Luke 21
21
1Wa la dūkūstau, la dūḵ‐wāklilā ḵā kīkuyādī bībagwānum yiḵā zuḵzaule sīs yāqum laḵa dālazī.
2Wa dūḵ‐wāklila ḵā tlāhgwātlī zidāk zuḵzūd lāk yisa mātlī cent.
3La nīkia, aulī gin nīkiūkl, yiḵwā wīwūsīlakāḵ zidāk kīkawaya ūs zuḵzūyūḵ lahdaḵw ḵā nāhwā:
4Kā ūk da nāhwāḵ uḵdaḵwa īḵ lāḵīs kīnum ī uḵā kās zuḵzaulayū laḵa yāqum ī: lā glā tūḵ da zidāk īḵ, wāh um wīwūsīlakā zuḵzūd wīla sīs ḵāklāḵāwīh dī.
5¶ Wa yiḵs qāqīxālasa īda umyāḵulazī, āmūzuqa ī yisa ekī tīsum gla wa yāqum ī, la nīkia,
6Yiḵūḵ da dūqātla sūh daḵwā kūs, gāḵ um klī da nālā kla, yiḵ lāh dum kla sūḵ kīyos num skumīs awī‐kl lāq muqsumīkl lāḵ num skum ī tīsum a, ḵā kīs kla klīhiāḵūyū‐kl.
7Lah daḵw wūklāk, nīkia, kākūklāmas, wa wīlāq tā klūḵ hī qīh‐īd klī? wa mās klī ḵā ī māmātltīkī kla, kā ḵū lā‐kl īhiātlā‐kl?
8La nīkia, yāklaula kās k̤īs dāḵwa ūs lalāhzum a: kāḵs kīnum ī klī da gāḵ kla lāḵun glīkum ī, nīk‐kl, nūgwa um Christ, glū, la mūḵ īhiātla: qāh daḵw la lāskum īk.
9Glu kāsū lahdaḵw‐kl wuklilā kluḵ wīnāpī glū ḵūmātlilā qālā kitlilāḵ: kā īḵs yū wīs tā ma ās gil‐kl gāḵ‐kl; k̤īs um‐kl wīs glī da wilbe‐kl nuhwe gī‐kl.
10Wa la nīk lahdaḵwuk, līlqilaklī wīnā kluḵ līlqilaklī, glū gīkās hāyūtaulā‐kl glū gīkās:
11Lā‐kl ḵa ī wālas klī nīnīnīne kla, glū klī pūsk̤ā kla lāḵ wa‐ūq awīnāgwīs glū yāksum kla zihkūlum‐kl; hīmīsī kīkialīmākl glū klī wālas kla mī‐māmātltīkī‐kl gāyā nāqilā‐kl laḵ īk̤ī.
12Wa gālākāwī glā‐kl nāhwā‐kl tsīk, dāh‐īdih daḵw klī lūkl, lā‐kl ḵa ī mīmkltsīlāklūkl, lā klūs laḵa kī‐kāpīkawāzī gla wa wī‐wālazī, lāyū klis laḵ gī‐gīkumāyī gla wa hī‐hānāgazī kā un glīkum ī.
13La mīs aīdaākā‐kl lūkl kā kākālākiaya.
14Wa qātl la hyī lāḵīs nīnaukāyūs, kās k̤īsa ūs qāhqālītla ḵīs nānāḵmā‐yāyū kla ūs:
15Kāḵ gin zawe‐kl gin klū klas simpsā glū naukādālaze, yiḵ wāh sū kla sīs nāhwe yūs hayūtā kākādālak glū tlogwiḵstā lak.
16Wa lah daḵw mīs glas zaweh daḵw‐kl ya um‐kl tsīs gīga‐ūtlnūqūs, glū nātl‐numwiyūt, gla wīs glīglaglaule yūs, glū‐kl tsīs ma‐umtl‐tītlūs, lā nūq kla ḵa ās tlilā‐matsūkl yih dāḵw klis.
17Lah daḵw kla ḵa ās klīzitl klis nāhwā bagwānum a kā un glīkum i.
18Kiyos glā ta‐kl numzāḵ‐kl lāḵūḵ sayēḵ sūs hiūmsīḵ k̤īyohwīd‐kl.
19Lāḵīs tlālā‐wūtlila īnāyūs lah daḵw klis lo‐kl ḵīs bī‐bahwanāyūs.
20¶ Gilh daḵw um‐kl wīs glas dūqilā kluḵūḵ Jerusalemḵ k̤immestin tsū klis wīnā, lā klis kauklilā kla kūḵs la mā īḵ īhiātla‐kl k̤īyohwīda.
