сурйайе
(Мәтта 15:21-28)
24Иса жь ԝе дәре рʼабу чу синоре Суре. Чу маләке у нәдьхԝәст кӧ кәсәк пе бьһʼәсийа, ле нькарьбу Хԝә вәшарта. 25Кʼӧлфәтәкә кӧ ԛизька ԝе рʼӧһʼе һʼәрамва гьрти бу, бона Иса пе һʼәсийа, ләз һат у хԝә авитә бәр ньгед Ԝи. 26Әԝ кʼӧлфәт йунан бу, әʼсьле хԝәда жи жь Финикйа Сурйайе бу. Ԝе лава жь Иса кьр, кӧ щьн жь ԛиза ԝе дәрхә. 27Иса ԝерʼа гот: «Бьһелә бьра пешийе зарʼ тʼер бьн, чьмки нә рʼаст ә кӧ нан бәр зарʼа һьлдьн у бавежьнә бәр са». 28Әԝе ль Ԝи вәгәрʼанд у гот: «Бәле Хӧдан, нә сә жи ԝан һурькед бәр зарʼайә бьне сьфреда майи дьхԝьн?» 29Һьнге Әԝи кʼӧлфәтерʼа гот: «Бона хатьре ве готьна тә, тӧ дькари һәрʼи. Щьн жь ԛизька тә дәркʼәт». 30Кʼӧлфәт жи чу мала хԝә, дина хԝә дайе, ԝе ԛизьк нав ньвинеда пʼалда йә у щьн жи же дәркʼәтийә.
Мәрьвәки кәрʼ у лал хәбәр дьдә
31Пәй ԝе йәкерʼа Иса жь синоре Суре дәркʼәт, нава Сайдерʼа дәрбаз бу, ԛәза Декаполисерʼа һатә гола Щәлиле. 32Мәрьвәки кәрʼ у лал анинә щәм Ԝи у лава же кьрьн кӧ дәсте Хԝә дайнә сәр ԝи. 33Иса әԝ мәрьв жь әʼлаләте ԛәтанд, тʼьлийед Хԝә кьрьнә гӧһед ԝи, дәсте Хԝәда тʼукьр, ль зьмане ԝи да. 34У бәре Хԝә әʼзменда кьр, кʼәсәр һате у гот: «Әффата!» кӧ те фәʼмкьрьне: «Вәбә!» 35У дәст хԝәда гӧһед ԝи бьһистьн, зьмане ԝи вәбу у зәлал дәст бь хәбәрдане кьр. 36Иса тʼәми ль ԝан кьр, кӧ кәсирʼа нәбежьн. Ле Әԝи чьԛас тʼәми ль ԝан дькьр, ԝана һаԛас зедә бәла дькьр. 37Мәрьв гәләки әʼщебмайи мабун у дьготьн: «Әви һʼәму тьшт ԛәнщ кьр: Һьн кәрʼа дьдә бьһистьне, һьн жи лала дьдә хәбәрдане».
Цяпер абрана:
Марԛос 7: KmrNTC
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© Институт перевода Библии, 2000, 2011