Mark 11
11
1Wa gilh dāḵw mīs gāḵ nuhwāh‐īd lāḵ Jerusalem, gāḵ lāḵ Bethphage glū Bethany, lāḵī da nuge glīkādis Olives, la yālāḵ‐īd tsī da mālūqī lāḵīs disciples,
2Nīk lāh dāḵwuk, hāgih dāḵw la lāḵī da gūqila nuḵ‐k̤iūdī sus, gil um‐kl wīsus lāzaulīs‐kl lāk, lāh dāḵw klis hīh‐īda um‐kl dūḵwāklilā‐kl ḵā ginānumā gūdān mūk̤wisā, yiḵā kīs ma k̤wegind tsūs numūqa bagwānuma, qītlulsālāk, kās gāḵa‐ūsas.
3Gil um lāḵ wīsis nīk sū lāḵ, māsīs hīgītla qīgīlī, lāh dāḵw klis nīk‐kl, uḵ‐īḵsda sū gwā sa Gīkumāya; hīh‐īda um‐kl wīsī nīk‐kl kā gāḵīs.
4Wa lāh daḵw mīs, la dūḵ‐wāklilā ḵā ginānumī gūdān māk̤wis lāḵā klāsanauyī; lāh dāḵw qītlulsāk.
5La āsa gāyūtlī lāḵā glāhglosī lāk, nīk lāh dāḵwuk, māzūs qītlā gītla ḵwā gūdanīḵ?
6Lāh dāḵw nīks qayūh des Jesus kā wātldum‐ūgwītl dāḵws: wa lāh dāḵw mīs hītl‐k̤āla umḵ lā.
7Gāḵ dāḵwī sa ginānumī gūdān lāḵ Jesus, lāh dāḵw klubīgin‐dāla sīs qītlqela lāk, lī Jesus k̤weginduk.
8La um ḵa‐ā wīsī da kīnumī klupulsilā sīs qītlqela lāḵā tihyilā; lī da wa‐ūqā sī da māmemī, yiḵ tūzānumh dāḵwas lāḵā awīnāgwīs.
9Wa yih dāḵw ḵī da gāla‐gīwāyī, hīmīsī da ulḵglīh dāḵwī hāsilas, Hosanna, ek wīs tī da gāḵī lāḵ glīkuma sa Ike Gīkumī:
10Ek wīs tī da gīkāsa gāḵ‐kl, yiḵ gīkāsa sints ūmp wūtla ī David: Hosanna lāḵī da īkiā‐kāwī.
11Lī Jesus lāzaulīs lāḵ Jerusalem, lā la‐īkl lāḵā temple: wa gil mīs qātl dūqā ḵī da nāhwā, la um zāqā, lā lawils kās le lāḵ Bethany gla wī da mālūgwigiyū.
12Wa ḵī da lā tlinsā, yiḵs gāḵ dāk̤wa ī lotlzaulīs lāḵ Bethany, la pūskuh‐īda:
13La dūqilā ḵā fig mis lāḵā qīsāla māmemḵ‐klaula, gāḵ lāk kās dūqīḵ nūnawīmas lāḵā lāk: wa gil mīs gāḵ‐āklil lāk, au mīs hīga mī da māmemī khā sūs lāk, kā kīzīnī mas klūp dum sa figs.
14La yāk̤ugātl kās nīkīk, kīyos laga bagwanum humā‐īnūḵ kluḵ nūnawīmasa lūkl gāyābālā‐kl lāq, lamīsī disciplesas wuklilā umk.
15Wa gāḵ dāḵw lāḵ Jerusalem: lā la‐īkl lāḵā temple, la zukum wilsilāh īda ḵā lāḵulāh dāḵwī gla wa kilhwā lāḵ awīklile sī da temple, klīhyim gālītlilāḵ kīkilhw dumītl dāḵw de sa klāyau sa dālā, glū k̤wātla ās dāḵw de sa lāḵule ḵā pīpāklūmas;
16La kīs ḵād hītlk̤ālāḵ numūqa bagwānum dāh‐saulītlilā sū nūq lāḵā temple.
17La glīḵs‐uh‐īd, nīk lāh dāḵwuk, kīsa ī k̤iaduqa ā, Ḵun gūqī glīkād klīs hawāḵulazī kā ī da nāhwā līlqilāklāya, lā glā tas lā gilūglāzī masuq.