21Wa wīgiklilā hyī da yū klā lūḵ Judæaḵ hītl‐tsaw‐kl laḵa na‐unge: glū kā wīgih daḵwī‐kl tsa nuḵzaulīsāḵs lotlzaulīs‐kl; glū kā wīgih daḵwī‐kl tsī da hīklā lī da ī‐āklīnāgwīs aāklaākā‐kl lāk.
22Kā gas nālī gas kusīda unḵ‐kl, kā aulāh īda matsū mī lāḵ sī da nāhwā yiḵā kiāduqī.
23Lākāla klisī da bawīq kla, gla wī da gintlilā kla laḵī da nālā kla; ka īḵs wālas ī klī da wīwūsīlākā īnī kla sa awīnāgwīsīḵ, glū yākī lāḵwā līlqilākla yīḵ.
24Lah dāḵw klūḵ gāyālā‐kl lāḵ ūhweyā sa qīḵāyū, lā klūḵ nīḵuq‐kl kākiūglānum‐kl, lāyū‐kl lāḵ nāhwā līlqilāklaya: lā klūḵ Jerusalem‐ḵ tīpāḵula sū‐kl tsa ūgwuḵsumāq, lāgaāklilā‐kl lāḵ lāh dum kla sa ūgwuḵsumāq lastūdā matsa wīs nālā.
25¶ Wa lā klī da māmātltīkī kla laḵa klīsila gla wī da muqila gla wa tūtū; yū mī sa bunīḵ awīnāgwīs lāk̤āla klī līlqilāklayī, lā‐kl nūtlā‐kl kā ī da qutle sa dumshyī gla wa tūhwā;
26Luhwīd klī naukāyas bībagwānum kā īs kitle kla, glū kā īs dādūqāla īnī klā ḵā nāhwā gāḵ sumd kluḵ lī‐ulqilā‐klāyī: kā ī da tlīlāhwāya sī da īk̤ī nithīd tsū‐kl.
27Wa lah daḵw klī dūqila kluḵ Ḵwanūqa sa bagwānum gāḵ qāsūtlilā‐kl qākī‐kl laḵa unwāyī numā‐nāqilā‐kl glū tlāhwāyī hī mīs egalazī.
28Gil um‐kl wīs glā gada nāhwāg gālanāqil aulāh‐īdikl, dūkūstaula, glū kās īk̤iakumh‐īda ūs; kā la īnī masīs ītīstā līzum īnā yūs īhiātla.
29¶ Wa la yakugātl lah dāḵwuk yisa numāhyis dum ā: doḵā fig mis, gla wa nāhwā glāh‐glosā:
30Yiḵs la ī būlīqā, lah dāḵw ums dūqilāk, la um ḵa ā wīsis kauklilā kīḵs la mā ī da hī‐unḵī īhiātlā.
31Hīh daḵw um ḵa ā wīsis qīh‐īdī, kāsū lāh dakw‐kl dūqilā kluḵ gada nāhwāg gāḵanāqilā‐kl aulāhīd, kauklilah daḵw klilā kīḵs la mā ī da gīkāsā sī da Ik̤e Gīkumī īhiātla.
32Aulin nīkiūkl, k̤īs um klūḵ da qāḵa nāqilāḵ k̤īyohwīdi‐kl, kā ḵū nāhwā um‐kl qātl‐tsīstā matsū‐kl.
33Kīyohwīd kla īkī gla wa bunīḵ awīnāgwīs: lā glā tin wātldum ī k̤īs‐kl k̤īyohwīdi‐kl.
34¶ Wa yāklauh daḵw la hyī glāgl, ā klūs nīnaukayā kūs kakūtā kinā yis awilkula, glū wunātla, glū awīlilkulā īnāyī yisa qilāḵ, lī da nālā gāḵ lukl ūdāh‐āklilā.
35Kā īḵs hī klā qīx qeglāyū gāḵ‐kl lāḵwā nāhwā gūqil lāḵwā nāhwāḵ awīnāgwīs.
36K̤ākumātlah daḵw la hyī glāgl hīmunātla umḵ, hawāḵulāḵ, kās tloq daḵw mī lāḵūs kās ekiau ūs lāḵ gada nāhwāg gaḵ‐kl hayākā‐kl, glū kās glaḵwātlī klūs laḵ nukumāya sa Ḵwanūqa sa bagwānum.
37Wa ḵūḵ nāhwāḵ nīnālā k̤ākūklāmasī laḵa umyāḵulazī; wa ḵūḵ nāhwāḵ kākanūkla la lā‐wilsā, kās qilhīdī laḵa nuge ḵā glīkādes nuge sa Olives.
38Nāhwā mī sī da bagwānum gāḵūḵ kaāla kiasīḵ lak laḵa umyāḵulazī, kās hūklīlīk.
Цяпер абрана:
Luke 21: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.