18Wuklilā mīsī da gīgakumāyī la‐ulbled gla wī da kī‐k̤iātīnūḵ yiḵs la ī nīkia, la āle kās hītlā‐ḵa‐āsuk kā tlilīs: kā īs kitlilā īnīh dāḵwas, kā ī da kīnum bagwānumḵs nāhwā ma ī ḵunyasas wātldumas.
19Hīmunātla mīs lā ḵūḵ zāzaqāḵ lotlzaulīs lāḵā gūqila.
20Wa yiḵs lāh dāḵwa ī hiyākulā ḵā kaāla, lāh dāḵw dūqilā ḵī da fig mis au‐um lā hwils‐īda geh‐īda um lāḵā klūpukī.
21Lī Peter hamulk̤wilā nīk yuk, Gīkumī, doḵwā fig misā kūs yāk̤īgātl tsū wūtl au mūḵ lā hwiltsīstā.
22Lī Jesus yāk̤ugātl nīk lāh dāḵwuk, ūqislā ḵā Ike Gīkumī.
23Kāḵ gin aulī gin nīkiūkl, yiḵā ungwā kla nīk kluḵ gada nugek, wīga klīqilīsuḵ kās lā ūs zuḵstā lāḵā k̤lāsāqī, glū kīs wīwayūqizīkulā lāḵ lāḵīs naukāyī, au um glātl ūqis ḵīs wātldumāḵs hīmī klī qelā klī; lā klī lo kluk.
24Hīmī sin lāgītl nīkiūkl ḵā nāhwā yūs hawāḵulā gītl glū uḵ‐k̤iāla sū wa, ūqisuḵs la mā ākūs lo kluk, lāh dāḵw mī sis aulā‐kl lo kluk.
25Wa gilh daḵw mī sis glāḵwātla hawāḵulā, klalīwī‐lā kāsū qīh‐īdaās tsū nūgwaāgiūtl lāḵs numūqa bagwānum; kā ūgwākī sīs Umpa ūs yiḵī da he lī da īke klalīwī ḵīs hūsūs yāksum qīgīlasa.
26Wa kā glā sū kīs lāḵ dīgiklilū‐dilāḵ, kīs um lāḵ ḵa ā wī sīs Umpa ūs dīgiklilūd ḵīs hūs ūs yekīnāyā.
27¶ Gāḵ daḵw ītīd lāḵ Jerusalem: wa yiḵs lā ī gīgilītlil lāḵā temple, gāḵa ā sī da gīgikumāyī la‐ulbled, gla wī da kī‐k̤iātīnūḵ, gla wī da k̤wils‐k̤wilyāqī,
28Lāh dāḵw nīk yuk, wīzisa zau sī ḵūs qīgīlasā kūs? ungwāzī īāḵī nūqā sīs lāgītla ūs hī qīgīlūs qīgīlasā kūs?
29Lī Jesus nīk yuk, wuklā klī sin klūkl lāḵā numh‐īdatla, la mī sis nītlā‐kl gāḵun, wa lā‐kl wīs glin nīk klūklas uḵe nūqā sin lāgītla hī qīgīlin qīgīlasīḵ.
30Yiḵ baptize zīnā yūtlas John, wīzis wūtlī, gāyūtl mūtlā ī lāḵā īke, glū bagwanum zis mūtl? nītlā‐laga gāḵun.
31Lāh dāḵw k̤īk̤ayūd k̤wilīxma, nīkia, gil um lāḵunts nīk lāḵ, gāyūtl mūtlī lāḵā īk̤e, lā klūḵ nīk‐kl, māzau tīs kīs dāḵwītl wūtla ūqis kī?
32Gil mī lāḵ ga glints nīk lāḵ, gāyūtl um lāḵ bagwanum, kitlilāh dāḵw tī sa nāhwā bagwanum; kā īḵs nāhwā ma ī nīk kīḵs aulak̤iāla ūtla prophetī John.
33Lāh dāḵw yāk̤ugātl kās nīkīḵ Jesus, kīsunūh k̤auklilā: lī Jesus nīk lāh dāḵwuk, kīs um ḵa un ūgwākā nītlū klas uḵe nūqā sin hīgītlī qīgīlā gin qīgīlasik.
Цяпер абрана:
Mark 11: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.